أحـبـبـت تـلـك الـمـريـضـة

Bart 10

طلع ابوي وعباس ومانسمع اله صوت عباس صاح وصوت طلقـة

طلعت اركض والمعازيم انخبصوا طلعت وشفت منظر عباس مرمي على الارض والدم يجري من جهـة قلبه صحـت بصوت عالي على ارڪان الي گدامي صـار
بلـغوا منظمي القاعه على الشرطـة واخذوا ارڪان
اخذ ابوي عباس للمستشفى هو وخالي
ضليت ابچي وامـه تبچي واخذهـه ابنـهة لمستشفى هو وخواته
بدلولي فستاني وطلعت لمستشفى وصـلت هناك واجتني ام عباس

ام عباس: ارتاحيتي عـرڪه وابني راح بالرجلين

اجـه ابوي اخذني على صفحـة

ابراهيم: عالم منا عيب بالبيت نقاش ام عباس انتِ چبيره عيب

ام عباس: تعلمني على العيب علم بنتك
يتعارك عليهة الزلم ما گالت عندي عشاق ابني راح بيهـة
7
تجاهل ابوي كلامهـة بس عصب كلش

امي اخذت البنات وراحوا للبيت واني رفضت اروح ضلينه ساعتين كلام امـه بالنسبة الي سم وكل شوي تتحسب عليه

طلع الدكتور وطمنـة راح الخطر وطلعت الطلقه
بس لازم يضل تحت العنايـة يومين
تقربت ميس يمي وحضنتني

ميس: لا تاخذين بكلام أمي لان ابنـهة
وهو من رادچ هيه ما موافقه

همس: اني شنو ذنبي تتهمني والله هو مو اني هو حباني
وابن عمي الحقير ضـربة

طبطبت عليه واخذني ابوي للبيت رحت صليت وادعي چان احلى يوم تحول لڪارثـة

كل يوم بابا يروح يطمن على عباس واني بـهاي اليومين نايمه بالفراش وابچي
طلع عباس من المستشفى واجـه ابوي تعبان دخل لغرفتي

ابراهيم: همس بنتي گاعده
همس: أي بابا تفضل
ابراهيم: بابا حبيبتي
عباس خوش رجال ونعم بيه
وطلع من مستشفى اليوم بس امـة مبينه صعبـه وراح تتعـبچ
اخذي وقتچ وفڪري واذا انتِ راضيه اشـرط عليـه بيت وحدچ

حضنت ابوي وبچيت دخلت امي
مريم: حبيبتي لا تستعجلين كلام ابوج صح
انتِ فڪري
همس: مفڪرة عادي امـه صعبـة اني اتحمل ڪافي

ماادري ليش بوقتهـة بينت لاهلي اني احـبة رغم تسرعت بقراري و كل شي صار سريع
حسيت روحي بدوامه ڪبيرة كل شي سريع اعجابي تحول حب وخطوبتي الي تحولت اسوء يوم

خابرت عباس وماجاوبني نمت واني ابچي
اتصل عليه فزيت من النوم مرعوبه اريد بس احچي وياه

عباس: هلو همس
همس: هلو عباس شلونك
عباس: مشتاقلچ والله
همس: بسببي هذا الي صار هو يحبني وهيچ صار بيك والله ماادري رتح يتصرف هيچ اسفـة
عباس: منو گال الچ بسببچ
هو همجـي مفتهم الـحب غلط
همس: شلون صرت
عباس: هسه صرت زين
همس: سلامتك خوفتني عليك
عباس: خفتي عليه
همس: ليش لا
عباس: اممم سؤال
همس: جواب
عباس: همس تحبيني؟؟
همس: لا ما احبك
عباس: تمام يلا كل واحد يروح لطريقه
همس: صدگت بيه
عباس: اي صدگت وزعلت
همس: اتشاقه وياك يلا نحبك
عباس: منو يحبني
همس: ابوي غير اني
عباس: فديت الي يحبني لو يضربون شاجور كامل بيه قابل علمودچ
همس: خاف امك تكتلني هاي المـرة
عباس: گالت الي ميس شگد ضغطت عليج
همس: عادي ما همني بوقتـهة بس ردت اسمع شي يطمني عنك ورحت للبيت
عباس: يا روحي اليوم اجيج
همس: وين تجي بعدك اليوم طالع من المستشفى
عباس: عادي اريد اشوفچ
همس: عباس حفلتي انگلبت اسوء يوم
عباس: وعد زلم الـه  اسويلچ عـرس يليق بفراشتي
همس: اممم يلااا اروح نعست
عباس: حضري لخطيبچ اكل جوعان
همس: تدلل هسه گايمه

سديت الخط واني شوي واطير من الفرحـة ركضت سويت برياني دجاج و بصـفه كيك بارد
دخلت سبحت ولبست فستان وردي طويل
طلعوا اهلي وشافوني بقـمة السعاده
رُسل: ست همس فرحانه راح يجي حبيب الروح
همس: وخري من يمي لا اتلبك اريد اعدل خلقتي الي راحت بالبچي
مريم: راح يجي نسيبي
همس: ايي
طلع ابوي باس راسي وطلع هو وفضل راحوا لعمي على سالفـة اركان

اجـه عباس استقبلته سلمت رُسل و امي عليه
مريم: الحمدلله على سلامتك
عباس: الله يسلمچ
رُسل: اخ ينسيبي همس ماتاكل منتضرتك
فتح عيونه وباوعلي
عباس: صارلچ شگد ما دخل الاكل لمعدتچ
همس: چذابه ترا اكل
مريم: رُسل ولچ هههههههههههه چذابه همس ما اكلت

سوالي حركة بـأيده معناها اصبريلي
همس: مو جوعان اروح اجيبلك اكل

صبيت الاكل وارزل برُسل وامي تضحك عليه وعلى توتري اخذت الصينيه وخليته گدامه

_اصبرلك مو اصبرلك تخوفني تهددني انتَ بالمسشفى واني اكل
اكو عقل يعقلهة
عباس اذا من هسه تهددني ازعل عليك
عباس: گامت ترمي عليه يما
وين الخوف والخجل؟
همس: بعد الحلقه شي ثاني
عباس: تعاي اكلي ما ماكله صارلچ شگد لا هذولي الشعرايتين الي على راسچ اشلعهم
همس: عباااااس
عباس: بعد الحلقه شي ثاني

گعدت واكلنا واخذت راحتي وانطلقت اسولف اله

همس: تروح تطلع ارڪان من السجن لو لا؟!
عباس: باچـر ان شاء الله
همس: سامحته؟!
عباس: زعطوط خلي انتِ الي بعد واعلى ما بخيله يركبه
همس: هههههههههه چنت معجبه بيك گلت مستحيل يحبني

صفن بوجهي
عباس: همس چنتي معجبه بيه؟
همس: ها شنو
استوعبت اني چفصت وجهي صار احمر
همس: لا يعني انتَ شخص حباب بس اول ايام چنت كارهتك واصلا ما احبك يلا
عباس: ههههههههه اول ايام چنت بشخصيتي القديمه العصبيه
من شفت برائة عيونچ تحول عباس لطيف
همس: تحبني؟!
عباس: اموت عليچ
همس: كمل اكل يلا
توترت وشلت الصينيه اجـه ابوي وعمي ابو ارڪان عمي شاهين
مادخلت لجـوه بس اسمع اصواتهم وعمي يعتذر من عباس

شاهين: ابني يحب بنت عمه بس هيه ماتحبه
واني اسف على تصرف ابني الـطايش
عباس: اعتذارك مقبول وتگدر تأدب ابنك لان طايش احنه ما نبتلي من طيشان ابنك

باچر اطلعه الك ابنك وياريت يبتعد عن همس
وعن البيت كله

ابراهيم: عباس اله حق بكل شي

تناقشوا شوي وطلع عمي اعتذر من عندي وطلع
دخلت جبت چاي واجت امي ورُسل گعدنه كلنه
ابراهيم: ابني عباس الي صار مو هين اڪيد بس امك ضغطت على همس بكلام اني ماتحملت بنتي تنذل گال عيوني
عباس: والله حچت الي ميس
وگلت لامي بس الوالده هاي شنسوي 
واني اسف ماتتكرر
مريم: ماتتكرر من تعزل بيت وحد عن اهلك
همس: ماما لا
رُسل: ترا صدگ نسيبنه همس حساسه بس رغم هذا لسان يعني تعارك الي يدوس الهـة بطرف
عباس: ههههههههه لسان همس قضيه
همس: شبيكم هسه ياا
عباس: البيت واحد من حقوقهـة اڪيد بس اني اريد بعد سنـة من زواج وتخلص جامعه نطلع بيت وحدنه اريد ابني بايدي
ابراهيم: الله كريم ما نستعجل بالعرس

سولفـنه وضحكنا وچان يوم كُلش حلو
طلع عباس وراح
اتصلت عليه ميس
همس: هلو ميس
_مو ميس ام ميس
_هلو خاله
_لا خاله ولا شي
_شنو شبيچ
_عوفي ابني

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

975 كلمة