اجاني اشعار من عباس طيرلي النومـة
عباس:
(همس موجودة.؟!)
رديت عليه واني ألف فكره براسي ليش راسلني
همس:
(موجودة دكتور)
شاف الرساله وهمل الجواب نُص سَاعه وجاوب
عباس:
(رايدچ باچر اگلج أبشي ضروري)
اختنگت واحس رجلي يوجعوني من الخوفـة
ما ادري ليش خفت وتلبكت من رسالته
صرت اصيح لابوي وامي
همس: ماما مامااااااا
بابا بابااااا
اجاني فضل يركض
فضل: همس شبيچ بيچ شـي.؟
همس: رجلي ولك رجلييي
ركض فضل صـاح لامي وابوي واجتي رُسل تركض
ابراهيم: ها بابا شبيچ
همس: بابا رجلي احس بيهم و يوجعوني
مريم: اي الحمدالله
ابراهيم: تعالي امشيچ شوفي تگدرين تمشين عليهم
مشيت خطوات وابوي ساندني وامي من الجهة الثانيه فرحانه
بس اني الالم مفاصلي اكل گلبي الالم
مريم: ابراهيم خلي نعوفهة تمشي نشوف تمشي وحدهة
عافوني يردون يشوفوني امشي
مشيت خطوة وطحت على الارض عاجزة عن ألمشي وانا هاذا الشي متعيني جدا
اتصل ابوي على عباس
وعباس طمنهم انوا ماكو شي وهذا شي زين
وگال الهم تشرب علاجهـة المسكن وباچر يصير خير
گعدوني وشربت علاجي وسكنت
رُسل يمي تضحك وتگلي اذا تمشين شلون تشوفين عباس واني مو يمهة وعقلي وتفكيري بعباس قاطعت حديثهة
همس: رُسل عباس راسلني يريدني بموضوع ضروري
رُسل: اييي واخيرا راح يگلج بمشاعره
همس: بابا انتِ صاحيه
رُسل: مأثر عليه السادس كلش خيه
همس: صوچي احچي وياچ
رُسل: اهووو هسه غير نگعد نفكر لو ننكد
همس: لمي غراضچ وبره اريد انام
رُسل: تدلل مرت عبوسي
همس: خلي اگوم على حيلي والله كريم اني الچ
نمت واني افكر شنو سالفه واخذتني النومة
گعدت اني وحدي من الصبح وساعدت نفسي بالگعده
همس: يمته اخلص منك واتحرك براحتي
اني همس الي موگفه بيتنا تڪ رجل اگعد هنااا
امداك ياكرسي
انتبهت لروحي احچي ويه الكرسي ضحكت على روحي وطلعت اغسل وبدلت وامي سوتلي اكل وصلني بابا
ودخلت للعياده
دخلت لغرفـة عباس وجهـة مبتسم
همس: صباح الخير
عباس: صباح النور يالنور ڪله
تلبكت وصار وجهي احمررر
انتبهلي وغلس
اخذ ايدي ومشاني على حدايد وگفت بنهايه المحجرات وگلي تعالي
وصلت واني امشي
ورجع گال الي التفتي وروحي لهناك مرة الثانيه
سويت هيچ واحس رجلي من صدگ اگدر امشي عليهم بس اله استند على شي
گعدني على الكرسي وداني لدكتور
واخذولي اشعـة وسوالي تقارير ثانيه عن حالتي بعد تطور من بعد العلاج
طلعني وصلني لعياده ودخلنه و طلع جابلي علاج وگلي هذا تشربينه وجابلي عكازة
عباس: الكرسي نودعه ونضل على عكازه انطيچ اسبوع ترجعين نفس اول
همس: شكرا دكتور
عباس: وهاچ هذا علاج
همس: شكرا تعبتك وياي
عباس: هسه شنو تطلب بعد همس
همس: بعد ما اجي للعياده
عباس: اممم شگلج
لا ما يحتاج بعد بس نضل على تواصل علمود حالتچ الصحية
ونتأكد
همس: هااا تمام
وجهي احتُقن وبينت الدمعه مسحتهة قبل لا يشوف بس هو انتبه
لعيوني صاروا حمر
عباس: همس
همس: تفضل دكتور
عباس: تذكرين من گلت الچ عيونچ حقيقي لو عدسات
همس: امممم ايي
عباس: واني من هذاك اليوم لهذا ما جاي اگدر انسـه عيونچ
همس: ايي دكتور شنو شتريد بلضبط
تلبكت وصار جسمي يبعث حراره
عباس: همس اني حبيتچ
ما جاوبت وضليت بس ادمع
طلع صدگ كلام رُسل من كالت راح يعترف
عباس: من تتأكدين من مشاعرچ اجي اخطبچ
هسه اخابرلچ ابوچ وفاجئي تمشين بدون الكرسي
خابر بابا واجاني واني ما خليت عيني بعين عباس ابدا
اجـة بابا وشافني طار من الفرحة
وصار يشيلني وفرحان
حچوا هوة وعباس وبابا انطاه فلوس علاجي مال كل هااي الايام
وتشكره وطلعنه
طلعت وگلبي ضل يم عباس واني ابچي تحججت بدموع الفرح
دخلنه للبيت وامي صارت تهلهل وفضل عيونه صارت حمر نزلت دمعة بس بسرعة مسحها وجانت الفرحة أمبينه على وجها طلعت من غرفتهة رُسل تضحك
سلكت الهم ودخلت انام
گعدت العصر على صوت خوالي وخالاتي وعمامي وعماتي
ابوي مسوي عزيمه وذابحين
واني نايمه
گعدوني وريحـة الاكل تجننن وزعوا صواني الاكل والبيت هوسه
سلمت وگعدت تحمدولي وينطوني هدايه
اكلنا وگمنااا وعيني تفتر تدور على منار
سئلت خالتي گالت ما اجت تعبانه
حقهة ماتجي
مـر اسبوعين ومشيت على رجلي
ورُسل امتحانات
ولا حچيت ويه عباس
دزيت اله رساله
_موجود
جاوبني بنفس الدقيقه
_اي موجود
_شلونك
_مو زين بدون شوفتچ فاقد شي عزيز عليه
_ليش شنو هاي المشاعر والحب
_همس تحبيني؟!
_ما متأكده من مشاعري
_تمام براحتچ راسليني من تحتاجين شي
عفته وطلعت اشوف اهلي ورُسل خابصتنه
همس: رُسل گومي لغرفتج اقري مو بالصاله اريد اتفرج على فلم
رُسل: اهووو طالبة سادس انييي لا تباوعون افلام بدونييي
همس: اشطحي لغرفه
فتحت فلم واني اتفرج واتذكر عباس
دزيت اله رساله ساعه 2 باليل
_عباس اني تأكدت من مشاعري
وتعال اخطبني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
توقعاتكم بنوات🤎
أنت تقرأ
أحـبـبـت تـلـك الـمـريـضـة
Short Storyفتاة يذهب بها ألقدر ألى أيادي الدكتور عباس وتبدأ قصتها عند شلل أقدامها
