شكرت عباس وطلع من يم باب بيتنا
اركان باوعلي وعقد حاجبه ما عاجبه ومنار انسحلت بس تباوع عليه وهوة يريد ينط عرگ من عنده
اركان: هذا منو
همس: الدكتور مالتي وصلني
عندك اعتراض؟!
ركض اركان لسيارة عباس وگلـه تعال ليش جايبهن
باوعلي عباس بتعجب وگال وصلتهـة لان ضهر وابوها يوصلهة واليوم عنده دوام
گلبي راد يوگف من اجـة ابوي وصارت هوسـة
حچيت اله على السريع بابا هذا ارڪان يريد يسوي مصيبه ويـه الدڪتور
راح ابوي وتشڪـر من الدڪتور
واخذ ارڪان ودتني منااار
وابوي دخـل ارڪان چلاليـق
ابراهيم: شبيك هااا شبيك؟!
تريد تفشلنه گدام الدڪتورررر
اركان: جايبه الضهر ويگلي لان ابوهة ما جابهـة يريد يعرض بطولاته على بنتك
الي هيه بنت عمي عرضي ومنار هم عرضي
ابراهيم: امشي منـا اني راضي عرضي يفرفر بيـه الدڪتور واذا اشوفك عاتب عتبة بيتي ارجعـك چلالـيق يلاااااا براااا
طلع ارڪان واني گلبي راد يوگف وتفشلت ومنار تگلي راح يجي سرانه بالـرزاله
دخل ابوي واني ابچي
ابراهيم: امسي دموعچ طردتهـة
همس: بابا والله....
قاطعني بـ لا تعيديهـة وتخليـنه يوصلچ اخذي تكسي وتعااااي
طلع واني منهاااره بچي وما اڪلت ولا شربت علاج
اجـتي امي وهدتني وطلعتهم اريد انام
منـار::::
الـف فڪرة براسي اني اﺣـب ارڪان
بس مـاغار عليه بس علـى همس
بنت عمـة عرضـة وبعدين يلا عود ذكرني
هوة يگلي احبچ ليش ما يعبرني بس شمـر هااي الڪلمه عليه ولا تواصل وياي ولا شي
طلعت صاحتني خالتي اتـغده واني مـن الخوف من عمي ابراهيم اڪلت شوي تسليك
الـجو تڪهرب ورسُل تأشرلي بمعني شڪوو
سويت الـهة بعدين
منـار: بالعافية عليڪم شبعت
ابراهيم: الله يعافيچ بنيتي
مريـم: ما اڪلتي هواي حبيبتي؟!
ما عجبچ الاكل؟
منار: شسالفه جان گلت بس لا اكلت وهاي هيه
رحت واجتني رُسل ودخلنا لغرفـة يم همس الي خلصتهة تبچي وما اڪلت
حچيت الهـة
رُسل: هو هذا الث.... ور شعنده
لافي هناا
ندري بيه يحب همس ومهوس بيـهة بس اذا اروح افضحـة يم اهلي اخليهم يرجعونه لبـطن امـه
اجتني صدمـة و همس فزت على حچي رُسل وصاحت بيهة
رُسسسسسسسل
اني گعدت ابچي وهمس ماتگدر تجي يمي وتريد تسكتني
ورُسل ماتدري بيه احبه لان جنت ساكته وطلبت همس من عندي ما احچي بحبي الـه
ضلـيت ابچي و خابرت امي اريد ارجع وهمس تبچي وتعتذر لان ما گالت الي
طلعـت رحت واجـرت سيارة وطلعت لبيتنا ما انتظر امي
همس:::
فزيت على چفصـة رُسل وفوگ البچي والضيم بچيت على ڪسرة منار
همس: اشتعلوا رُسل ليش تچفصين
رُسل: شسويت اني شمدريني
وهيه عافـت الزلم الي بيهم حظ وحبـت ارڪان الخيخه
همس: اسڪتي واطلعي ما اتحمل بعد عاجزة عن الحرڪه وعن الدفاع عن نفسي عوفوني
طلعت رُسل واني انهاريت بچيت
دزيت رسالـه لعبـاس وگلت اله
(اسفـة دڪتور على الصار اليوم
اعتبـرة ما صار
واني باچر ما اگدر اجي)
دزيتـهة ونمت گعدتني امي ثاني يوم وگلت الهـة ما اگدر وسئلتني عن منار
مريم: منار ليش طلعت بدون علمنه
همس: حز بخاطرهة الموقف
مريم: تصرف خطأ
اني الهـة اذا ما اگول لمهـة بدون علمنه طلعت الادبسزز
همس: بروح الحسين لا تدخلوني ولا تگولين لخالتي خياساتنه يمنه
طلعت امي واني كملت النومه لان راسي يريد ينفجر من الوجـع
فزيت على اشعار من دڪتور عباس
(لا عادي لا تشيلين هم موقف عادي مو أيي رجال يقبل على عرضه
واني اسف خليتج بهيچ موقف
بس تعالي العصر تدربي هاي صحتچ اهم من هذا الموقف البسيط واشربي علاج)
صحت بصوتي لأمـي وخليتهـة تگعدني وغسلت وبدلت
وخلـيت بابا يوديني
ابراهيم: موعدج مو هسه العصر
همس: لا عادي
طلعنه وصلت ولگيت عباس باب العياده ينتضـر
طلـع ابوي وصعدني على الڪرسي ودخلني وعافني
عباس: هلا بيچ همس
همس: والله خجلانه واني منزله عيوني
عباس: ارفعي عيونچ وخليهم بعيوني
لا تخجلين نسيت الموقف عادي
تعالي اليوم امشيچ هنااا
تدربت على المشي على العكاز ومشيت وعباس وياي خطـوة بخطوة
واني امشي وفرحانه وخلص الوقت مالت التدريب ودربت زايد
راح عباس وطلع چوڪليت وانطاني
همس: شنو هذا؟!
عباس: كل ما تدربين انطيچ چوڪليت
همس: ضحكت واخذته وخجلانه
عباس: عادي سؤال
همس: جواب
عباس: هذا ابن عمچ يحبچ؟!
همس: لا هيچ خبل ما ادري يلعب على كل البنات
واصلا بابا اعطـاه المقسوم من الرزايل
عباس: يستاهل
همس: انساه مو گلت نسيت
زين سؤال
عباس: جواب
همس: لا تفهمني غلط
عباس: لا اسئلي
همس: انتَ متزوج لو شنو هاي الصوره على ميـز مالتك
عباس: ههههههههه وين مركزه هاي عائلتي زوجتي وبنتي وابني
وجهي احتقن والدمعه بطرف عيني بصوت مبحوح
همس: الله يحفظهم
عباس: ماتوا بحادث سياره
بچيت بحجة عائلته ميته
همس: الله يرحمهم
عباس: يرحم موتاچ لا تبچين ام دميعه شبيچ
همس: لا تأثرت وبس
مسح دموعي بكلنسه
ودخـلت الممرضه اجـه والد همس دكتور
عباس: خلي يتفضل
دخل ابوي وصار يحچي عن حالتي هوة والدڪتور
رجعت للبيت واجاني شـعار من عباس هـزني هـز
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تـوقـعـاتـكـم بـنوات🤎
أنت تقرأ
أحـبـبـت تـلـك الـمـريـضـة
Short Storyفتاة يذهب بها ألقدر ألى أيادي الدكتور عباس وتبدأ قصتها عند شلل أقدامها
