"LC , ang lalim ng iniisip natin, ah," I heard Gary say and I looked up to smile at him.
"Wala ka bang pasok ngayon, Gary?"
"Wala po 'yung prof doon sa last class ko, LC, kaya dito po ako dumiretso. May problema po ba, LC?"
"Wala. Nag-iisip lang ng mga bagay-bagay," I said.
"Si Ate Green po, LC, kumusta?"
"Okay naman. Nag-a-apply nga ng org kasi na-bo-bore na raw s'ya sa kahihintay sa akin sa bahay."
"'Yan lang ang mahirap, LC, ano, kapag LC ka 'tapos may asawa ka o girlfriend kasi magkakaroon talaga s'ya ng kahati sa oras dahil sa obligasyon mo sa frat."
"Nadadaan naman sa usapan."
"Mabuti si Ate Green naintindihan po kaagad."
"Dumaan sa isang mahaba-habang diskusyon," I replied with a soft laugh.
"Pinag-awayan n'yo po?"
"Pinag-usapan—is that your phone?"
"Ah, opo, LC."
"Ganda ng ringtone natin, ah," I kidded. "Is that the theme song of Pokémon?"
"Opo, LC," Gary replied laughing before taking the phone out of his pocket. "Wait lang po, LC, I need to take this call."
"Sige lang."
"Hello po, Ms. Ivy," I heard Gary say. "Talaga po? That's good news po, Ma'am....opo...pwede po bang paki-e-mail na rin po 'yung confirmation? Opo, Ma'am. Salamat po talaga, Ms. Ivy. Opo...okay po...bye po, salamat po ulit."
"Good news? Laki kasi ng ngiti mo," I commented.
"LC, secretary po 'yun ni Cong. Posadas, positive po ang feedback ng request natin, LC!"
"Magbibigay s'ya ng incubator?" I asked – hopeful and excited.
"Opo, LC!"
"Diyos ko salamat naman. Sa totoo lang, halos hindi na ako makatulog sa kaiisip kung paano natin gagawan ng paraan. I don't want us to dip our hands into the Fraternity Ball's budget. Kasi mahirap na kung 'yun pa ang mabulilyaso."
"Ako rin po, LC, eh, lalo na at isa po ako sa may kasalanan kung bakit nagkaroon tayo ng pledge bigla na incubator sa St. Agnes. Nahihiya nga po ako sa inyo, LC, eh, kaya kinulit ko po talaga si Ms. Ivy."
"So, kailan daw natin kukunin ang incubator? Saan natin kukunin?"
"Sunduin na lang daw po natin sa address ng supplier na i-ti-text po ni Ms. Ivy sa akin, LC. Nag-suggest po si Brod Louie dati na kung sakali ay sa kanila raw po muna ilagay 'yung incubator kasi taga-Anonas lang po s'ya at dalawang kanto lang po ang layo ng bahay nila mula sa St. Agnes."
"I like that idea. Mabuti naman at nasolusyunan na natin 'to. Kinabahan ako rito sa outreach program na ito. I am so relieved na mukhang maitatawid naman natin. 'Yung incubator na pledge ni Cong. Fajardo?"
"Napakiusapan po namin s'ya ng Wednesday morning. Pero, hindi na po aabot kasi Lunes po 'yung outreach natin, eh. Hindi raw po kasi kaya ng Lunes."
"Okay lang, ang mahalaga, sigurado naman na 'yang Wednesday."
"Opo."
"So, bale tatlo na ang maibibigay nating incubators sa St. Agnes?"
"Yes po, LC."
"Good. Good job, Gary. Proud ako sa inyo. Salamat at tinutukan n'yo talaga 'to."
"Salamat din po, LC."
