الــســلام عــلــيــكـ.ـم ورحــمــة الــلــه وبــركــاتــه
الـــلـــهـــم صــل عــلــي سيدنا مـــحـــمــد وعــلــي آلـــه وصـــحـــبـــه أجـــمـــعــــن
علقوا بين الفقرات
ـــــــــــــــــــــــــــــــــــــــــــــــــــــــــــــــــــــــــ
مراد : ايوا يا حاتم........ أدهم هرب
حاتم : هرب!!....... هرب ازاي
مراد : مش عارف انا دخلت المخزن ملقتهوش
حاتم بغضب : وانت كنت فين يا مراد
مراد : مش وقته يا حاتم المهم هنعمل ايه؟
حاتم : طب اقفل دلوقتي هكلمك بعدين...... وقبل ما اقفل انا هبعتلك يوسف
مراد : ماشي سلام
حاتم : سلام
أغلق الهاتف وبعد ذلك نادي الاب على أبنائة ليجتمعو طبعا ومنهم يوسف الذي خدعنا جميعا بدوره
أحمد : نعم بتنادينا ليه
حاتم : يوسف روح دلوقتي عند مراد انت عارف العنوان ولو مش عارف المكان مراد هيبعته ليك ....... وهو هيقولك انت هتعمل ايه بضبط...... تمام؟
يوسف بفهم : تمام
حاتم : تمام اتحرك دلوقتي.......(نظر الي احمد) . وانت يا احمد..........تعالي عايزك
ذهب احمد وراء والده وفتح الاب الباب الخلفي الذي يطل على الحديقه الداخلية
وجلس الاب على مقعد كان موجود في الحديقه
أحمد بأستغراب : في إيه ؟
حاتم يتنهد : اخوك
من الواضح أن حاتم سيقول له ان أخيه يحتاج إلى إجراء عمليه
أحمد بقلق وحيره : ماله اخويا.... ؟
حاتم : اخوك محتاج عمليه
أحمد بصدمه : عمليه.... ؟!
~~~~~~~~~~~~"🦋في مكان آخر عند مراد🦋" ~~~~~~~~~
عندما خرج يوسف من البيت اتجه الي العنوان الذي ارسله مراد له، وطوال الطريق كان يفكر ماذا سيحدث لأحمد اذا لم يتكلم معه حاتم ويقول له كل هذه الحكايه ويطلب منه المساعده؟
ماذا سيحدث اذا لم يتعرف على أحمد؟
ماذا سيحدث اذ لم يجد احمد أخيه......
أسئله كثيره من هذا النوع تدور في عقل يوسف الذي وصل إلى العنوان ولا يعلم متى وكيف وصل بهذه السرعه
"لماذا عندما نكون على أرض الواقع يمر الوقت ببطئ؟
مع ان عندما نفكر او نتخيل شئ يمر الوقت علينا دون شعور بنا،
هذا يعني ان الواقع ليس كما الخيال
ولكن من الممكن أن الخيال والأحلام تصبح حقيقه في يوما ما"
ترجل من السياره ودخل البيت وقابله مروان اشار له على مكتب مراد ليدخله
قبل الدخول طرق الباب وسمع صوت من الداخل يقول" اتفضل "
علم انه مراد ودخل بسرعه، وجده ينظر امامه والغضب يسيطر على ملامحه
جلس على الكرسي
يوسف بمزاح : أنا عملت ايه في حياتي يا ربي عشان اتعرف على عائله منحوسه زي دي
مراد بحده مصطنعه.: بتقول حاجه يالا......؟!
يوسف بتوتر ولكنه علم ماذا يقول : بقول انا مفتكرش ان انا عملت حاجه حلوه في حياتي عشان اتعرف على عائلة محظوظه زيكم
مراد : بحسب
يوسف بمزاح : احسب وقولي الحساب كام
مراد : الحساب يوم الحساب
مراد بإستعياب : هو انت مش شايف ان احنا بنهزر وفي حياة ناس مهدده بالخطر (يقصد كريم واحمد)
يوسف بتذكر : اه صح
مراد : اه صح....... (وهو يقلد صوت أحدى الفنانين في مسلسل مصري اسمه "المداح")...... الله الوكيل احنا عايشين مع بهايم!!
يوسف : أنا بهيم يا عمي مراد
مراد : مش انا يا خويا اللي بقول..... (بغضب) ويالا بقي عشان منفجرش يالا
يوسف : طب ايه المطلوب مني؟!
مراد : أحنا هنروح دلوقتي عند غرفة المراقبه اللي جانب الغرفه دي تمام........ وبعدين هنراقب أدهم عن طريقها
يوسف : ليه يعني الغرفه دي فيها ايه
مراد : لما انا كنت في شركه أدهم زمان كنت زارع في الشركه كلها كامرات مراقبه ومش الشركه بس أماكن كثير
يوسف بضحك : يا مراد يا جامد
مراد : أخرس يالا........ويلا قدامي
خرجوا من المكتب وتوجههُ الي الغرفه الجانبيه
~~~~~~~~"🦋في بيت التوأم وتحديدا في الحديقه🦋" ~~~~~~~~
جالس أحمد علي الكرسي المقابل للمقعد الذي يجلس عليه والده، ويحاول احمد اخفاء دموعه بكامل يديه. بعدما سمع بمرض كريم وهو لا يتحمل أكثر من هذا فقد السيطره على نفسه وبكي
حاتم : اهدء يا احمد انا بقولك كده عشان تنقذ اخوك وتقف جانبه مش تضعف بالطريقه دي
أحمد حاول تهدئة نفسه وتحدث بين بكاءو
أحمد : اعمل ايه عشان انقذه؟
حاتم : محتاج متبرع بالكلى
أحمد بجديه : أنا موجود واتبرع له بقلبي لو عايز!!
قاطع حديثهم صوت ارتطام قوي وكان الصوت قادم من غرفة كريم فزع احمد وركض بسرعه الى الاعلى وجد أخيه ملقي على الأرض يبدو أنه فقد الوعي!!
يتبع.........
رايكم؟
توقعاتكم؟
اولا انا زعلانه اوي من التفاعل اللي كان على الفصل 20😭😭😭😭
البنات اللي يدعموني هما اللي مصبرني اقسم بالله 😢
في النهايه متنسوش التصويت +الكومنت
دمتم بخير 🦋🦋
أنت تقرأ
وجدتـك ولـكن 'ج1' "مكتملة"
Mystery / Thrillerالاخوه التوأم احمد وكريم توفيت والدتهم وهما في عمر الرابعه بسبب المرض، وبعد ذلك اهتم لامرهم والدهم الذي اعتني بهم ثمان سنوات وتوفي في حادث سير، افترقوا وهما في عمر 14 عشر، أحدهما يعاقب كل يوم على اتفه الأسباب من رجل عديم الاحساس والرحمه والضمير، بل...
