تم لقاء الإرواح

3

بًسِمً آلَلَهّ آلَرحًمًنِ آلَرحًيَم

lnst:_Alaa _Layali
                                        الكاتبه:  الاء ليالي

#تم لقاء الارواح
____________________________

من اگلك امن بصدف امن لان ما فد يوم خاب ضني...

.....

مياسر:

صرت انظف وترست الغرفه ماي وزاهي
وباثناء الغسل واني مستمتعه ورايه بغير عالم
مطلعه قصيده (زينب ليفت يم حسين)

ما احس واحد غير صرخ من وراي ومن الفزه زلگت
بالماي والزاهي وگعت على ايدي، التفتت على الباب وجان اشوف مرتضى واگع على الارض من الضحك
واني صرت ابجي

مياسر: يا نعاااااال ليش هيج سويت؟
مرتضى: اسف والله ما توقعت ازلگين
- يحچي وهو يگوم بيه، اخخخخ
_ ها شبيج؟
- ايدي، بجي
- شبيها؟
-تسلم عليك، ضربته بيدي الثانيه على زنده، غير كسرتها يمطي
-غلط لا اتغلطين لا اموتج وعلي
-خاب دروح، فوگ ما كاسر ايدي
-دلبسي خل اروح انشوفها، اكيد انفصخت
- لا انكسرت
-وين انكسرت هو التنكسر غير يگلب الدنيا من البواچي والصريخ مو يغلط مثلج يا ارنب
- ننننن يسوي روحه يعرف اطلع خل ابدل
طلع واني لبست بس بالگوه توجعني

نزلت وگلت الامي تكمل تمسح الماي لان بقت الغرفه على النص بيها ماي من وره استاذ مرتضى

وصلنا المستشفى وفحصها الدكتور
الدكتور: ما بيها شيء مجرد فصخ بسيط
مرتضى: ها شچينا سويتيها مكسوره وگلبتيها مناحه
مياسر: ترا مكسوره دكتور افحص بعد
الدكتور: بابا ما بيچ شيء مجرد تخلين مرهم ولفاف اصير زينه

الدكتور يحچي ومرتضى كاتم الضحكه غير گلت لدكتور ارجع افحص كملنا واخذنا علاج ودفع الاحساب ورجعنا للبيت

ام مرتضى: ها بشرو شبيها؟
مرتضى: بيها الدهر والفلك والوكاحه وصلافه هذا البيها

مياسر: وعلي اذا بعد حچيت وياي اله اموتك
مرتضى: مو على اساس اليوم اخذج حتى نطلع بس ما طول ما تردين احچي وياج ختولي الطلعه
مياسر: يا عمت عيني اخوي انتَ شعندي غيرك اروحلك فدوه
ام مرتضى: شوف شوف التناقض توچ تردين اتموتين ابني وحيدي
مياسر:  يا يمه اشاقه هههههههه
خلصنا سوالف وضحك وصعدت الغرفتي شفت امي مكملتها لبست غير ملابس وتصلت بجواهر وضحك وسوالف

الحد ما صارت الدنيا المغرب صليت وسويت عشه
وصورتهم ودزيتهم الجواهر وطلعت اكثر واحد اخوي مرتضى

لان ادگول اله اخذه حتى نعيش اني وياج، واني اضحك على سوالفها لان كلش احبها واحنا صديقات من الطفوله

مرت الايام وصرت يوميه اذكر هذاك الضابط قبل ما انام وتذكر ملامحه وشكله الضخم وعيونه الجوزيه الناصعه وشواربه الضخان الي جنهم فحم من السواد وحواجبه الطوال وزيه العسكري الي متروس هيبه
بس المهم ما خليته بالي