تم لقاء الإرواح

6

بًًسِمً آلَلَهّ آلَرحًمًنِ آلَرحًيَم

lnst:_Alaa _Layali
                                        الكاتبه:  الاء ليالي

#تم لقاء الارواح

ليش ما اتعلقون بين الفقرات؟... ترا ازعل!
علقو بين الفقرات نجماتي الجميلات...٭

____________________________
بدينه بس شلون بدايه شمحلاها!...
بس ما توقعت معقوله تكون هيج النهايه؟...

اركان:
وكفت باب الاستقبال حتى اشوف شنو صاير واشوفك مياسر بذيچ الشوفه.

مغرگه الاستقبال ماي ولازمه بيدها وصله وتضرب بالقنفات ورافعه ذوبها وطالعه رجليها  ومصبغه اضافرها احمر ومطلعه طگت والما طگت عن الحشد وتغني وياها وتصيح.

(طگت والما طگت احنا الموجودين
انا ابو الغيره انا واليحچي اگص السانه
وارث الغيره من البطل عباسي).

وصارت اتميل بديها بدون ما ادير وجها وتعرف اني وراها غنيت وياها من وصلت الاغنيه الجزء.
(حي وناصب چادر اليندگ بعراقي).

اندارت واني اشرر عليها واغني وهي مصدومه، من دارت الماي وصال البطنها ولازگ الثوب عليها من شافتني اباوع عليها من فوگ ليچوه ومبتسم ما اشوفلك البنت صارت طلقه من السرعه دخلت للغرفه.

دگيت الباب حيل مالت الاستقبال وطلعت خالتي ام مرتضى وانوب هذا مرتضى ما عرفته اله بيوم العزيمه وهو الحضن مياسر جان بالمستشفى.

انطيتها الكراتين نزلتهم كلهم ومشيت حتى ارجع للبيت صعدت بسياره واني ميت من الضحك على الشوفه الشفتها عمري كله ما راح انسى هذا المشهد ههههههه صرت اسوق واني اضحك اخذت الطريق ضحك.

وصلت للبيت ولاول مره صاير بيه هيج موقف
دخلت للبيت وشفت امي هي والبنات گاعدات بره ويسولفن سلمت واني اضحك ورحت واسمع سناء وراي دگول.
"يا هذا شبي يضحك هو سلام شنو اليضحك بي؟ ".

صار اليل ولبست بدله رسميه سوده وساعه فضيه والمحبس الاسود ورشيت العطر ومشطت شواربي وطلعت.

شفت اهلي منتظريني اخذتهم ورحنا البيت عمي اسد واني متحمس اشوفها دخلنا بالبيت الجوه مو بديوان لان جمعه عائليه صار يتسالمون.

گعدت على القنفه تكون بواجه المطبخ شفتها من بعيد وفاتحه حلگها والغسل للفاهيه هالگد اني صاك وجان رگعتها بغمزه.

مياسر:

انظف بالبيت ومستمتعه واغني ما احس غير على صوت رجال يغني من وراي واني انظف واجان اشوفه متت بدمي وهو يغني وياشر عليه.

گُبل فلتت للغرفه دخلت وصرت الطم واگمز من الفشله لو اموت بعد ما انسى هالموقف، شويه ودخلت امي وگالت.

_ اركان شافچ هيچ؟
سويت روحي ما اعرف وگلت
- ليش هو چان هنا؟
_ اي
- ما ادري چنت انظف بالغرفه
_ هاا تمام كملي