تم لقاء الإرواح

7

بًسِمً آلَلَهّ آلَرحًمًنِ آلَرحًيَم

lnst:_Alaa _Layali
الكاتبه: الاء ليالي

#تم لقاء الارواح

علقو بين الفقرات نجماتي الجميلات...٭
____________________________
حبيتك حب النظيف والخاشع
وضرب مثل، مثل المتدين من يوگف گبال ربَ بصلاته...

اركان:

مرت الايام واني بعدني مسافر وقررت هذا اخر سبوع ابقى هنا رحت اشتري هدايا للبنات
اخذت الهم كل وحده شغله تحبها.

باثناء واني اشتري اذكرت مياسر خلصت مسواگ البنات واهلي ورحت للصايغ وطلبت منه يصمملي قلادات ثنين وحده الي وحده الها.

وطلبت منه يكتب عليهم مالتي يكتب عليها
" اسر القلب " ومالتها يكتب عليها "ملكهُ"
بس طلبت منه ان تكون الكتابه متقاربه حيل ما تنقري وتكون بالغه مالتهم.

لبى الطلب وفرحت لان راح يگدر يسويهم وگال شكم يوم ويكملهم رجعت للفندق ومر كم يوم ورحت اله طلع مخلصهم بس ما يعرف شلون يوصل الي لان ما انطيته رقم.

خلاهم بعلب ودفعت الحساب ورجعت واول ما رجعت حجزت تذكره لرجعه وتكون الفجر كملت تجهيز كلشي وسويت عشه لان مليت كل شويه طالب من بره.

كملت وطلعت اخر طلعه ورحت لجسر الي اخذت يمه صور اني والجماعه كلش حلوه الاجواء هنا جان الهوه بارد وحلو.

گعدت على احدى الكراسي وصرت ادخن راح بيه التفكير لبعيد والايام طويله مؤلمه وحزينه وبيها هواي كسر الخواطر.

ما احس على نفسي اله واني افكر بيها وابتسم واتذكر بملامح وجها وطولها ومشيته ومراسلاتها وطولت السانها وياي عود اتخبث حسيتها بنتي وطفله من اسولف وياي.

صحيت على نفسي وگلت معقوله يچي يوم وتحبني؟ استغرب من نفسي مرات شلون حبيتها بهاي السرعه؟
تهت بموجه افكار لا متناهيه واني اسحب چگاره وره چگاره.

وكل سحبه نفس من الچگاره اذكر عيونها الهدن حيلي من اشوفنهن لحد هسه ما اعرفهم اسود لو جوزي اذكرت الفيديو الصورته الها طلعت المبايل وصرت اباوع الها وما اشبع.

"تشبه مجره وفلك ونجوم تلمع ضوء ومبين بخدها
من غير كوكب اچت
بالارض ماكو شخص يشبه ملامحه
حاسبها مثل الطفل تغلط وسامحها
اتمنى يمچ اضل واليل اخلصه سهر وياچ ما انامه
گلبي الصعب ينعجب صارتي اكبر احلامه
كانت كالشمس قادمه نحوي روحي العاتمه
تلك التي سميت بالحظات الحاسمه
وعيونها سحريه في اليقضه تبدو نائمه
انتِ احلى من القوس القزح
تتمنى كلها تلوحها
انتِ احلى شيء صار لشخص ما عنده غير جروح..."

ما لاحضت اله والساعه 1:30 بليل گبل رجعت للفندق ونمت شكم ساعه صحيت الفجر صليت وتوجهت للمطار.