تم لقاء الإرواح

9

بًسِِمً آلَلَهّ آلَرحًمًنِ آلَرحًيَم

lnst:_Alaa _Layali
                                        الكاتبه:  الاء ليالي

#تم لقاء الارواح

علقو بين الفقرات نجماتي الجميلات...٭
____________________________
اعترف اعتراف واني ما خايف من جوابك يا اول عشگ ينعشگ فرحتي بيك مثل فرحت اهل بابنهم الاخرس من ينطق اول حچايه...

مياسر:

- ليش تكره لبسي؟
- لان اخاف عليج اخاف الشباب تباوع عليج بغير نظره واني احرگ بروحي حرگ
- عليمن تحرگ بروحك وانتَ ما تقربلي بشي؟.

ذب حسره قويه وجمدني من گال.
اركان:  لان اني احبچ اسر اعشگچ اشهگچ شهگ.
- اسر، اسر منو؟
- انتِ اول ما شفتچ اسرتي گلبي وحبيتچ وكل مره اگول لا مو حب ارجع اغرگ بتفاصيلچ اكثر واكثر
- بس...
- ماكو بس مياسر ماكو اني رايدچ وحابچ من كل گلبي بعد شنو الي تردي مني؟.

من الصدمه عبالي يشاقه يريد بس يضوجني بس طريقه كلامه وختياره للكلامات خوفني شلون يحجي بكل ثقه كان واثق من كلامه سديت الاتصال منه وصار يدز رسأل واني ما ارد.

مر اليوم الي عبالك صدمه الي لان عبالي يشاقه وياي من چان يحچي هيچ رحت الامي وگلت الها بعد ما اروح للدوام شكم يوم لان تعبانه وهي ما حچت شيء وراحت اتصلت على خالتي علمود دگول الحوراء.

_ اعترفت الها وسدت الاتصال بوجهي صرت ادز رسال بس ما اتجاوب وما تفتحهم، بدلت ملابس الدوام ونزلت حتى اكل شيء.

باثناء واني اكل اجا اتصال الامي وگالت.
_ يا شبيها عمت عيني ان شاء الله تكون بخير... الله وياچ.
- شكو يمه صاير شيء؟
_ مياسر بعد ما تروح للدوام
- نزلت الخاشوگه من ايدي وگلت، ليش؟
_مريضه امها گالت.

سمعتها گالت هيچ  وشويه وصعدت الغرفتي حتى ما يشكون وصرت اتصل وادز رسأل بس ما اتجاوب مرت الايام وهي ما اداوم خفت صار بيها شيء، اتصلت على حوراء فتحت الخط وفصلته رحت الغرفتها وطرقت الباب.

_ ادخل حبيبي اركان
- فتحت الباب، اگلچ حوراء هاي صديقتج مدري شسمها مريضه تروحين الها لو لا؟
_ والله ياريت
- ها زين العصر اخذچ الها
_ تمام، طلع واحس هو الي يريد يشوفها فستعملني حجه للروحه صار العصر بدلت ورحت اله طرقت الباب
- ادخل
_ توه طالع من الحمام جان يسبح، ها نروح؟
- اي بس ابدل
_ تمام منتظرتك بره
- بدلت على السريع وطلعت وصلنا بيتهم وبدون ايا سابق انذار حتى ما انگول الهم اجينا.

حوراء دگت الباب مرتين بصوره عاليه وسمعت صوتها وهي دگول.
_ جايه جايه
نسمع صوتها الي اخذ روحي حسيت عيوني مشتاقه اشوفها فتحت الباب وشافتنا اني وحوراء
باوعت عليها جانت لابسه تراك نيلي البدي نص ردن وطالعه ازنودها والبيجامه طافره نص وطگ بعلجها هي شافتنا وهي طب رگعي الباب بوجوهنا.