تم لقاء الإرواح

8

بًسِِمً آلَلَهّ آلَرحًمًنِ آلَرحًيَم

lnst:_Alaa _Layali
                                        الكاتبه:  الاء ليالي

#تم لقاء الارواح

علقو بين الفقرات نجماتي الجميلات...٭
____________________________
من هنا اليوم تنطلق سفينتنه يهواي
انتَ الشراع واني الريح بس گلي شلون من يصعب عليَّ الموچ من يرتطم ومشيك...

مياسر:
طلعت من البيت وصعدت بسياره دار وجه عليَّ باستغراب، اردفت
- شبيك ما اتحرك السياره؟
- هاي شنو؟
- شنو؟
- شعندج عليمن كل هذا التكشخ؟
- وانتَ شعليك؟
- ترا رايحه ادرسين مو تتونسين لو اني غلطان؟
- ترا اعرف ماكو داعي دگلي
- وبعدين شنو هذا البس لبس البارحه الي شترينا وينه؟
- وانتَ منو حتى تحاسبني؟
- احاسب ونص، حركت السياره واني فاير دمي محسستني رايحه الحفله بنت اسد حچيت، اذا امچ وابوچ ما حاسبوچ اني احاسبچ فتهمتي لو لا؟
- شنو وانتَ منو حتى تحچي هذا الكلام وياي ترا ما اسمحلك.

گال كلمه عمري كله ما تمنيت ابد اسمعها لا منه ولا من غيره...

_ اني بصفتي اخُ حوراء ما اقبل اختي تتعلم منچ هيچ شيء.

وسعت عيوني على كلماته واردفت.
- قصدك اني مو خوش بنيه مو؟
- مو هذا قصدي
- چااااا شنووووو قصدككككك هاااااا شنوووو؟.

صرت اصيح وهو يصيح واخذنا الطريق عرك الى ان وصلنا يم بيت اكيد بيتهم هذا طلعت حوراء وصعدت سلمت عليَّ رديت السلام واني احس اكو شخص خانگني.

_ صعت واني اشوف اركان ومياسر وجوهم ما اتگصه الطبر ويتنفسون سريع جنهم تنانين
ولو تنطيهم كل واحد سچينه يمكن واحد يدچ الثاني.

وصلنا للجامعه وچنت فرحانه بس مياسر شكله حزين نزلنا من السياره واركان شخط السياره وراح
اردفت.
_ شبيچ ميمه حبيبتي؟
- ما بيه شيء
- چا ليش ضايجه وجهج حزين؟
- حوراء گلت ما بيه شيء لا اتلحين فدوه
- ماشي، بس اهدئي شبيچ لو واحد يگلچ بز تبچين؟
- هي گالت هيچ واني طگيتها بچيه يم باب الجامعه اريد ارجع للبيت وبعد ما اداوم.
- تحچين صدك واني؟... هذا اول يوم النا وتردين اتعوفيني هاي عود البدايه فدوه لا تروحين
- تمام ما اروح.

صرت امسح بدموعي مشينه وهي تسال على الحمامات رحنا وعدلت نفسي وشفت خشمي شلون احمررر وطگيتها بچيه بزايد.

اجت حوراء وحضنتني وصارت اطبطب على ضهري وتضحك.
_ ولچ شبيچ شنو زغيره؟ ...، هاي عود انتِ بنت الشيخ اسد يعني انتِ لبوه الاسد لازم تكونين قويه هاي مو بنت اسد الي اعرفها الي تخلي المُدرسات تصفن على السانها.

بعدت عنها وعدلت نفسي وطلعنا دورنه على قسمنه ورحنا اله ما جان اكو محاضرات لان اول يوم وهوسه بس دخلنا محاضره وحده
وكل الدوام واني افكر بالي حچاه اركان عليَّ.