#ضَـحايـا آل عُـقـاب
بقلمي: رَحِـيـق رَعَـد
قـِــــــــࢪأه مُــمتـعه لـلـجمَـيع
꧁꧂
«رهـف»
غياث: لككك لااااا مو هيچ.... يموتونهاااا ماعدهمم مانعع يموتوهااا....
_منو يموتوها شصاير انگلبت حالة غياث غلق الأتصال وركض
لبس لثام وحط مُسدس بخصره اجه بسرعه يمي وانه متصنمه اباوع لتحركاته
باس جبيني وگال
: راح اطلع سدي الباب ولا تفتحي لأي شخص ماشي
: وين رايح
: اطلع اخر ضحيه
_باوعتله مامفتهمه شي تركني وراح رحت ورا قفلت الباب ورجعت داخل
حطيت ايدي على راسي هذول راح يخبلونه يله يرتاحون
منو اخر ضحيه؟ تيجان؟ لو غيرها
رُعب.. خوف.. هلع.. موت بطيء.. كره.. حقد.. لعبان نفس
كُل هل مشاعر مجبورين نعيشها ليش؟ لأن احنه نخلقنه بوسط بيت
ذرة مشاعر ماعدهم بيت مليان طغيان وقساوه بيت يتسمى «آل عُـقـاب»
متجمهرين بي ناس رحمه ماعدهم گلب ماعدهم يكرهون البنات
يضربوهن.. يعذبوهن.. يقتلوهن.. اي يقتلوهن بحجة تتسمى «غسيل عار»
گلبو انسان اطيب من گلبه ماكو يحب زوجته حارب الدنيا علمودها
يحب اطفاله يموت بيهم يخاف عليهم من الهوه الطاير
قلبو وضعه قتلو زوجته بتهمته بريئه منها اتهموها بشرفها اتهموها بلخيانه
خبلوها دمرو حياتها تركت اهلها وحياتها الحلوه لخاطر زوجها لخاطر من تحب
انقتلت بولادة طفلتها الأخيره
ماماتت من الولاده لا قتلوها اي قتلوها تركت وراها
تلاث اطفال تركتهم بين ايدين وحوش سُرعان ما انقضو وحوش آل عُـقـاب وافترسو ضحيتهم الأولى
والضحيه الثانيه شخص يتسمى «كريم» ابويه اي ابويه واحد من «ضَـحايـا آل عُـقـاب»
قلبو حياته افترسو بس!! ما مات لا حولو لوحش يشبهلهم نفس تصرفاتهم
نسى نفسه ونسى اطفاله وصار يتلذذ بضرب اطفاله
_سُرعان مارجعت للواقع على صوت دگت الباب شلت نفسي وتوجهت بخوف
باوعت من العين السحريه ماچان اكو احد
معقوله اتخيل؟
لهدرجه عقلي سرح لدرجه توهم انُ اكو واحد دگ الباب؟
تعوذت من الشيطان ورجعت داخل فرشت سجادتي وگعدت اصلي وادعي من كل گلبي نخلص من مُعاناتنه
ونتخلص من قيود «آل عُـقـاب» ونعيش بسلام
«جُـمانه»
_هدوء.. سكينه.. غرفه ضلمه بارده.. لمسات ايدين على خدودي
تحركت بهدوء جسمي مهدود احسه مشلول ما اگدر اتحرك عدل
فتحت عيوني بُبطئ تركزت انضاري على اباذر گاعد گدامي يسويلي كمادات
جسمي نار محتره بلرغم من انُ لغرفه ثلج همست بصوت خافت يدُل على تعبي
أنت تقرأ
ضَـحـايـا آل عُـقـاب
Ficción Generalفي بيت يعمه الضجيج والصُراخ العالي وحوش على هيئة بَشر يتقدمون لأفتراس فريستهُم فتاتين شرسات يحاولونَ الأنتقام لشخص يُدعى «ضحية آل عُقاب الأول» من هَم ضَـحايـا آل عُـقـاب الأخرين بماذا سيمرون؟ كيف ستكون حياتهُم هل سينجون من ضلم قبيلتهُم امّ سيقعون...
