#ضَـحايـا آل عُـقـاب
بقلمي: رَحِـيـق رَعَـد
قـِــــــــــࢪأه مُـــمتـعه للـجَـميــع
꧁꧂
«جُــمانه»
_طاح التلفون من ايده مفزوع يرجف يدور منا ومنا
ركض بره صعد السياره ركضو ورا الولد يردون يفتهمون شي ما اسمع اله
شهگت وانه اسمعه يگول
غياث: رهفف رهف اخذوهااا اخذوو رهفف
_گامو الولد ويا بسرعه ركبو السياره وراحو بقى اباذر
التفت الي اجه يمي لزم وجهي بين ايديه وانه احس روحي راح تطلع
اباذر: اششش لاترجفين باوعيلي بنيتي لاترجفين
: رهف رهف اخذوها
اباذر: يرجعها غياث يرجعها
: يموتوها ماگدر بدونها اموت انه اموت
_تقرب باس شفتي برهاوه يمسح على وجهي ويحچي ويايَ بهدوء يريدني اهدء
اباذر: لاتحچين بلموت لاتحچين
: رهف ترجع رجعها اباذر رجعها
: ارجعها ولله غياث يرجعها ويا كمال وخليل يدمرونهم دمار ولله
_لزم ايدي دخلني للبيت وانه امشي جسد بلا روح عقلي وگلبي يم رهف
مامستوعبه انهم اخذوها شراح يسوون بيها هسه؟
گعدني على السرير نزعني لحجاب ولصايه ومددني وانه عبالك فاصله عن العالم
غطاني وگعد يمي فتح تلفونه وصار يقرأ قرأن على راسي
دموعي صارت تنزل وحده وره وحده سدّ التلفون حضن وجهي بين ايديه ونزل لمستواي مسح دموعي وباس عيوني ثنينهن
اباذر: لاتبچين لاتبچين جاي تموتيني
_بقيت ساكته ابتعد عني وگام بره الغرفه
«رهـف»
_ضياع...خوف... رهبه.. موت بطيء
افتح عيوني بُبطئ اريد استوعب انه وين ضهري موتني من الوجع
رجليه ما احس بيهن وين انه؟ كل الي اتذكره دخلو عليَ
تلاثه مثلمين خدروني وبعد ما ادري
تحركت من مكاني احاول اباوع عيوني مغوشه لزمت الحائط ازحف بدت توضحلي الرؤيه
غرفه او مخزن صغير فارغ بارد اريد اگوم دخل شخص للغرفه
رفعت عيوني عليَ اريد اشوف منو هذا ضحكت بمُجرد ماشفته
واگف گدامي بأيده مُسدس تقرب مني لزم فكي بأيده وحچه
كريم: رهوفه
: لاتنطق اسمي لاتنطقه
أنت تقرأ
ضَـحـايـا آل عُـقـاب
Aktuelle Literaturفي بيت يعمه الضجيج والصُراخ العالي وحوش على هيئة بَشر يتقدمون لأفتراس فريستهُم فتاتين شرسات يحاولونَ الأنتقام لشخص يُدعى «ضحية آل عُقاب الأول» من هَم ضَـحايـا آل عُـقـاب الأخرين بماذا سيمرون؟ كيف ستكون حياتهُم هل سينجون من ضلم قبيلتهُم امّ سيقعون...
