ضَـحـايـا آل عُـقـاب

بارت(25)

#ضَـحـايـا آل عُـقـاب

بقلمي: رَحـيق رَعـَد

قِـــــــــــــــــــࢪأه مُمتعه للـــجميع:

꧁꧂
«رهـف»
_وخر عني يباوع لوجهي هيمان عيونه ذبلانه وگال

كمال: گلبي گام يدگ الچ

_بلعت ريگ شگول كل الحروف ضاعت مني گمت ماعرف احچي
گمت من مكاني بسرعه عدلت ملابسي وردت اطلع لزم ايدي وسحبني اله
حضن خصري بين ايديه رفع ايده وخر شعري عن وجهي وتقرب
باسني بشفتي بهدوء وابتعد ماباوعت حتى بوجهه گد ما استحيت
عفته وطلعت ركض للغرفه حطيت ايدي على گلبي دگاته جنونيه مو طبيعي

«جُـمانـه»
_متمدده على السرير اباوع للسگف شنو اوصف شعوري هسه
مقهوره؟ زعلانه؟ لو فرحانه لأن رب العالمين اخذ حقنه من عنده؟
بس هذا ابونه يبقى ابونه غصباً عن خشومنه معقوله نتركه يموت ومانشوفه؟
ولا نسامحه؟ يستاهل اي يستاهل حتلو ابونه الي سواه بينه مو قليل
اجه اباذر تمدد بصفي وسحبني لحضنه حضنته ساكته احس بلأمان من احضنه احس نفسي افصل عن العالم
باس جبيني رفع ايدي باسها وحطها على كتفه نزل ايده لحنكي رفع وجهي
يباوع بعيوني

اباذر: ماريد اشوف هذا الحزن بعيونچ ما اتحمل

: ماعرف شسوي حايره

اباذر: تؤؤ لا تحتارين عوفي هذا الموضوع هسه واسأليني اي سؤال تردي
احنه مو اتفقنه تسأليني وره مانخلص السالفه؟ يلا هسه صار وقتها

_باوعتله صفنت شوي بعدين گتله

: ليش چنت ماتريدني اشوف الغرفه ذيچ

اباذر: لأن اذا شفتيها بلوقت الي انتِ تكرهيني بي راح تكرهيني زياده وانه ماريد هذا الشي چنت ناوي اخليچ تتقبليني بلأول بعدين اراويچ الغرفه

: زين والصور والأغراض مالاتي شلون جبتهن؟

اباذر: الصور سهله عندي كامره چنت كل ما اروح گبال بيتكم حتى اراقبچ
من اشوفچ طالعه اگصلچ صوره وباقي الصور وانتِ نايمه چنت..

: چنت شنو

اباذر: چنت ادخل لبيتكم بليل بدون محد يدري اگصلچ صور واطلع

_شهگت على كيف مامستوعبه الي يگوله يمه خوفني

: يمه شلون محد چان يصيدك