ضَـحـايـا آل عُـقـاب

بارت(9)

#ضَـحايـا آل عُـقـاب

بقلمي: رَحِـيـق رَعـٕد

قِـــــــࢪأه مُـمتعه للـــجميع

꧁꧂
«جُـمانـه»

_اشهگ بقوه ويَ كل شهگه احس روحي راح تطلع
دخل اباذر مفزوع ركض بأتجاهي لزم وجهي يطبطب عليَ ويحاچيني بخوف

: جُمانهه بنيتي باوعيلي حبيبتي باوعيلي شبيچ باباا جُمانه باوعيلييي

_درت وجهي اباوعله وما اگدر انطق رفعت ايدي بأتجاه السرير أشر عليَ
التفت يشوف رجع اندار عليَ

: شبيچ شكوو هناك احچي

: ميته ميتهه

: منووو ميتهه لاتخبليني احچيي

_گومني دخلني للحمام فتح الماي وغسل وجهي وانه جسمي ووجهي كله يرجف
طلعني من الحمام يريد يوديني على السرير صرخت بفزع

: لاا لااا ماروحح هناككك

: ليشش

: ميتههه شوفهااا ذيچ هيههه ميته على السرير

: منوووو ميتهه ماكوو شيي جُمانهه

: لاا لا شوفهااا باوعع

_لزمت وجهه افر بي على السرير اندار يباوع راح يم السرير يتفحصه ورجع باوعلي

: ماكو شي ولله

: بزونه شوفها شلون ميته

: تعاي شوفي تعاي

_هزيت راسي بتكرار بنفي ماريد اتقرب اجه بسرعه سحبني
وانه ادفع بي وگفني گبال السرير غمضت عيوني ما اريد اشوف شي

: فتحي عيونچ وشوفي فتحيي

: ماريدددد تهجممم عليَ

: لچ اصحيييي ماكووو شييي

_مستمره اهز براسي ما اباوع دار وجهي فتحت عيوني على السرير
ماكو شي المكان فارغ السرير نضيف ماموجود عليَ اي شي التفتت اله بصدمه

: ولله شفتهاا ولله

_تقدم بأتجاهي لزم وجهي بين ايديه باس جبيني بهدوء يرجع شعري ليوره

: اشش حبيبتي بنيتي انتِ روح اباذر اهدئي

: طلعني منا اباذر طلعني

: اطلعچ ولله اطلعچ بس اصبريلي

: لا تخليني بهاي الغرفه

_هز راسه لزم ايدي طلعني من الغرفه گعدني بلصاله وراح دقايق ورجع
بأيده فراشات فرشهن بلأرض واشرلي اجي رحت يمه تمددت
سحب الابتوب مالته واغراضه وگعد بصفي متچي نفسه على الحايط
سحب تلفونه شغل قرأن وحطه يم راسي حط ايده على راسي يمسد بهدوء
بوسط الهدوء الي احنه بي دگ تلفون اباذر فزيت مخروعه
باوعلي دنگ باس راسي