[Hiatus] 𝐜𝐢𝐠𝐚𝐫𝐞𝐭𝐭𝐞𝐬 𝐚𝐧𝐝 𝐣𝐞𝐥𝐥𝐲𝐛𝐞𝐚𝐧𝐬《香烟和果冻糖》|𝘽𝙪𝙧𝙢𝙚𝙨𝙚 𝙩𝙧𝙖𝙣𝙨𝙡𝙖𝙩𝙞𝙤𝙣|

အပိုင်း (၂)

ဝမ်ရိပေါ်နိုးတော့ ညနေစောင်းနေပြီ။ မီးဖိုချောင်ထဲမှာစားစရာတစ်ခုခုသွားမလုပ်ခင် သူ့အချိန်တွေကို အိပ်ယာထဲမှာ နှင့် ဂိမ်းဆော့ရင်း အချိန်အတော်ကြာကုန်ဆုံးစေလိုက်သေးသည်။ တကယ်တော့စားစရာဆိုတာ ရှောင်းကျန့် ခဲပေးခဲ့တဲ့စားစရာတွေကိုပြန်နွှေးတာပါ။

Tupperware ဘူးထဲက ထမင်းဟင်းတွေက ထမင်းနည်းနည်း၊ အသားဟင်းတစ်ခွက်၊ အရွက်တစ်ခွက်စီနှင့် သေချာစီစဉ်ထားမှန်းသိသာလှသည်။ ဒီနေရာမှာ ရှောင်းကျန့်ရဲ့ ဟင်းချက်လက်ရာကိုတော့ ဝမ်ရိပေါ် မချီးကျူးဘဲမနေနိုင်။ သူဆိုရင်တော့ ရှောင်းကျန့်ကိုဟင်းချက်ကျွေးဖို့ တစ်ခါမှမစဉ်းစားဖူးဘူး။ ရှောင်းကျန့်ကိုရူးရူးမူးမူးကြိုက်ခဲ့တုန်းကတောင်ပေါ့။ အစားအသောက်နဲ့ပတ်သက်ပြီး သူ့မှာရှိတဲ့မှတ်ဉာဏ်တွေဆိုတာက ကျောင်းတုန်းက ရှောင်းကျန့်မလာခင်အထိ ကန်တင်းမှာလက်ယားလက်ယားလုပ်ပြီး ရှောင်းကျန့်ကိုမြင်တာနဲ့ ထမင်းအတူတူထိုင်စားမယ် ဆိုတာမျိုးတွေသာ။

သူ့မှာ အချစ်ရေးနဲ့ပတ်သက်ပြီး အတွေ့အကြုံမရှိသလို ဘယ်သူ့ကိုမှသဘောမကျဖူးဘူး။ သူ့အတွေးတွေကရိုးရိုးလေး။ ဒီလူကိုသူကြိုက်တယ် ဒီလူကိုသူခဏခဏတွေ့ချင်တယ် ဆိုတာပဲ။ အတန်းခေါင်းဆောင် တစ်ယောက်အနေနဲ့သူ့အတွက်အဲ့တာက သိပ်ခက်ခဲလှတယ်တော့မဟုတ်ဘူး။ အတန်းခေါင်းဆောင်တစ်ယောက်ရဲ့ များပြားလှတဲ့တာဝန်ဝတ္တရားတွေကြောင့် အတန်းပိုင်ကိုအချိန်မရွေးခေါ်လို့ရတယ်ဆိုတဲ့ အကြောင်းပြချက်ရဲ့ကျေးဇူးနှင့်ပင် ရှောင်းကျန့်ကိုသူခဏခဏတွေ့ခွင့်ရသည်။ ငါးရက်မှာ လေးရက်ခွဲ ကရှောင်းကျန့်နှင့်တွေ့နေရတာချည်းပင်။ ပိတ်ရက်တွေမှာ ဝမ်ရိပေါ်က နိုင်ငံခြားဘာသာဌာနအနီးအနားက စတိုးဆိုင်လေးတွေမှာ တဝဲလည်လည်အချိန်ဖြုန်းတတ်သည်။ (ဂီတဌာနမှာ စန္ဒယားတီးရင်းလည်းတစ်ခါတစ်လေအချိန်ဖြုန်းတတ်သေးသည်။) အဲ့လိုတွေကြောင့်ပဲ ရှောင်းကျန့်ရဲ့ပိတ်ရက်မှာလုပ်တတ်တဲ့ကိစ္စလေးတွေကို သူသိပ်မကြာခင်မှာသိခဲ့ရသည်။ ရလဒ်အနေနဲ့ကတော့ သူတို့ တစ်ပတ်မှာ ၇ ရက်လုံးတွေ့ဖြစ်ကြတာပါပဲ။