[Hiatus] 𝐜𝐢𝐠𝐚𝐫𝐞𝐭𝐭𝐞𝐬 𝐚𝐧𝐝 𝐣𝐞𝐥𝐥𝐲𝐛𝐞𝐚𝐧𝐬《香烟和果冻糖》|𝘽𝙪𝙧𝙢𝙚𝙨𝙚 𝙩𝙧𝙖𝙣𝙨𝙡𝙖𝙩𝙞𝙤𝙣|

အပိုင်း(၇)

ဆေးအရှိန်ကြောင့် တစ်ညလုံးနားလိုက်သည့်အခါ ဝမ်ရိပေါ် ကအတော်လေးသက်သာလာပြီ။ သူနိုးလာသည့်အသံကြားတာနှင့် ရှောင်းကျန့် ကတော့လုပ်လက်စအဘုပ်တွေအကုန်ပစ်ပြီး မနက်စာပြင်ပေးဖို့ မီးဖိုသို့ထွက်သွား၏။ ဝမ်ရိပေါ့် အစာအိမ်ကတကယ်ကိုအထိခိုက်မခံတာပင်။ ဒီ့အပြင် အချိန်မှန်မစားတတ်သည့်အကျင့်လေးနှင့် သောက်တတ်သည့်အကျင့်လေးပါထပ်ပေါင်းလိုက်သည့်အခါ ယခုလိုမျိုးနာတာရှည်အစာအိမ်ရောင်သည့်ရောဂါတစ်ခုကဲ့သို့ စွဲကပ်သွားတာပင်။

ပုံမှန်ဆိုရင် အဲ့တာကဘာမှမပြောပလောက်ပါဘူး။ သူကတော့ရေနွေးလေးတစ်ခွက်လောက်သောက်ပြီး အံကြိတ်ရင်းကြိတ်မှိတ်ခံလိုက်တာပဲ။ ဒါပေမဲ့မနေ့ညက အစာမရှိဘဲ ဆန်အရက်သောက်လိုက်မိတာရယ်၊ ဂျပန်ဆိုင်က အသားစိမ်းတွေသွားစားလိုက်မိတာရယ်ကြောင့် တော်တော်လေးကြိတ်မှိတ်မခံနိုင်သည်အထိ အခြေအနေဆိုးသွားခဲ့တာ။

" ဒီမှာ... ဆန်ပြုတ်လေးနည်းနည်းစားလိုက် "

စားပွဲမှာသူလာထိုင်တာတွေ့သည်နှင့် ရှောင်းကျန့် ကဆန်ပြုတ်အလွတ်တစ်ခွက်လာချပေးသည်။ သူ့ဘေးတွင် ရှောင်းကျန့် လာထိုင်လိုက်ပြီး နောက်ထပ်ပန်းကန်နှစ်ခု၊ ကြက်ဉပေါင်းပန်းကန် နှင့် ငါးမွှကြော်တစ်ပန်းကန် ကိုပါယူလာသည်။

" မသက်သာသေးဘူးလား "

ဝမ်ရိပေါ် ကခေါင်းယမ်းပြလိုက်သည်။ သူနေလို့ကောင်းနေပြီ။

" ဒါဆိုများများစား။ ဒါတွေကအစာပျော့လေးတွေ... မင်းတစ်ညလုံးဘာမှစားမထားဘူးလေ "

" အင်း "

" မင်းသူဌေးကို ငါဖုန်းဆက်လိုက်တယ်။ မနက်ဖြန်မှ စန္ဒယားအသစ်ကိုသွားစမ်းကြည့်လို့ရတယ်တဲ့။ ကလပ်မှာအခြားလုပ်စရာမရှိဘူးဆိုတော့ အိမ်မှာပဲနားနားနေနေနေတော့နော် "

" အင်း "
•••

မနက်စာစားပြီးသည့်အခါ ဝမ်ရိပေါ် ကသူ့အိပ်ခန်းကိုပြန်မသွားဖြစ်တော့ဘူး။ အလုပ်ကိုသွားစရာမလိုသည့်အတွက် သူအဝတ်အစားတွေလဲရင်းစိတ်အရှုပ်ခံမနေတော့ဘူး။ အဲ့တာကြောင့်သူကညဝတ်အင်္ကျီနှင့်ပင် ဆိုဖာပေါ်၌ပျင်းတိပျင်းရွဲလဲလျောင်းပြီး လက်ထဲမှာဂိမ်းစက်ကိုင်ရင်း ဧည့်ခန်းတစ်ခုလုံးဂိမ်းထဲကအသံတွေနှင့် ကျွက်ကျွက်ညံလို့။