[Hiatus] 𝐜𝐢𝐠𝐚𝐫𝐞𝐭𝐭𝐞𝐬 𝐚𝐧𝐝 𝐣𝐞𝐥𝐥𝐲𝐛𝐞𝐚𝐧𝐬《香烟和果冻糖》|𝘽𝙪𝙧𝙢𝙚𝙨𝙚 𝙩𝙧𝙖𝙣𝙨𝙡𝙖𝙩𝙞𝙤𝙣|

အပိုင်း (၅)

ခင်ဗျားက ကျွန်တော့်အတွက် စီးကရက်တစ်လိပ်လိုမျိုးကျွန်တော့်ကိုနိုးကြားစေတယ်။ ကျွန်တော့် ခန္ဓာကိုယ်ဖွဲ့စည်းပုံတွေထဲကို ခိုးကြောင်ခိုးဝှက်ဝင်ပြီး ကျွန်တော့် အာသီသတွေကိုနှိုးဆွပေးတယ်။ နီကိုတင်း ထက်ပြင်းပြတဲ့စွဲလမ်းမှုတွေကိုပေးတယ်။
•••

ဝမ်ရိပေါ် က သူ့အခန်းတံခါးကိုဖြေးဖြေးလေးတွန်းသံကိုကြားလိုက်သည်။ သူ့မျက်လုံးတွေကိုဖွင့်လိုက်မိပေမဲ့ စောင်အောက်ကနေမထွက်မိဘူး။

ခြေလှမ်းတွေ၊ အရမ်းငြင်သာတာမို့ ခြေဗလာနဲ့ဖြစ်လိမ့်မည်။ ဖြေးဖြေးလေးလျှောက်လာပြီး သူ့ကုတင်ဘေးကိုတက်လာသည်။ ရှောင်းကျန့် ပဲ။

ဝမ်ရိပေါ် ကို သူစောင်သေချာခြုံပေးလိုက်ပြီး ဖက်ထားလိုက်သည်။ ဖက်ထားသည်ဆိုသော်ငြား ဖိထားတာကို ဝမ်ရိပေါ် မကြိုက်မှာစိုးသည့်ထင်၊ သူ့လက်မောင်းတွေကိုအနည်းငယ်ပြန်ကြွကာ ဖွဖွလေးပဲဖက်ထားသည်။

ဝမ်ရိပေါ် ဘာအသံမှမထွက်သလို လှုပ်ရှားတာမျိုးတွေမလုပ်မိ။ သူ တော်တော်လေးအံ့ဩနေခဲ့တာ။ ရှောင်းကျန့် ကဘာလို့ဒီလို မူမမှန်တာတွေကိုလုပ်နေတာလဲ ဆိုပြီးလည်းအရမ်းသိချင်နေခဲ့တာ။

သူတို့အတူတူနေကြတယ်ဆိုပေမဲ့ (ပထမဆုံးညမှာ အရက်မူးပြီးမှားသွားတာကလွဲရင်) ဒါသူတို့ရဲ့ပထမဆုံးနီးနီးကပ်ကပ်နေဖူးတာပင်။ သူ့နောက်ကလူရဲ့ကိုယ်ငွေ့နွေးနွေးက အဝတ်အစားတွေကတစ်ဆင့်၊ စောင်ကတစ်ဆင့် သူ့ကို မသိမသာလေးယှက်သန်းနေသည်။ အထူးသဖြင့် သူ့ဗိုက်နားမှာတင်ထားတဲ့ အဲ့ဒီလူရဲ့လက်မောင်းပင်။ ရိပေါ် ကစိတ်ငြိမ်ငြိမ်ထားပြီး  အသက်ကိုရှုနေလိုက်သည်။

သက်ပြင်းချသံ ခပ်တိုးတိုးက သဲသဲကွဲကွဲတောင်မကြားရဘူး။ သူတို့ကြားက အကွာအဝေးက နီးနီးကပ်ကပ်လေးဖြစ်နေတာကို သူခံစားမိသည်။ ရှောင်းကျန့်ဆံစတွေက သူ့ဂုတ်ပိုး ကမွှေးညှင်းလေးတွေကိုလာထိတဲ့အခါ ကလိထိုးနေသလိုပင်။

" ဝမ်ရိပေါ်... "
ရှောင်းကျန့်အသံက တကယ့်တိုးတိုးလေး၊ တိုးလွန်းလို့ သက်ပြင်းချလိုက် သလိုမျိုးပဲ။