(ان الله معك في كل مره ومره)
.............__________..............
الكاتبه: فراشه
،**************،
خايفه واركض بغابه واسط الاشجار الضخمه والهث من التعب والخوف احس قلبي راح يكف وانا اشوف شخص ملثم يركض ورايه وانا اركض واحس راح يلزمني مهما ركضت بس معا هذا اركض
وادعي الله ينجيني وارجع اصرخ باسماء
سندي ومسندي لعل يسمعوني ويجون
امنيه: باباااااااا علييييي
بابااااااا علييييي ساعدوني
بعد فتره قليله صرت ماعاد اسمع صوت اوراق الاشجار
من احد يركض فوقهن التفتت وانا خايفه
لا يكون خلفي ويلزمني بس فرحت
وارتاح قلبي وانا اشوف ماكو احد خلفي
تنفست براحه وحاول اتنفس بصوره
صحيحه ومنتظمه بعد هل ركض والخوفه بعد ماكدرت ارتاح ولتفتت
حتى اكمل طريقي لبتنا بس انصدمت
وانا اشوف الشخص الملثم مرتجي
ع شجره كبير وبيده سكين ملطخ
دم عيونو تخوف ارتعبت ورجعت خطوه
لوراى حتى ارجع اركض من جديد
بس استوقفني كلامه
الملثم: تعاي امنيه تعاي
انصدمت شلون يعرف اسمي
ورجع كمل كلامه بطريقه مخيفه
الملثم: كل الطرق راح تجيبج الي
فلا تعبين روحج وتعالي اشوف
دم منو هاذا لا تخليني اخلي
نهايتج مثله.
وشفت ابتسامته ع عيونه ظهرت
وهو يتقدم عليه وانا اريد اتحرك مااكدٍر
فزيت ع امي تحاول تكعدني تصيح
باسمي وتهزني ع كيف
ام امنيه: امنيه امنيه اسم الله عليج
الرحمن شبيج حبيبتي افتحي عيونج
فتحت عيوني وشفت امي تحاول
ترفعني وتحظني وبابا كاعد على
جهه الثانيه من السرير ويصيح
بنيتي لاتخافين ماكو شي
شو اشوف عيونج الحلوات
حضنت امي حيل وانا اكول
امنيه: لا لا لالا تعوفيني ماما
خفت دم دم والله لازم
سچينه ويركض ورايه
ماما بابا انقذوني وابچي
واشهك من كل قلبي
ابو امنيه: اشششش بنيتي شو باوعيلي
ماكو احد هذا انا عندج شو تعاي لحضني
رحت لحضن بابا وحاضنته وابجي
امنيه: بابا لا تتركني عفيه نام يمي
ابو امنيه: صار بعيوني اميرتي
انتي شو امسحي عيونج
نامي وارتاحي هذا اني يمچ
مسحت عيوني بس الخوفه لسه
بيه واخاف اغمض ويجي يقتلني
لحد ماتعبت ونمت للصبح امي
تكعدني
ام امنيه: يالله بنيتي تروحين
ع مدرسه؟
لو تحسين روحج تعبانه
امنيه: لا ماما اروح مابيه شي
بس منو يوصلنا بابا لو علاوي
ام امنيه: لا حبيبتي اخوج يوصلكم
ع مدارسكم وعود يطلع لمدرسته
ابوج طلع من الصبح ع محكمه
