شنو الكاتـبه فـــراشــه
ماجاي انام وگلبي تعبان،
وزعلان احس من كلشي زعلان .
تطفى الشموع ودمعي سهران .
وميت احس والليل دفان .
...........................
امنيه: ماضل ع دوام الا كم يوم
اخذنا عمي اني وهند واشترينه
كلش يعجبنا عمي طول هل السنين
مافرق بيني وبين هند وحتى عمتي
بس رغم هاذا مااكدر انطيهم مكانة
اعزازي بكلبي حتى ليث يعاملني
معاملة علاوي حبيبي اشتاقله كل
ماشفت ليث يكبر اشتاقله كل ماعمتي
كالت اريد ازوجه امي هم كانت تريد
تزوج علاوي بس مانطونه الفرصه
نكمل حياتنا بسعاده كله هذا حتى
يقرضون الحق وفرضون الباطل
كل يوم افكر شلون راح الكاهم
شلون راح انتقم شلون راح اكدر
لمجموعه كامله وشلون تعبت
من التفكير حتى شعري صار
يوكع خصل ع طولهن وراسي
دائماً ياذيني اريد حل ما على اكدر
ارتب شي اضحك يمهم وبليل تهيض مواجيعي وشيسكت العين لو صاحت
اريدهم مشتاقتلهم مشتاقه لكعداتنا
لعركاتنا سوا شلون بيه يكولون الوقت
كفيل ينسي ليش ماجاي اكدر انسى
شي كل ليله تنعاد عليه هذي الليله
لدرجه صار منظرهم ميخوفني
اعيد بكل كلمه سمعتها منهم حتى
اكدر اوصل الهم مانسيت ولا وجه
من وجيه المجرمين يجي اليوم
الاحاسبهم واحد واحد.
زين ملك اه ياملك ست سنين مالكينا
شي يخصها مستحيل اترك الموضوع
اذا ماالحكها اذا كانت عايشه او ميته
باجر اول يوم دوام بالجامعه حتى
هند معدله يدخلها المحاماة بس اني ما
ردت اي جامعه داومته باحسن كليه
محاماة اريد اكون من اشرط المحاميات
خلال فتره قصيره فاض الصبر بيه
هند: امونه ليش ماخليتيني اسجل
محاماة مثلج
امنيه: حتى لو سجلتي ماتطلع نفس
الجامعه اني وانتي وانتي تحبين التدريس بعد شكو
هند: اني مكدر افاركج اشلون بيه
امنيه: بس وكت الدوام متشوفيني
من نرجع من الدوام كاعده كبالج
هند: شنو احلى هذا الفستان لو التنوره
امنيه: التنوره السوده والقميص اوف وايت وكملي الشوز والچنطه بكيفج
هند: فديت الذوق والله انتي منقذتي
وانتي ستلبسين؟
امنيه: البنطلون الاسود والبدي االابيض
والستره السوده شكل محاماة عيناي
هند: هههههه واحلى محاميه
امنيه: دنامي خل نكعد منوكت
صحيح منو يوصلنا عمي لو ليث؟
هند: ليث بس اول اسبوع وبعدين يسويلي خط لو اني لو انتي وهو يوصل وحده
امنيه: تمام تصبحين ع خير
هند: وانتي بخير
امنيه: كعدتنا وسبحنا وبدلنا
