بًسِمً آلَلَهّ آلَرحًمًنِ آلَرحًيَمً
لطفاً تصويت ومتابعه
وتعليق بين الفقرات
......... مُو مَالت وداع
هَستونه متلاگين
بعدها عيونّنا مِن
المستَحه مدنگه
بعَدها تشوفنا
عيون الشَمس ضلين
ما لحگنا نكسر عينها
بشبگــه،
................. .................
امنيه: هند هند لكيت خطه تطشرهم
طشار دمرهم دمار وتمحي اثرهم
من الدنيا كلها اخذ حقي وحق اعزاز
قلبي وان شاءلله بالاخر الله ياخذ
حقنا وحق كل مظلوم قتلو المجرمين
الحياوين بدم بارد
هند: كملتي
امنيه: اشنو كملت
هند: حلمچ وتخيلاتچ رجاء اتركيني
انام ومن اكعد نحلم اني وياچ سوا
دارت وجهه ورفعت الديباچ ونامت
امنيه: اني وافقت على انچ تشتغلين
ويا شبل بشركه
طفرت هند وكعدت وترجع شعرها
وراء اذانها
هند: والله تحچين صدك؟
امنيه: والله صدك
هند: شعجب غيرتي رائچ
امنيه: ما غيرت رائي بس لكيت الخطه
الصح اسمعيني وركزي وياي حچيتلها
كل الخطه وهي صافنا ماحچت
امنيه: ها شرايچ بيها؟
هند: خطتچ نكعيها وشربي ميها
امنيه: ليش؟؟
هند: انتي مصدكه يسوهاا ويبيعون اهلهم علمودنا لچ هذوله يبيعونه وميبعون اهلهم
امنيه: هههههه يبيعوهم ويبيعون
عشرتهم اذا تصرفنا بطريقه الصحيحه
واذا كلنا ماقبلو يبيعون اهلهم كلش كلش
عادي الخطه الثانيه موجوده وقتها راح
نكون نفذناها هااا ست هند هم كولي متصير حتى ادوس بطنچ
هند: الخطه الثانيه حبيتها اكثر من
الاوله بس لزم الها صبر طويل
امنيه: صبرت قبل علمود هاذا اليوم
مستعده ارجع اصبر علمود اشوفهم
بحبال الاعدام اصبر اصبر شعندي قابل
هند: عفيه عليچ شكد تصبرين
زين اني شون لو جاني عريس
مناسب اريد اتزوچ لزم ترديني ابقى
ع خططچ واترك مستقبلي المبهر
امنيه: نعال عليچ وعلى عريسچ المناسب
هند: رجاءً احترمي زوجي الا هو نسيبچ
جريت المخده وصرت اضربها بيها
وهي الفاهيه ماتت من الضحك
وكفت المخده وباوعتلها مصغره
عيوني
امنيه: ترا ع اضربچ مو ادغدغچ ليش
تضحكين؟؟
هند: علمود اقهرچ وسحبت المخده مني
تضربني واني مغطيه راسي بديني
شمرت المخده بالارض وكالت
هند: هاا توجع الضربه؟
امنيه: لا المخده قطن؟
