هو اليتم هم لزم يعيش؟
خلاف الا نحبهم مااضن نعيش...
هو المات ابوه كالو عنه يتيم...
شحال العائلته كلها ماتت هم يكولون يتيم؟
لو ميت ويمشي ويه اليمشون...
محد شافني ويدليني وين انا
العمر ضل بي عمر لو كافي لهنانه.....
..........................
الكاتبه: فراشـــــــــه
يوسف: يعني تنفذ الحكم
تمام تمام راح اخذ عائلتي واطلع
ع مزرعه ابقى اسبوع هناك اي
تطور خابرني حبيبي الغالي الله وياك.....
امنيه: مدري ليش نغزني قلبي وخفت لزمت قلبي افرك بي
رغم كل مره من نروح ع مزرعه
اكون اسعد انسانه بس هل مره
مااريد اروح راح بابا يحچي معا
الحمايه واني رجعت كعدت يم
اخواني واني خايفه شفت بابا جاء
يوسف: جمان جمان
جمان: هلا
يوسف: تحضرو خلال ساعه نطلع
ع مزرعه ونبقى اسبوع هناك
جمان: ها يوسف صار الردته؟
يوسف: ياالله حضرو ملابسكم
بساع هسا ارجع
امنيه طلع بابا وامي باوعت علينا
بحزن وبكسره وكالت
جمان: يالله بنات حضرو ملابسكم
ولا تكثرون ماعدنا وقت
راحت امي واني رحت خضرت ملابس علاوي وهو يساعدني
ويجيب اليريده
علي: اماني انتي روحي كملي
ملابسج اني اكمل ماكو وقت
امنيه: تمام اذا تحتاج شي صيحني طلعت ورحت ع غرفتي
واجمع ملابسي وبالي شارد كملت
بعد فتره وطلعت چنطه ع صاله
توجهة ع غرفت التوم شفتهن متعاركات منو تحط ملابسها بچنطه اكثر
ملاك: امونه باوعي ملك ماخذا
كل الچنطه الها واني وين اخلي ملابسي
ملك: چذابه هن مالاتج اكثر
امنيه: دجيبن ملابسچن واني احضر الچنطه رتبتها نص بنص وكملت رحت ع امي مكمله هي هم چنطتها وچنطة بابا
وصافنه بالفراغ
امنيه: ماماتي كملنا كلنا
رفعت عينها عليه وفتحت اديها
جمان: تعالي عيون امج
امنيه: ركضت عليها وشبگتها
وبستها احبج مامي
جمان: بنيتي الحلوه كبرت وباستني
امونه شنو حلمج تصيرن؟
امنيه: قاضيه مثل بابا
جمان: لا لا بنيتي اياج تصيرين قاضيه
ترا ماوراها غير المشاكل والخوف
امنيه: بس ماما الحق ميخوف وبابا
يكول اذا انته ع حق لا تخاف حتى
لو المسدس براسك
جمان: صحيح الحق ميخوف بس
الماعدهم ضمير ميحبون الحق
ومستعدين يقتلون بدم بارد
بس حتى يقلبون الحق باطل
والباطل حق ناس ماتخاف الله
امنيه: بابا يكول الانسان اليعرف الحق
ويسكت عنه الله يدخله النار
جمان: ابوج يا ابوج بنيتي اريدج
تضلين قويه مثل هسا وماتتنازلين
عن حقج لاتخافين الخوف شي
موحلو الخوف مرض حاربي الخوف
رغم اني انصحج بس اني اكبر جبانه
قبل ماكنت هيج بس من صرتو صرت
اخاف من كلشي عليكم و...
