بًسِمً آلَلَهّ آلَرحًمًنِ آلَرحًيَمً
.... الكــاتــبـه فـراشـه....
لطفاً متابعه +تصويت
+تعليق بين الفقرات
يسألوني واكلهم بالبخت عفته
ويجي الليل ويجن كلهن
ضحكتك، وصورتك، وأنت
.................
ملك: باوعت ع الافته (كليه الشرطه)
ابتسمت واني اشوف وصلت حلمي
وصلت هدفي المنتظر من سنين
تقدمت خطوه نحوه انتقامي
من اليوم لزم انسى اسدالله
واشيله من حياتي بعد السواه
بعد مكدر اسامحه ماانكر كل شي
سواه الي او كلش قدمه الي
من حب واهتمام وفلوس ومستلزمات
بس مااريد اسد الله ياثر ع انتقامي
اني خايفه مني علي خايفه اضطر اضحي
بي حتى اخذ حق اهلي خايفه يكون
اله ايد من بعيد او من قريب بموت
اهلي دائما الشك ملاحقني حول هالشي
اول مادخلت الكليه اتغيرت من ملك
الضعيفه الهشا التخاف من كل شي
الى الضابط ملك المتهاب كل شي
نسيت شي اسم خوف قدمت نفسي
قربان لدولتي واهلي
(تذكير هام ممنوع ان اذكر اشياء تخص
الكليه الشرطه لهذا نتخطى كل التدريبات
)
بعد مرور شهر واني داخل كلية الشرطه
اليوم موعد نزولي ثلاث ايام وارجع
اداوم چان بالي من انزل فوراً اخذ
عنوان بيت عمي واختي واطلع عليها
واتفاهم وياها واشوف اختي مشتاقتله هواي بس المشكله مااريد
اروح ع اسد الله ماريد اشوفه بعد
رغم ماوكف مكالمات ورسايل اليتوسل
بيها اني اسمعه صوتي راح يموت بس
قسيت قلبي رغم اني هم طاك كلبي
علي خاصتن بعد ماطلعو كل دلاله
الي من عيني
اخذ التلفون ساعه وحده
كل نهارين ثلاثه اشوف البنات يخابرن
اهلهن وازواجهم وقريبهم بهاي الساعه
مايلحكون واني صافنه برسايل اسدالله
اقرا بدون رد واتصفح بصفحته اشوف
فيديوهات الحزينه اشوف صورنا الماخذهن بتلفونه صوري ماليه تلفوننه
بكل مكان بالبيت بأي حركه اكل اباوع
تلفزيون نايمه اشتغل صافنا ادرس
العب بجهازه الثانيه هواي صور تعبر
عن مدا حبه و هوسه بي عيوني ادمع
ع اشتياقي اله والحظاتنا سوا
سمحولنا نطلع اخذت چنطتي واخذت
تكسي واني افكر شنو ردت فعله من راح
يشوفني بس اني مقرره ماشوفه وادخل
بيته بعد قررت اخذ العنوان من الباب
واطلع ع اختي مشتاقتلهاااا كومه كومه
رجعت شعري وراى اذني الكصيته
لحد كتفي او جوا كتفي بشي جداً قليل
وصلت البيت حاسبة التكسي ونزلت
فتحت باب الحوش ودخلت الحديقه
نزلت جنطتي بالحديقه وكعدت ع كراسي
بالحديقه بعد فترة عشر دقايق كمت
اريد ادك باب المطبخ بس دكيت
مره مرتين ماكو رد عرفته بشغل رجعت
كعدت بالحديقه رغم اعرف وين يحط
المفتاح بس ماردت ادخل البيت نمت
ع الكرسي اني وانتظره كعدت ع صوت
باب الحوش ينسد باوعت شفته اسدالله
بس هو منتبه عليه يرد يدخل البيت
اباوعه ضعفانه وكبران چن ماتركته
شهر لا سنين معاني الكبر واضحه علي
حاني ظهر ويمشي بطيء وضوجه
مو مثل قبل چنت احچي علي واكوله
شنو شاد محرك ع رجلينك خفف سرعه
محد لحگك ترا
يضحك عليه ويكول
متعلم امشي هيچ وبعدين اني اجي
مشتاق اريد اشوفچ اذا امشي بطي
اتاخر حتى اشوفچ دنك يفتح باب
البيت واني ملتزمه الهدوء اباوعله اباوع
ع حركاته خطواته مشتاقتله هواي فجاء
ترك المفتاح والتفت سريع وعيونه تجول
بكل مكان كانه حس بوجودي الى ان استقرت عليه غمض
عينه بقوه وفتحهم وباوع بعيوني
