(بًسِمً آلَلَهّ آلَرحًمًنِ آلَرحًيَمً)
🦋الكاتبه فراشه🦋
لطفاً تصويت+ومتابعه
+تعليق بين الفقرات
...............
حبك چان صدفــه وما خطر عالبال
حبيتك بسرعــــــه شلون ماادري
ومن گتلي احبك مدري بيه شصار
ظليت انـــــــي صافن حاير بامري
ظل حچيك براسي وانـي افكر بيك
گلت اشلون اشيلك بعد من فكري
وانت العلمتني معنى كلمه شوك
ياروحي وحياتي ويابعد عمــــــري
وحبيتك وكتلك والله ماانســــــــاك
شلون انساك وانتة الكلب البصدري
ـــــــــــــــــــــــــــــــــــــــــــــــــــــــــــ
ملك: قضينه وقت كلش حلو بسوق
من سنين مافرحت هيچ لان اختي
ويايه دائماً چنت احلام بهيچ لحظات
واتمنا اهلي ما ماتو نعيش هاي الحظات
ليث فعلاً اخ النا وفرحانين بي
وهو فرحان بينا خلص من امنيه وهند
وندار عليه بس يداهرني واني بساع
اضوج واتعارك وياه بسياره
ليث: اويلي والله خايف عليچ
ملك: ليش؟؟!
ليث: يعني انتي نمله واخاف الناس
بالمهر يدعسون عليچ
ملك: واني هم خايف عليك
ليث: ههههههه ليش قابل اني نمله؟
ملك: لا خايفه من شقارك عبالهم انت العروس
ليث: لااااااااا يااااچلبهههه والله لسانچ يرادله كص
ملك: كص لو تكه
ليث: تكه لو لو زوج
ملك: زوج لو زوجه
ليث: دنجبي عاد عفيه ع واهسچ
عندچ استعداد النهار كله تحچين بدون
توقف والله اسدالله بطل لان متحملج
ملك: اني جداً حزينه ع مريم شون
راح تكضي وياك شهر
ليث: بعكدت حاجب ليش شهر
ملك: غير وراى الشهر لو تنتحر لو
تهرب بريشاتها
ليث: شكد باهته لخاطر الله
ملك: حطلي ملح شوي
ليث: لو احطلچ كونية ملح تبقين باهيه
ملك: وانت غثيثثثثث
التفت الي يخزرني لان صرخت
قبل لا يحچي سمعنا صوت هورن
سياره قريب يعلن عن انذار
التفتنا ونشوف سياره من الكبار كدامنا
بالوفه مالت السايد الثاني
حاول يتلافها ليث بساع لاكن
ماكدر صرخ ليث صرخه رجت السياره
رج من ضربت السياره بالرصيف
غطيت وجهي بدون شعور وعلت
صرخاتنا من الخوف والهلع
انضرب راسي بكل قوته بالجام اليمي
من ارتجاج السياره لزمن راسي بوجع
بعد ماحسيت بشي حار نزل ع وجهي
