هل يا ترى...لو مت انسى ما جرى؟!
هل ياترى...لو كان عندي غيركم؟
قلبي اليكم ما سرى؟...
هل ياترى...يحتاج مني كرهكم..
قلبا قويه ثائرا ومتمردا وتجمهرا..
ها قد أفاضت اجفني؟.
ولدمع منه ما جرى..
والدنيا ضاكت والنفس باقي ع كد الحسرة؟
فرحان داويت الغصن ثأري المرض بالشجره..
مرت اسنين من العطش مو شفتي روحي تفطرت..
ومتاني حبكم كطره..
وما كلت ليش تعذبت؟
جنت ادري اليحب من صدك يرتاح بس بكبرا..
وصار المعارك بل حجي ..
وبين الضجيج المرتفع فرزنت منكم نبره..
حنيت...كمت اكتب شعر..
ديوان كامل بس غزل ..
كملته ونطيته الشخص للا يكتب وللا يقره ...
امستت جروحي معطفا وحتل لوني نزفهاا ..
ولحزن في قيتارة يبكي جمادا عزفها..
صارحتكم ب مشاعري وزداد فيكم صدها..
لو كان فيه كذبا ما كان منكم ردها ..
مو صوجكم طبع البشر يرتاح الي يغدره ..
لو غاب يومين الرمح يشتاك ويفك صدره..
وجيف أنه احبكم من صدك.. وبروحي شايلكم عشك...
مل غيري من عيونكم واني بحسره النظره..
وشكد اجوني رادوني احب علمت كلبي وماعرف..
يعني اني احبكم من طرف واحد وصنت عشره..
وشكد فضول اتحملت..وجود مابيها طعم
واني بكثر ما غيمت يرعبني لون الكمرة..🤍🦋
..............................
........الكـــــاتبـــــه: فــــراشـــــه.......
امنيه: انصدمة وفكيت عيوني و
التفت ع عمي اساله
امنيه: عمي ناقص واحد وين؟
بس لحظه لحظه
رجع والتفتت ع كبورهم اقرا الاسماء
كان اسم علي والثاني اسم ملاك
لعد ملك وين خفت من فكره بالي
خفت اسال ويكول ماكدرو يجمون
اشلاها خفت من اشياء كثيره اريد
ارجع اساله استصعب صدمه جديده
قاومة وسالته وانا وجهي ع الكبورهم
خايفه من الراح اسمعه
امنيه: عمي وين ملك؟
ابو ليث: والله يابنتي مدري شكلج
بكلماته هذني زاد خوفي وقلقي اكثر
امنيه: شنو؟
ابو ليث: ملك مو موجوده مالها اثر
التفتت عليه وانا مصدومه تقدمت عليه
وكفت كدامه
امنيه: شنو يعني ماموجوده
شنو يعني مالها اثررررر
فهمني
ابوليث: ماكو فص ملح وذاب صار فوك
الست اشهر ماخلينا مكان ماكو حتى
الشرطه ادور ماكو ومستمرين ندور
اكيد راح نعرف شي
امنيه: لزمت راسي وافتر شلون ماكو
واريد احاول اتذكر شي يفيدني
اعرف مكانه وانا احاول استذكر
هذيج الليله الملعونه احس راسي
راح يطگ كل مااتذكر هذيح الليله
راسي وقلبي ياذني كال عمي يالله بنتي نرجع راح يصير المغرب
امنيه: روحو
ابو ليث: وانتي؟
امنيه: هنا مكاني يم اهلي
ابو ليث: شنو هل حچي اطلعي كدامي
بساع اهلج الله يرحمهم وينتقم
من الكان السبب وياخذ حقهم
