كحلم بعيد

الفصل الأول

🥰🥰  الفصل 1  🥰🥰

🥰🥰🥰🥰🥰🥰🥰🥰🥰🥰🥰🥰

اللقاء الأول....

في مبنى جهاز المخابرات العامة..
تدخل و هي  تعقص شعرها على هيئة "كحكة" و لكن قررت بعض الخصيلات الصغير أن تتمرد و تزين وجهها الذي لم يكن يحتاج إلى أي مستحضرات تجميل علي الاطلاق سوى بعض الكحل و الماسكرا ليظهرا جمال عينيها بشكل أكبر.
إنها ملك.. ملك خيري الراوي، معيدة في كلية الاداب قسم علم الاجتماع و تقوم بتدريس علم النفس الجنائي و بعض المواد الأخرى في كليات الشرطة و الحربية و الحقوق أحياناً.

كانت ترتدي بدلة مكونة من بنطال طويل و سترة من نفس خامة البنطال باللون الرمادي و تحتها قميص حريري من اللون الوردي الفاتح الرقيق و حذاء اسود ذو كعب سميك و لكن ليس عالٍ جداً.

دخلت بكل ثقة و شموخ.. خلعت نظارتها الشمسية و أمسكتها بيدها و أثناء تعليقها لبطاقة الهوية التي أعطاها لها أحد ضباط الأمن على البوابة و توجهها للمصعد، و قبل أن تصل إليه صدمها أحدهم في كتفها فأوقعت نظاراتها و البطاقة..
لم تهتم بالنظر إليه و لكنها نزلت لكي تحضرهما و نزل معها نفس الشخص أيضاً، وضع يده على النظارة و البطاقة في نفس وقت لمسها لها...
رفع الشخص نظاراته الشمسية لكي تتقابل عيونهما في نظرة ليست بقصيرة لكن دونما حديث... أخذ النظارة و بطاقة التعريف و إستقاما معاً، أعطاها النظارة فقط قائلا بتهكم...

الشخص(يمينه تمسك البطاقة و يسراه في جيب بنطاله): حوشي اللي وقع منك.

ثم أعطاها النظارة...

ملك(و رفعت حاجبها الايسر بتعجب): أفندم؟
الشخص: نضارتك(بتهكم واضح) مش نضارتك برضه ولا لاقياها في الشارع؟
ملك(بتهكم أكبر): لا طلعتلي في البخت.
الشخص: على كدة بختك حلو بقى.. بس مش هايفضل حلو كدة كتير (ثم غير مجرى الحديث) مش عيب تبقي كبيرة كدة و توقعي حتة كارت.
ملك(و كأن من يقف أمامها هو شخص ليس ذو أي أهمية): معلش(و مدت يدها لتأخذ البطاقة) تسمح؟
الشخص: ماقولتليش الأول إنتي رايحة فين كدة؟
ملك(بحدة): و انت مالك انت؟ هات الكارت.
الشخص: مش قبل ما اعرف رايحة فين و جاية لمين هنا؟
ملك: ما قولتلك مالكش دعوة.. و هات الكارت دة احسنلك.
الشخص(بتهكم): أحسنلي؟ ده انتي واصلة بقي (ثم أكمل بتحدٍ واضح) طيب و أنا بقى مش هاحركك من هنا الا لما اعرف انتي مين و رايحة فين؟
ملك(بغيظ مكبوت): طيييب...انا بقي هاعرفك انا مين و جاية هنا لمين(عبثت بهاتفها و اتصلت بأحدهم) الو.. ايوة ياسيادة اللوا.. لا انا تحت بس في حد متخلف كدة اخد الكارت بتاعي و مش عايز يطلعني... (مدت يدها بعد برهة بالهاتف للشخص) اتفضل استلقي وعدك بقي.
الشخص: مابكلمش حد ماعرفوش انا.
ملك(بشماتة وتحدي): طاوعني بدل ماتندم.
الشخص(رفع حاجبه بتحدي): اندم كدة مرة واحدة؟ ماشي(اخذ الهاتف) الو... (بعنف) مين معايا؟
اللواء علي الهاتف: انت اللي مين؟
الشخص(تردد قليلاً خاصة بعد أن عرف هوية المتصل من صوته): ااه.. انا.. انا الرائد شهاب مهران يافندم، هي طالعة لسيادتك؟
اللواء: ايوة يا شهاب طالعالي.. و بعدين انت مالك طالعالي و لا طالعة لغيري؟ انت ازاي تمنعها؟ هي مش معاها تصريح؟
شهاب(بلجلجة): اايوة يافندم.. بس أصل...
اللواء(مقاطعا): مابسش.. اديها التصريح، و توصلها لمكتبي بنفسك... فاهم؟ بنفسك يا سيادة الرائد.
شهاب(بغيظ واضح): أوامر سعادتك يافندم.. مع السلامة.