Kyal's Mafia Husband [ BL OC // U & Z ]

Part_6 [ Unicode ]

Nicoမောင်းလာသည့်ကားသည် ခြံဝန်းကျယ်ကျယ်ထဲရှိ သုံးထပ်တိုက်ရှေ့က ခြံတံခါးနှင့်ဆက်ထားသော အသွားအလာလမ်းထက်၌ ကားရပ်နားခဲ့သည်။ သူကားပေါ်က ဆင်းဖို့ပြင်နေတုန်း ရုတ်တရက်ကြားလိုက်ရသည့် တံခါးဖွင့်သံကြောင့် Nicoတစ်ယောက် အနောက်ကို အမြန်လှည့်ကြည့်လိုက်မိသည်။

အနောက်ဘက်ရှိ ခရီးသည်ထိုင်ခုံတန်းမှ ညာဘက်တံခါးဖွင့်လိုက်သည်နှင့် Zakhar၏ခြေထောက်ရှည်ရှည်တွေက မြေပြင်ပေါ်ခြေချလာခဲ့သည်။ ပြီးတော့ သူ့Necktieကို ဖြေလျှော့ရင်း ကားအနောက်ဘက်ကနေ ပတ်သွားလိုက်သည်။ ဘယ်ဘက်တံခါးနားကိုရောက်တော့ တံခါးလက်ကိုင်ကိုဆွဲဖွင့်ပြီး ကားထဲခေါင်းငုံ့ဝင်ကာ ကားထိုင်ခုံတန်းအထက် ပက်လက်လှဲအိပ်နေတဲ့ကောင်လေးကို ဆွဲထူလိုက်၏။

ဒါကိုမြင်ပြီး ကားပေါ်ကဆင်းကာ Zakharအနားကို လျှောက်လာသောNicoမှာ လမ်းခုလပ်၌ပဲ မှောက်ရက်လဲတော့မယ့်နီးနီး ဖြစ်သွားရသည်။

" Boss ကျွန်တော်ပဲသယ်သွားလိုက်ပါ့မယ် "

မိဘမျိုးရိုးအရ ကြယ်မာန်ရောင့်အရပ်သည် မြန်မာနိုင်ငံတွင် သာမန်အားဖြင့် အရပ်မြင့်သူတွေထဲပါဝင်ပေမယ့် ပြည်ပနိုင်ငံမျိုးမှာတော့ သူ့အရပ်က ပုံမှန်အရပ်အမြင့်ပင်။ နောက်ပြီး သူ့ခန္ဓာကိုယ်က အတန်ငယ်သေးကွေးပေမယ့်လည်း ယောင်္ကျားတစ်ယောက်၏ခန္ဓာကိုယ်မို့ လေးလံသယောင်ရှိနေသေးသည်။ သို့သော် အရပ်အင်အား၊ခန္ဓာကိုယ်အင်အားရှိသော Zakharကတော့ သူ့ကိုပွေ့ရတာက ဘာမှသိပ်မအားထုတ်ရသလို လွယ်လွယ်ပွေ့ချီလိုက်နိုင်သည်။

" မလိုဘူး "

Bossအမိန့်က တစ်ခွန်းဆိုတစ်ခွန်းဖြစ်လို့ Nicoခေါင်းညိတ်ပြကာ ပါးစပ်ပိတ်နေလိုက်သည်။

" သူ့အတွက်ညအိပ်ဝတ်စုံအပြင် အခြားအဝတ်အစားအသစ်တွေပါသွားဝယ်လာခဲ့ "

" ဟုတ်ကဲ့Boss "

သူတို့စကားပြောနေစဥ် အိမ်တံခါးကို အမျိုးသမီးကြီးတစ်ယောက်က ဖွင့်ပေးလာခဲ့သည်။ ထို့နောက် Zakharက Nico၏အကြည့်အောက်တွင် ကြယ်မာန်ရောင်ကို သုံးထပ်တိုက်အတွင်း ပွေ့ချီသွားခဲ့သည်။ ကျန်ခဲ့သူ Nicoစိတ်ထဲမှာတော့ ညအိပ်ဝတ်စုံဟုကြားပြီး အမေးအာမေဍိတ်ကြီးဖြစ်ပြီး ကျန်နေခဲ့တာပင်။