ကြယ်မာန်ရောင်သည် လက်မောင်းဒဏ်ရာကြောင့် ကျောပိုးအိတ်အပြာလေးကို သူ့ကျောမှာလွယ်ပြီး အလုပ်ကနေ သူ့တိုက်ခန်းရှိရာကို စောစောပြန်ခဲ့သည်။
သူက ပြည်ပမှာနေထိုင်ပေမယ့် သူနေထိုင်တာက နိုင်ငံတစ်နိုင်ငံအတွင်းမှာမဟုတ်ဘဲ Universeအမည်တွင်သည့် မြို့တော်တစ်ခုမှာဖြစ်သည်။ ထိုမြို့တော်က နိုင်ငံတော်တော်များများနှင့် လမ်းပန်းဆက်သွယ်ရေးမျိုးစုံရှိပြီး အရင်နှစ်တွေကတည်းကတည်ထားခဲ့တဲ့ မြို့တော်ကြီးတစ်မြို့ဖြစ်သည်။
Universeမြို့တော်သည် သာမန်မြို့ကြီးတစ်မြို့ထက်သုံးဆခန့် ပိုကျယ်ဝန်းပြီး မတူညီသည့် နိုင်ငံသားအများအပြားက စုပေါင်းနေထိုင်ကြသည်။ မြို့တော်ပတ်လည်မှာ အခြားမြို့များနှင့် တောင်တန်းအချို့လည်းရှိပြီး လေကြောင်းလမ်းဖြစ်စေ ရေလမ်းဖြစ်စေ ကုန်းလမ်းဖြစ်စေ ဖြတ်သန်းသွားလာနိုင်သည်။
ကြယ်မာန်ရောင်၏တိုက်ခန်းက လေးထပ်ခန့်ရှိသည့် သာမန်အဆောင်ငယ်တစ်ခုတွင် ငှားထားတာဖြစ်ပြီး ၎င်းကို Universeမြို့တော်၏အပြင်ဘက်ရှိ ချောင်ကျသောနေရာတွင် တည်ဆောက်ထားသည်။
ထို့ကြောင့် သူ့အလုပ်ဆိုင်ရှိတဲ့နေရာနဲ့ သူ့တိုက်ခန်းကအနည်းငယ်ဝေးပေမယ့် ကြယ်မာန်ရောင်က ပိုက်ဆံအပိုမကုန်ရအောင်အတွက်ရော ကျန်းမာရေးကောင်းအောင်အတွက်ရောပါ အမြဲတမ်းလမ်းလျှောက်သာပြန်လေ့ရှိသည်။
ဒါပေမယ့် ဒီနေ့အပြန်လမ်းတွင် ကြုံတွေ့နေရသော လူများကိုကြည့်ခြင်းအားဖြင့် သူအလုပ်ရှုတ်ရပေဦးတော့မည်။ မနေ့က ဆိုင်ထဲ၌ သူသတိပေးလိုက်သည့်ဧည့်သည်သည် ဗလတောင့်တောင့်အပေါင်းအပါများကိုခေါ်ပြီး သူဆိုင်ထဲမှစထွက်ကတည်းက သူ့နောက်ကနေ တောက်လျှောက်လိုက်လာနေကြသည်။
လမ်းတစ်ဝက်ရောက်လို့ လူရှင်းနေတဲ့ကားလမ်းမကို ကြည့်သလိုနှင့် ကြယ်မာန်ရောင်က အနောက်ကို မသိမသာလှည့်ကြည့်လိုက်တော့ ထိုငါးယောက်မျှရှိသည့် လူတစ်စုက သူ့နောက်သို့ ဆက်လိုက်နေဆဲဖြစ်တာကို မြင်လိုက်ရသည်။
ကြယ်မာန်ရောင်မှာ ပြန်လှည့်၍ တစ်ယောက်တစ်ချက်စီ ဆွဲထိုးပစ်လိုက်ချင်သော်လည်း လမ်းလျှောက်နေရင်းနှင့် Jasmineရနံ့ကို ခပ်ပါးပါးလေးရလိုက်တာကြောင့် Platformပေါ်မှာပဲ ရုတ်တရက်ရပ်တန့်လိုက်ရသည်။
YOU ARE READING
Kyal's Mafia Husband [ BL OC // U & Z ]
AçãoRoyal Vic Zame Zakhar + Kyal Mann Yaung || For those who like to read novels like translations, I recommend this one. || သတိပြုရန် - Fictionအတွင်း သွေးထွက်သံယိုအခန်းများပါဝင်၏။ ထိုသို့အခန်းများ၌ သွေးထွက်သံယိုစာသားတို့ကို Ssရိုက်ပြီး ဖြန့်ဝေခြင်းကို...
![Kyal's Mafia Husband [ BL OC // U & Z ]](https://img.wattpad.com/cover/367757168-64-k591785.jpg)