Universeမြို့တော်၏ အလယ်ဗဟိုအနီးတဝိုက်တွင် အထပ်လေးဆယ်မှ အထပ်ရှစ်ဆယ်ကျော်အထိ မြင့်မားသော ခေတ်ရှေ့ပြေး အဆောက်အဦးပေါင်းများစွာက မြေနေရာအလိုက် ထည်ထည်ဝါဝါတည်ရှိနေသည်။
ထို့အပြင် မြို့တော်အတွင်းက သာမန်ဆန်သော်လည်း မြေကွက်အတန်သင့် ကျယ်ပြန့်သည့် ခြံဝန်းများထဲ၌ နှစ်ထပ်မြင့်၊ သုံးထပ်မြင့်အိမ်ရာငယ်တွေမှာ အထက်တန်းကျကျပင်။
ကားအမျိုးအစားပေါင်းစုံ ဖြတ်သန်းသွားလာနေတဲ့ Universeမြို့တော်၏ ကားလမ်းမများနှင့် Platformတို့တွင် အပူရှိန်အနည်းငယ် သက်ရောက်လေ့ရှိသည့် နေ့လည်ပိုင်းအချိန်မှာတောင် မြို့တော်က နေထိုင်သူများကြောင့် အလွန်အသက်ဝင်နေချေသည်။
ထိုအချိန် Universeမြို့တော်အတွင်းက ကြော်ငြာကုမ္ပဏီတစ်ခု၏ အလယ်ထက်ဝက်မျှ၌ အပြည့်အစုံကာရံထားတဲ့ မှန်ပြားတွေပေါ်မှာ ဧရာမလူနှစ်ယောက်အသွင်ဖြစ် အကြိမ်နည်းနည်း မြင်ကွင်းပြောင်းလဲသွား၏။
အဲဒါက လျှပ်စစ်ဖန်သားပြင်ကျယ်ဖြစ်ပြီး မီဒီယာသတင်းဋ္ဌာနမှ live streamစတင်ကာ သတင်းကြေငြာနေတာဖြစ်သည်။ ဖန်သားပြင်ကျယ်ထဲက အဖြူရောင်အတိဖုံးနေတဲ့အခန်းထဲမှာ အသက်လတ်ပိုင်း အမျိုးသမီးတစ်ယောက်နှင့် အမျိုးသားတစ်ယောက်က လှည့်ထိုင်ခုံများတွင် ထိုင်နေကြ၏။
သူတို့လက်တစ်ဖက်တစ်ချက်စီမှာ ဘောပင်တစ်ချောင်းနှင့် စုချိတ်ထားသည့် စာရွက်အချို့ကို ကိုင်ထားကြပြီး သူတို့နောက်မှာလည်း နောက်ထပ်Tvဖန်သားပြင်တစ်ခု ရှိနေခဲ့သေးသည်။
တစ်ဖက်က ကြော်ငြာကုမ္ပဏီအဆောက်အဦး၏ လျှပ်စစ်ဖန်သားပြင်ကျယ်က Qualityမြင့်မားတာကြောင့် မူရင်းရုပ်ထွက်က တကယ့်ကို အရည်အသွေးကောင်းကောင်းဖြင့် ပေါ်ထွက်နေခဲ့၏။
" နောက်ထပ်သတင်းက ထိပ်သီးသတင်းတစ်ခုဖြစ်ပါတယ်ရှင်၊ အဲဒီသတင်းကိုတော့ Mr.Liamက တင်ဆက်ပြောပြပေးပါလိမ့်မယ် "
" ကျေးဇူးပါMs.Nalani၊ သတင်းကြည့်ရှုသူတို့ခင်ဗျာ ဒီသတင်းက Universeမြို့တော်က သတင်းဖြစ်ပါတယ်၊ ဒီလထဲမှာဆိုရင် Universeမြို့တော်မှာ ခမ်းနားတဲ့ပါတီပွဲတစ်ခု ကျင်းပမယ်လို့သိရပါတယ် "
YOU ARE READING
Kyal's Mafia Husband [ BL OC // U & Z ]
AcciónRoyal Vic Zame Zakhar + Kyal Mann Yaung || For those who like to read novels like translations, I recommend this one. || သတိပြုရန် - Fictionအတွင်း သွေးထွက်သံယိုအခန်းများပါဝင်၏။ ထိုသို့အခန်းများ၌ သွေးထွက်သံယိုစာသားတို့ကို Ssရိုက်ပြီး ဖြန့်ဝေခြင်းကို...
![Kyal's Mafia Husband [ BL OC // U & Z ]](https://img.wattpad.com/cover/367757168-64-k591785.jpg)