القرين والسحر الأسود

بارت ١١..القرين يقتل حسام وتورط نازك بلجريمة

لاتنسو ان تتركو أثر لقراءتكم
شكرا لكم

كمت حتى اشوف شنو يصير بلمطبخ واسحل برجلية من الخوف احس المطبخ صار كلش بعيد

اول مادخلت شفت حسام واكع على وجهه والسجين مغروسة بنص ظهره والدم
ركضت اباوع عليه واصيح حسام تسمعني حسام
ركضت على موبايلي خابرت حماي
آلو عباس حسام نطعن بلسجين

اجا حماي عباس ودخل ويا أصدقائه وياهم الإسعاف
شالو حسام وراحو وانا رحت ويا عباس بسيارته
وصلنا للمستشفى دخلو للطوارئ
اجا الدكتور كال بسرعه للعمليات العمود الفقري متأذي السجين بنص الفقرات
مابقى ٥دقايق بسرعه للعمليات
بقيت بس ابجي نسيت كلشي سواه وياي
كعدت على الكراسي اجا عباس
فهميني شنو الصار
مااعرف انا جنت نايمه بلصاله وركضت للمطبخ لكيت هذا وضعه ومن يكعد تكدر تسأله
..شلون يعني هذا وضعه
بعده عباس يحجي ويصيح عليه
اجتي الشرطة وياهم ضابط ومنا بدت الجريمه والهوسة
قدمو الأسئلة وكتلهم كلشي
همه بقو يضحكون ممصدكين
الضابط كال

هو اكو واحد يسوي جريمه ويكول انا قتلت اكيد ينكر هههه
ومنا الشرطة ومنا اهل زوجي وصلو واسمع عمتي
لج حقيرة لج تقتلين أبني الله لايوفقج لادنيا ولا اخره
لعبت لعب بلكلام مالتها

بقيت بس ابجي اريد واحد يفزعلي ماكو متت من القهر
كلش تأذيت
واسمع عباس يمه اسكتي مو وقتها احنا بلمستشفى خلي يتأكدون ونوب احجي
لايمة لا هي هاي النذلة عدها صويحب متشوفها طاردة اخوك اربعه وعشرين ساعه مشاكل
سياده الضابط هي قتلت أبني دائما مشاكل وابني صار
شهر مايدخل لبيته وساعة السودة الراح بيها للبيت

الله لايوفقج

انا ماحجيت ولاحجاية انكسرت بقيت بمكاني
الشرطة مستهزئين بيه وحسام بلعمليات وعمتي وبناتها وكلهم يباوعولي بأنتقام
سكتت مااعرف حسام راح يعيش او لا مااعرف البصمات على السجين راح تطلع اليه لو لا
لان هي سجينتي مالت البيت اكيد بيها بصماتي
وبقيت اكل بروحي

طلع الدكتور سلم السجين للضابط أمرهم يأخذوها حتى يعرفون البصمات المن
وأمر ياخذوني للمركز

..اجو خلو القيود بأدية واخذوني وياهم كمجرمة
بوقتها يالله يالله شنو كمية الألم الي حملتها
شلت نص عمري شلون كدرت امشي حسيت كلشي كبالي سووواد ميته من الجوع مدمرة وجنت بلمقبرة
مالحكت ارتاح تعب بتعب بقيت كوه اتنفس
واحنا باب المستشفى نريد نطلع وكعت بعد ماعرفت شنو صار.

........مااخفي عليكم احتاجيت قرين
من شفت كلها ضدي تمنيت يجي ويشيلني منهم وياخذني وتمنيت بنفس الوقت لو هو ماموجود مصار الي صار ...
كعدت لكيت نفسي بغرفة المستشفى
واسمع الممرضات يسولفن ..يمعوده يكلج زوجها بعد مااكدر يمشي
والثانية تجاوبها
ايي يختي لعد بعموده الفقري جابتها اله شلون يمشي بعد