القرين والسحر الأسود

مواجهة نازك للقرين

أعتقد عرف شي جبير

وصلنا للعقد ونزلنا انا ومرتضى ولازمه ايده ونمشي وهو يسلم على الناس اليعرفونة ونمشي بطريقنا للطبلة  الي مقابيل طبلة العقد وكعدنا

مرتضى... نازك لاتضعفين ابد

وفعلا....
صار التصفيك واختلفت الأجواء إلى ركص وموسيقى لحد مااجا هو والدكتورة مالته كعدو على الطبلة

وبده الشيخ يحجي حتى يكملون العقد
وهنا..
تقربت من الطبلة وانا لابسة الفستان ومكياج وكفت اكباله الطبله تمامآ

وحجيت ويا الشهود...
بلل زحمه ممكن انا اشهد على زواج رأفت اذا ممكن
طبعا اذا الشيخ يسمح

وهنا وكف رأفت
وكال اكيد تكدرين

نازك.......وليش مااكدر ..مو صعبة عليه

وهنااا...
كعدت بمكان الشاهد حتى اشهد على زواجه وهو يباوع عليه وعلى مرتضى فتح عيونه كلش

بعدها بده الشيخ يحجي واباوع عليه عيوني غوركت واختنك مثل المجبور على هذا الزواج
والدكتورة عصبت ولزمت ايده حييل وعصرتة
ماكانت هادئة ابدا كان بعدها تشعل المكان ناررر
والي مصبرها على وجودي
زواجها من رأفت وبدو ثنينهم كوه يسحبون النفس

....وبس سالها الشيخ وافقت
وطلبت من الشيخ مايكرر السؤال عليها
والناس بقو واحد يباوع على الثاني وشي يضحك لأن حجت هيج

وبعدها سأل رأفت
اذا موافق على الزواج ...دار وجهه عليه وكعت دمعتة
وهي أول ماشفته  هيج عصرت ايده مره ثانيه وكلتله
رأفت جاوب الشيخ ..

حسيته محصور بزاوية النعم وبنفس الوقت مجبور
والقرين ماينجبر على شي الا اذا يخصني
وهنااا
التفت على الشيخ حتى يطلع حجايته
وكفت انا مقابل الشيخ
وكتلة ...انا اعارض هذا الزواج

سألني الشيخ

ليش بنتي انتي منوو حتى تعارضيني

وبعدني مامجاوبة الشيخ

القرين .......كال ..انا موافق شيخنا انطينه أوقع

واول مابدة الشيخ حتى يباركلهم

كمت من مكاني ورحت أركض لبرااا ومرتضى يركض ورااي حتى يلحك عليه

وصلت يم الباب حتى اطلع سحبني مرتضى

اوكفي نازك انسحابج بهاي الطريقة غلط انتي بينتي ضعفج الهم...انتي ماشفتي شلون جان مجبور انا متأكد اكو شي ولازم نعرفة سوة

نازك.....ماكو شي يخلي القرين ينجبر على الزواج من غيري مرتضى انت ماتعرف هو شكد يحبني مستحيل يتخلى عني

خلاني بمستشفى المجانين وهسه تزوج عليه شنوو ممكن يخلي ينجبر على الزواج ...غير سمعتة حتى ياخذ جاه ونسب ..باجر أطفاله يكولون امنا دكتورة مو مجنونه ومسحورة...