القرين والسحر الأسود

بارت 9 ..خروج نازك من المقبرة واختفاء السحر الأسود.وعودة قرين لها

ضروري مانفكر بالأشياء السيئة ونبدي نمي افكرنا
بأيجابية أكثر لو مهما واجهنا فكرو بلإيجابي قبل السلبي
استبدلو افكار السلبية بأيجابية مع الاعتقاد بها من صميم
العاقل الباطن

بسم الله

نازك ...شلون متقبلة نفسي بدون ذكر الله ليش بعد العانيته وشفتة وانا مااجاي احجي شي بسم الله بسم الله اللهم صل على محمد وآل محمد اللهم صل على محمد وآل محمد
بقيت أردد بهاي الكلمات وكلما أردد يتحرك شي بجسمي
ايدي بعدين رجلي وشويه شوية كدرت اتحرك اباوع ماكو ولا اي جن ولا اكو صوت ولاشكل
طلعت وانا اقره واكول أعوذ بلله من الشيطان الرجيم
واركض
طلعت من السرداب اباوع للسما بيضة وصافية منظرها يخبل جانت الدنيا نهار وصوت قران وشمس واسمع اصوات ناس جاية تزور قبورهم

يالله يالله شكد ارتاحيت وبقيت اقره قرآن وامشي
واباوع ماكو صورة للجن ولاشي واحد منهم

كانت سيطرة الشياطين عليه قوية استغلوا ضعفي
فعلا كنت اشوف أشكالهم المقرفة

وصلت للشارع العام اأجر تكسي
باوعلي كتله خوية بيها مجال توصل
بعدني مامكملة كلامي هذا داس سرعة ومبين اخترع مني
كلت شبي هذا اباوع على نفسي عباره عن قطعة من التراب وجهي ملابسي ادية عبارة عن وحش
أشرت لأبو الستوة وكفلي ماخاف مني
صعدني ويا ويباوع عليه بس ابد موخايف
كل شوية يبتسم وباوع مره ثانيه هم ابتسم اكثر
سألتة
خوية بيك شي
ساكت ميجاوب دور خفت منا هم بديت اقره الحمد واستغفر بس اريد اوصل لبيتي
وانا قريبة على البيت باوعت لأبو الستوتة وجهه اختلف
دخيلك ياعلي
وسكتت بقيت اقره ايات
مونفسة ابد مونفس الشخص هذا ابيض هذا وجهه محترك من الشمس
يمه شيوصلني لبيتي
قريب لأبو المخضر كتله يمك وكف الرجال
اخذت فلوس من الولد واعطيته وشكرته

رحت عبرت الشارع وفتحت الباب ودخلت سمعت القران مشتغل
دخلت للصالة كلشي نظيف وهدوء سمعت صوت بالغرفة
رفعت رأسي وكلت دخيلك يااباعبداللة
نازك
حسام

معقولة لا مااصدك انت وين جنتي
شبيك وين جنت طلعت شوية ورجعت
انت تحجين صدك لج صار أسبوع مفقودة ماخليت مكان مادورت بي لا انا لااهلج وين جنتي احجيلي
وشنو هذا المنظر الي انتي بي

عادي جنت عايشة بلمقبرة ماواضح عليه
بعدين انت منو سمحلك تدخل بيتي تفضل اطلع

حسام ..لا انتي مو صاحية بلمقبرة شنو اطلع من بيتي شنو
نازك
من وراك ومن وره تصرفاتك قررت اعيش بلمقبرة
وهسه رجعت

..درت وجهي على المراية شفت شكل غير شكلي
نفس شكل الولد الحلو مالت ابو الستوتة
آآآآآآه

شكو شبيج
لج شبيج
منو انا ..انا منو هذا شكلي لا موشكلي
رجعت باوعت على المراية
هم صرخت لالا منو هذا هذا الشكل منو
حسام
لج فهميني شبيج

وجهي مو وجهي
شنو وجهي مو وجهي غير
ا كله تراب اغسلي اكيد مووجهج غسلت وجهي وهم رجعت باوعت وضليت اكبال المراية
حسام تعال بسرعه شوف وياي بالمراية
اجا وباوع شكو شنو شكو هذا مو وجههي باوعت من اجا حسام رجع وجهي نفسة

لا انتي مو صاحية جنتي بلمقبره وتصرخين ومو وجهي لج بابا باجر اروح اطلكج انا مااعيش ويا وحده مخبلة
طلع وضرب الباب

كعدت على القنفة صفنت شوية اخذت نفس اباوع على البيت هدوء تذكرت قرين اخر مره عافني وبعد مااعرف وين راح حسيت اشتاقيتله بس هو يفهمني ويعرفلي نترسن عيوني دموع

شنو جاي يصير وياي ليش هيج

خلي بالج أحبج
قرييييييين ...

وينك انت وين رحت ليش عفتني تعرف شنو عشت وشنو صار وياي
احجي
يمج نازك يمج وانا وصلتج للبيت وانا الي قبل شويه شفتي بالمراية
شجاي تكول
بس يطلكج حسام راح اتزوجج
وراح ارجع بشر طبيعي واعيش وياج
واعوضج عن كل الي عشتي
وين جنت
..انا كتلج لاتصرخين
حذرتج وانت صرختي كتلج الجن اذا واحد يخاف منهم يستولون عليه وكتلج انا عمل صالح مو شيطاني تلبست بيج وسويتج جثة حتى ميأذوج
بعدها انتي تمسكتي بالقرآن وكدرتي تحررين نفسج مني ومنهم
ولو باقيه للصبح اطلع منج ونطلع سويه من المقبرة

نازك..قرين
ماعرف شلون اتخلص من هذا العذاب
حتى السحر ضاع مني
انت اختفيت متت خوف تغرف شلون يعني
أحبج حتى وانتي خايفة بكل حالاتج
وانا يمج
ياريت لو تطلع من حياتي
قبل شوية تمنيتي ارجع
اي صح بس هسه مااريدك كافي يلا اطلع روح

مستحيل نازك خليها بالج
مستحيل انا القماش الأسود كله
هو ودمة وفستانج وعطرج انا السحر الأسود كلة
الي شفتي وحتى لو طلعت من حياتج
راح ارجع عمل شيطاني يداهم روحج كل شويه ممكن تتخيليني بكل مكان ويخبلج

وراح ااذيج وانا مو بيدي راح ااذيج ماراح اكون عمل صالح

نازك..مستحيل تأذيني
بس
انا هسه يمج ومراح ااذيج
ومشتاقلج انا مشتاقلج نازك تعالي بحضني

....مااكدر اخاف منك وتعبانه وأريد اسبح وكارهه كلشي وأريد بس ارجع انسان طبيعي ماريد شي منك
ودخلت للحمام وطبكت الباب
بعد ماكملت وطلعت من الحمام
انا مرتاحة واحس اخذت نفس رحت للثلاجة فتحتها اريد اااكل
سمعت صوت شخص يون اااه اااه
غلست كلت هذا قرين يريد يشوفني او يريد اجي يمه
والصوت صار أعلى
ااه ااه ااه
باوعت على باب الغرفة بده ينفتح وحده
بقيت متحنطه بمكاني
وكامشة الجبن بأيدي

قرين فدوه اذا انت لاتخوفني تمام اجي بس خلي ااكل اهون عليك ابقى جوعانه
راح الصوت ونسد باب الغرفة
رجعت الجبن للثلاجة
ورحت امشي شويه شويه للغرفة
خفت ماكدرت ااكل
فتحت الباب على كيف شويه شويه واباوع ماكو شي
لحد ماكملت فتح الباب واباوع على الكاع
وشفت المصيبة
وهنا بديت اصرخ واصرخ واحاول اصرخ ومايطلع صوتي من الخوف والصدمه الي شفتها...