فتحت عيوني
اباوع قرين فوك راسي
انا حلمانه موو مثل كل مرة صح
او افكاري متراكمة او يمكن
..اشششش نازك اشش خلاص تردين قرين اصير قرين
...تردين شخص اصيرلج شخص
...تردين اموت اعيش اقتل روحي احبج افديتج بعمري
شنو تردين اقسم بالله اسوي بس اسمعيني
لاتخليني متعلك
خليني يمج وخليج اليه شنو يعجبج نسوي
نسافر
نركض .نلعب نركص نموت انتي كلشي انتي
...
اباوع بعيونة دمار جانن عيونة دمار
...
شكد حبيت حسام وعفت اهلي وناسي وعاندتهم
وكتلهم هذا مااريد غيرة وكفت بوجه الكل
ماخليت لااخضر ولايابس
لاقران ولا زيارة ماكو شي يعتب علية
٣اشهر لااكل ولاانام ودموعي على خدي
علمود اتزوجه
...افكر بي ..ومن تزوجتة تعلقت بي لااروح لأهلي
لااتواصل ويا اخوتي
صار حسام كلشي كلش هو ...
...
تخيل اربع سنوات تجيني فرصة بكل سنة اتعين
واداوم وبكل مرة يكلي الخاطري لاتتعيينين
لاتشتغلين
..جان يكلي
..انا شنو تردين اجيبلج شنو تحبين اسويلج
بس اخاف عليج من الزلم ماريد واحد يحتك بيج وانا اصدك جنت اصدك وفرحانه يغار عليه ههه
....لك قررررين تعرف شنو يعني اغار عليج من الزلم
تالي يتأمر وياك ويدخلك عليه وتخليني بحضنك
وانا على ذمتة
على ان انت جن عجيب انا خطية انا هسه مو مكسورة
ولامظلومة
انا هسه أحقر من اي مخلوك بهلدنيا
......اش نازك اش لاتكولين .....
انت لاتحجي لك لاتحجي
تعرف انا شنو جنت اسوي من يلتحق للدوام مالته
ادرس طلاب واول مااخذ الشهرية مالتي
اروح اشتري بيهن غراض اله
مواعين جديده اخليله اكل بيهن اجدد اله
اشتري جراجف ارتبله سريره واعطرة
ماجنت البس ملابس جديده استحي اطلب منا
كل همي اغيرلة واسويله الاجواء الي يحبها
لك يوم من الايام اجرت بدلت عرس واشتريت كيكه
وفاجأته بس حتى اشوف ابتسامتة
واكول الالتحاق صعب و١٤ يوم يخليني وحدي بلبيت
محد من عيالي يدك الباب يكلي شنو محتاجة
١٤ يوووم وانا تبات وحدي واكل وحدي وانام وحدي
ماقصرت بيوم ويا ..دائما تقصيري على نفسي
ثقيت بي سلمته كلشي عندي وبروحي
تالي الكه عنده شقة يروح الها بحجه اجت لجنة
واكو لجنة تفتيش ومخلصه عليه كذب بكذب
والمصيبة الكبيرة تعرف شنو ..ينام وياهن ويجي ينام وياي لحد ماالتهب كلشي بيه وشهر كامل مااكدر امشي
بس علاجات وابر
واخر شي الكارثة الأكبر
الكا يتعامل ويا الشباب ويروحلهم وهم بحجه لجنة تفتيش وتعرفين انا ضابط واستخبارات لازم أول شخص اهناك
لالا وبعد شغله احلى اتفاجأ بيها هو اصلا ميلتحق
ينطي مبلغ كل شهر وهيج ماشية الأمور
كل هذا اكتشفتة بليلة سودة بليلة مابيها انسانية ولارحمه برساله من وحده من حبيباته وبعدها تخبلت منا وطردتة
وبعدها اجيت انت استلمت المنصب ههههه والله خوش
أنت تقرأ
القرين والسحر الأسود
Misterio / Suspensoقصة تحكي مابين الخير والشر كيف على الأنسان ان يسيطر على افكارة في لحظات الألم تحكي القصة عن القرين وحبه الكبير لشخصية عانت من الألم حتى يكدر يحتويها يحارب البشر ويحولها إلى قرين خاص بي...طبعا من خلال الاستيلاء على عقلها وافكارة وبين شخصية القصة...
