القرين والسحر الأسود

●بارت 16●أحتويني كي أعيش

فتح باب السيارة حتى نكمز ثنينه حضني وسحبني
دار الاستيرن على الرصيف وكمزنا
ثنينه
هو وكع وانا بحضنة مااعرف شلون امثللكم المشهد او شلون اوصفة بس بقت رجليه بلسيارة

لمن سحبني كنت ثقيله عليه خصوصا بهيج موقف ماعرف عليمن يركز
كمز من السيارة وهو حاضني
وكعنا ثنينا بلكاع بنفس اللحظه الي وكعنا بيها بلكاع
نسحبت من بين ادية
سحبتني السيارة بقى رأسي ينضرب بلرصيف وخليت ادية على راسي واصيح ياعلي ادركني يااعلي ياعلي
تفلشت......
كل جسمي تفلش
.. والباب مالت السيارة يدك برجليه موتني
.. انتهيت ورجلية احرك بيهن بس اريد اخلص روحي ...
.مكدرت
...[..كل هذا صار بخمس دقايق تقريبا مو هواي
كل هلشي بهلخمس دقايق.......]

بس انتهيت تكسرت ورم راسي واديه كدرت احمي بس وجهي لحد ماطلعت رجلية ونشمرت ويا السيارة هي وكعت من فوك الشارع على التراب تفتر وانا وكعت منها
يعني لمجرد لو واكعه عليه وهي تفتر خلااص اموت وكعت على الكاع وماااعرف وين
بس اباوع بعيوني واردد ياعلي ياعلي ادركني
اتذكر باوعت للسما جان هوى عالي وألم برأسي قوي من الصدمات اخر سي كلت يااعلي وغفيت
ماعرفت شي بعد
...
.............. القرين.....
وكعت من السيارة وانا حاضن نازك وكعنا سوه هي وكعت على صدري ونسحبت مني اخذتها السيارة تأذيت نكسر ظهري من الوكعة ردت بس اكوم أركض وراها حتى انقذها بصعوبة تحركت تأذيت بوقتها جانت كلش قوية الوكعة
.....بقيت امشي ادور على السياره بعدها أشرت على تكسي وكفتلي صعدت ويا وسولفتلة على كلشي صار..
...
الولد ماقصر بده يدور وياي اخذت الموبايل مالته خابرت الشرطه وبلغت على الحادث وخطورة حياة نازك
اجت الشرطة والاسعاف وكل هذا ندور على السيارة
مااعرف بأي جهه وكعت او لوين وصلت
لحد ماوصلنا للشارع العام الجبير الي بي نزلات ترابية
وبده البحث بهاي الأماكن وانا اكل بنفسي بس اريد الكه نازك ..اجا الضابط
كلي اذا لكيناها فراح تكون ميته اريدك تتقبل هلشي من هسه ومو كل شويه تكوم وانت هذا وضعك ارضى بحكم ربك وراح من يمي

.. أمر السيارات ترجع ادور من جديد لان مامعقولة سيارة توصل لهنا
لاسيدي نازك اهنا انا متأكد اهنا خلي ننزل ندور بها الأماكن فدوة
أبني اعرف ضرفك صعب حقك بس مااكدر اضحي بلدوريات وانزلهم لازم قوات خاصة هذا ترابي مو لعبة
اي واحد يوكع منا ينتهي خلاص
بس هاي روح
أبني
والروح احتمال ميته
لاسيدي
واحتمال عايشة نازك مستحيل تموت
واجيت اباوع واباوع وكلهم انسحبوا..وهنا شفت دم يابس على الزرعة كعدت بلكاع باوعت اي والله هذا دم
صحت بصوت عالي هذاااا دم اجو يركضون سيدي هذا دم
اي ممكن يكون حيوان
لالا سيدي نازك هذا دم نازك
وكلهم صافنين علية حسبالهم تخبلت
سيدي شدو علية الحبل فدوه وانا انزل ادورها الله يخليكم ساعدوني اعتبروني مخبل ماعدي عقل

.....
.
واهنا اقتنع الضابط وشدوني بلحبل ونزلت شويه شويه بعدني بلبداية ولكيت حذاءها
صحت هذا حذاءها
متأكد ...اي اكيد متأكد نازك جوه..
.....
بسرعه الضابط باوع عليه وأمر ينزلون ثنين وياي
نزلنا شويه شويه لحد ماشفتها
نازك هااااي نازززك
عباره عن قطعه دم نازك كانت قطعة من الدم رأسها جسمها وصاير لونها ازرك اخذوها وياي صعدوها استلموها الإسعاف للمستشفى صعدت وياها
خلولها اوكسجين وبدو يسولها تنفس بس مكدرو يلمسون صدرها جان مكسر والدم
وصلت للمستشفى نازك عبارة عن جثة
دخلوها كعدت بلباب
فحصها الدكتور
طلع كال هاي البنيه ميته دزو على اقربائها يستلمون جثتها
ياللللله ياللله
شلون ماتت وعافتني نازك كالت تبقى وياي اي احنا ردنا نكمل سوه
رحت يمها ابوس بأديها نازك انت تسمعيني موو
واسولف وياها
واذا بلحقير حسام فوك رأسي اذا ممكن اريد استلم الجثة
بصفتك منو تستلمها
مو بهذا الوقت رأفت نازك الله يرحمها لازم هسه ندفنها وبعدها نكدر نحجي ونتعارك احنا هسه بمصاب

اخذو الجثة سلموها لحسام على السدية كلشي بيها ازرك والدم ناشف عليها
أخذها حسام وانا اباوع عليها ونفسي بيها
وامشي وراها واعاتبها بقلبي ذبلان وميت
شلت رأسي
..باوعت شفت حسام وكف على صفحة وطلع مبلغ جبير من جيبة وسلمه للدكتور وضرب على كتفة ويبتسم
اشو هذولة يضحكون
باوعت على نازك باوعت على الدكتور وحسام
لا يالله اكو مؤامرة

اصلا الدكتور ماسوه شي دخل عليها وطلع كال هاي متوفية
والاسعاف لكو عدها نفس
ركضت عليه وخرت الجرجف خليت اذني على خشمها وحلكها
نازك تتنفس دكتور نااازك تتنفس
اجت دكتورة
كالت أبني هاي جثة
دكتورة فدوه ساعديها جاي تتنفس
أبني هذا مو نفس هاي تنهيدات الجسم الميت من تطلع روحه مثل اليبقى عايش وكانت تحجي
وبقيت أصيح يااااعلم ياناااس هاي مو جثة جاااي تتنفس
والله نازك عايشة
اجا ممرض شريف شلون ولد يركض سحب السديه بيها ونقلها للانعاش ويا كم بنيه ممرضين ركضت بيها
شكلو الاجهزة وسولها تنفس
استغل الجهاز بنبضات قلبها يالللله يالله
الحمدالله وكلهم تعجبو
وطلعو من الغرفة تشكرتهم
اجاني الممرض كال لاتخاف اخي هسه اتصل على الدكتور مالته المشرف علينه يجي يشوفها الك
وفعلا اجا الدكتور ودخل حولها للعمليات وطلب ابطاله دم
جانت أخطر مرحلة ممكن تمر عليه بحياتي كلها
والحقير حسام ببداية يسحب بلسدية يكول ميته راد يدفنها وهي وعايشة هو وهذاك الدكتور الحقير

...دخلت نازك للعمليات خيطولها الجروح وخلولها دم .وبقت ٦ ساعات بلعمليات
وهنا مابقت ايه قرانية ماقريتها
بقيت بس اقره وادعي اللهي تساعدها
طلع الدكتور ..من العمليات

بشر دكتور شنو صار
هي بخير الحمدلله كلشي تمام بس الدم ماجاي يوصل للدماغ يعني مجرد مانشيل الاجهزه تتوفة
قلبها حاليا مربوط بلأجهزه مابيها شي
خلال اربع وعشرين ساعه اذا ماصحت تعذرنة بعد لازم نشيل الأجهزه
يعني ماكو امل دكتور
أبني الأمل يم الله البنيه متعرضة لأبشع حادث ضربات قوية براسها ونازفه هواي
ماكو امل بس نكول يالله

وبقت نازك وخلصت ال٢٤ساعه وانا كاعد يمها بس اقره قرآن وابجي عليها اكلني الندم على كلشي سويتها بيها
خصوصا ايام المقبرة وهسه راح تروح مني وادفنها بأيدي وتصير هي القرين
وتعيش وياي
واصير مهوس بيها أضل اشوفها تجيني على هيئة قرين
..واهنا اجا الدكتور
لازم تسمحلنا
البنيه متوفية صار ٢٥ ساعه ماردنا نظلمك لازم نرفع الأجهزه ..

تقبل أبني كلنا على هذا الحال صدكني سوينا
الي بدينا وأكثر وهذوله اخوتك الممرضين يشهدون
بس مقسوم الها تموت هذا قدرها

.....تسمحلي بخمس دقايق دكتور اضافيات وبعدها رفعو الاجهزة
تفضل من حقك
يلا ولدي خلو وياها الله يكون بعونه

تقربت منها
نازك انت متي مو
عفتيني ..صرتي جثة نازك تجيني على شكل قرين مو
لاتعوفيني صيري قريني
شوفي خلي نتفق انا وياج قبل لاتروحين صيري هسه قريني
وبعدين روحي
راح اكلج يابعد حيلي
نازك والله راح اكلج ياعيني وماي عيوني
نازك ردي عليه انا قرين
لج نازك جاوبيني فدوه فدوه جاوبني

وهنا وانا اسولف وياها وابجي
اجا الممرض رفعني من يمها ودخل الدكتور والممرضات
حتى يرفعون الاجهزة وينتهي كلشي..
ياترى راح تموت نازك لوتنطي امل للدكتور مايشيل الاجهزة
راح تصير قرين لو راح تختار تبقى بشر وتكمل ويا رأفت

لاتنسو أجمل مافيكم هو الأثر لاتنسو تعلقون حتى أكدر انزل بعد بارت
شكرا الكم
... يتبع.......

...

.