القرين والسحر الأسود

#بارت 3 صدمة نازك بأفعال القرين والخوف

رجعت لغرفتي باوعت على رجلية بين كل أصبع جرح وجواريبي ماكو
انا اتذكر نمت بيهم لان كلش تعبت واليذكرني أكثر كانت رطبة مبللة تعازجت انزعهم شلون
نزعتهم ومنين اجت هاي الجروح
بعدها كلت يمكن من كسرت المواعين
قررت اروح اسبح وتجاهلت الموضوع ماكنت بحالة تسمح أدقق على اي شي تعبانة ومنهارة
ولوحدي باقية ...
اخذت ملابسي ودخلت جو الماي الحار وغمضت عيوني جو الماي واحس كلش ارتاحيت ....
سمعت صوت
اطلعي لاتتمرضين...
فتحت عيني ماكو احد هم رجعت احجي ويا نفسي اخاف اتخيل من التعب كلت بسم الله
وأردد بسم الله بسم الله
كملت وطلعت
وهم سمعت صوت اجي يمج حتى ترتاحين
اذا تردين اجي يمج ...احجيلي تردين أجي يمج تخبلت ماعرفت شنو اسوي اجت بالي فكرة
يمكن هذا حسام هو الي بده يطلع اصوات حتى اخاف وبس يرجع ارجعة للبيت لأن
مامعقولة اكو صوت بدون شخص ماتدخل العقل وحتى لو البيت مسكون او اكو شي ثاني
مايحجي بصوت هادىء وبحب ضليت افكر شنو ممكن هلشي بعدها قررت انظف البيت وبديت ارفع بالأشياء المكسرة واعدل بلأثاث فجأة شفت دم ولونه كلش قوي ويلمع تقربت يمه شفته جديد يعني لشخص ستوة مجروح
باوعت لنفسي ماكو مو من عندي هلدم واني وحدي بلبيت كلش تأذيت وخفت ركضت على التلفون وخابرت جوارينة أم أحمد حتى تجي يمي لأن الي ديصير خوفني رن الموبايل وكالت الو
كتلها فدوه أم أحمد تعالي يمي شوية مشتاقتلج ومنها احجي وياج بموضوع
انتظرتها تجاوبني ماكو صوت صحت الو الو
أم أحمد نزلت الموبايل باوعت لكيتة بي دم
وايدي عليها دم ذبيت الموبايل ومن الضربة انكسر ورحت اغسل بأيدي واصيح يالله يالله اللهم صل على محمد اللهم ابعد عني كل شر
يارب بسم بسم الله بقيت اردد بكلمات كلها يم رب العالمين راح الدم بس ماكو اي جرح رجعت باوعت للأرضية ماكو دم رحت كعدت على القنفة وبقيت ابجي شنو جاي يصير وياي معقولة من التعب ااالنفسي بقيت أتخيل وابجي فجأة حسيت بأنفاس يمي و صوت بكاء  كان خفيف بقيت جامده بمكاني وندك الباب
اول ما انضرب الباب فزيت وحسيت نبضات قلبي زادن واختفى الشخص وركضت للباب سألت منو ..طلع حسام زوجي
فتحت الباب واول ماشفته كان جسمه يصب دم وجاي متأذي ومخنوك ويكلي لحكيني من شفته اخترعت دخلت للبيت وحاولت افهم منا شنو الي صاير...
حسام...اول ماطلعت منج كلشي تمام وره نص ساعه تقريبا صار وياي حادث ونكبلت السيارة بية بس الغريب ان انا شلون طلعت عايش الكل جان متعجب ومجرد هاي الجروح
نازك ...طلبت منا يكوم يغسل وجنت ابد ماراضية عليه ولامهتمه اله ولمن كام حتى يغسل الدم واهنا كانت المصيبة.
..