وكع الدم مالته بنفس المكان وبنفس الكمية الي شفتها
كأنما اجا شخص خله الدم ومسحه ورجع خله الدم بنفس المكان
.... مااعرف شنو صار بية بقيت ساكتة انتظره يكمل
رحت لغرفتي اجيبلة ملابس
حتى يخلص ويطلع مااريد اشوفة
... رحتلة لمن صحت عليه ليش اتأخرت يلا اطلع من الحمام ماجان موجود ..حسام حسام فضها يلا اطلع
حسام مو جاي احجي وياك ..معقولة وكع
رحت فتحت الباب ماكو اي حسام بلموضوع ضليت اصرخ وبكل قوى بس ماجان يطلع الصوت بس جنت اكول الله لايوفقك على هاي سوالفك انت تريد تخوفني وتعذبني حتى اعوفلك البيت وانت وهذيج موو اطلع وين رحت...
سمعت صوت ..موكتلج اجي يمج ترتاحين
حسيت مثل اكو ايد على خصري التفت ماكو احد بعدين سحبني لحضنه احس بشخص واكف كبالي وعادي بس ماينشاف ضلت انفاسي تصعد وتنزل وصرت مثل الثلج وجمدت بمكاني
...القرين ..لاتخافين ابد لاتخافين انا انتقمتلج من حسام لمن شفتج تبجين كلبت بي السيارة
وانا يمج خليج بحضني وقريبة على انفاسي اريد أبقى اتنفسج انا مااذيج اهدئي انا يمج انا يمج وهنا انا وكعت ..
الصوت جان قوي وكل شوية بمكان
ولااعرف ماكمت اركز اذا فعلا اكو شخص لو بس مجرد صوت
القرين ..خليج يمي وبحضني سلمي نفسج اليه تقربي
نازك ...ماجنت اشوف شكلة بس احس انفاسة بدت تأكل كلشي بوجهي تخيلو انتم بحضن شخص وتسمعون صوته وماتشوفونة
القرين ..سدي عيونج وخليج يمي
بعدها بده بصوته يحجي وياي انا يمج ووجهي اكبال وجهج وجاي اتلمس كلشي بيج وانفاسج
حسيت بروحي لازم ادفعه عني
دفعته انت منو وشجاي تسوي فدوه ليش هيج بس صوتك موجود
شنو جاي يصير وياي راح اتخبل وين وديت حسام
وبقيت اصيح اطلع من يمي وهو باقي وعادي واحجي انا مااعوفج
ردت اتحرك ماحسيت برجلية حسيت بشلل مااكدر اتحرك
ضليت اصيح بسم بسم الله أعوذ بلله من شر ماخلق بسم بسم بسم الله بسم الله اول ماسمع انا بديت اكول هذا الكلام......
لمن كملت لكيت نفسي وحدي واكدر احرك جسمي ورجلية طبيعيات راح بدون ميكول شي حسيت بهدوء قوي رحت للصالة ماكو شي يمي صوت انفاس ماكو هدوء كلت معقولة راح الحمدالله كلش مثقله منا وانا كنت بحالة مااعرف انا منو اصلا على المأساة الي عشتها بسبب حسام وكل يوم حبيبة وخيانة والمحادثات والصور وانا بنيه مااطلع من البيت ابد اهلي بغير محافظه وامي متوفية بقيت اسبوعين تقريبآ مخنوكه عشت اسوء ايامي لوحدي
من يصير المغرب اخذ سجادة الصلاة واصعد للسطح وابقى اصيح يالله يالله وابجي ..ابجي من كل قلبي ..دخلت بحالة اكتئاب
يوم اكل ويوم لا مااكدر انظف ولااغسل مواعيني والأكل باقي مثل ماهو وصار البيت وسخ ضليت افتر بالغرفه وامشي يم الحيطان واصيح ليش ياحسام ليش ياحسام كرهت كلشي اكسر بغرفتي واجرح ادية وارجع انام ومن يصير المغرب اروح للسطح قطعت الصلاة بس اروح اصيح يالله يالله ساعدني بديت ابتعد عن الصلاة وبقيت بس انام واكعد اكل واعوف كلشي بمكانه وصار البيت عباره عن حاوية زبل..اجلكم الله وانا بلاوعي ابجي واصيح واكسر مابقى شي بغرفتي ماكسرتة لأن الغرفه كانت أكثر مكان عشت بي ويا حسام كنت المرأة الكل يتمناها من ملكه من طبخ من نظافة كلشي موفرة الها ودائما يكلي انت شوكت تقصرين وياي ممخلية شي بنفسي
الي كسرني وحطمني أكثر
انو اني جنت موفرة كلشي وحارمه نفسي من أشياء هوايه اخاف عليه ومااخاف على نفسي قصرت ويا روحي وجان هذا تحت رقابة القرين الي حبني والي اجاني من طرف حسام عن طريق سحر
بعدها بقيت مااعرف نفسي شكلي انكلب وجهي نترس شعر جسمي صارت ايامي سوده لحد مااجا يوم وفتح الباب ودخل حسام واهنا جانت اكثر مصيبة عشتها ويا نفسي......
بعد ماشفته وجان عايفني بلبيت وحدي فترة طويلة كلشي بيني وبينا صار اجا مثل الشريط اكبال عيوني الخيانه الصياح الضرب الاهانة كل الألم العشرة رجع من جديد ماحسيت على نفسي اله وانا طالعه بلشارع بدون حجاب واركض وابجي واركض واركض بكل حيلي وابجي بصوت عالي لحد مالزمني هو وحضني وانا بديت اضرب على جسمه عوفني عوفني فدوة عوفني بدون مااحس فقدت اريد بس اركض واشرد عن الذكريات عن وجهه الي يذكرني بتصرفاته عم قرافه جسمة عن حقارته بعد ماعافني اسبوعين وحدي بلبيت بدون اكل وشرب ..شالني واخذني للبيت
دخلت لغرفتي وسديت الباب وطفيت الكلوب وضليت اصيح لحد مااختكت وكعت بقيت اجر نفس بطيء وارجع استجمع قوتي واصيح وابجي وارجع اسكن واهدء واضرب على الحيطان عشت مأساة مستحيل انساها
وبعد ماتعبت وحسيت تعبت ماعندي قدرة على اي شي غفيت
كعدت الصبح لكيته نايم بلصاله ومخلص علب الجكاير كلها رجعت لغرفتي كعدت
تذكرت القرين
واهنا بديت اكتب رسالة حتى يرجع...حسيت بنفسي احتاج اكتشف منو هلشخص
وليش مااكدر اشوفة ردت اسوي شي يخليني انسى الألم شخص اسولفله ويسمعني يخفف عني الوجع والصدمة والتعب
..كتبت
..من أنت لتكون ظلي وانا خلف شبابيك محجبة خالية من العري
أن كانت لك عودة..أعتني بي وألمسني كما لو إني احد الثقوب الصغيرة في قشر برتقالة
عد واحضني فلا شيء جديد سوى إني أنتظرك
...وخليت الورقة على المخدة وسديت عيوني سمعت صوت حركه مااخفيكم خفت من الصوت وبديت ارجف كان الموضوع صعب
بعدها كلت هذا انت ؟ مجاوب سألته بعد مره انت اجيت؟ايضا مجاوبني وشويه سمعت صوت الأنفاس ياالله شكد جانت حلوة وهادئه
ليش متجاوبني
قرين..انتي زينة..نازك...لا انا تعبانة
جيبي تعبج انا احملة..لا مااكدر أتعبك
شعندي غيرج انا يمج تعالي اذا تردين بحضني نامي راح يروح التعب وتنسين كل شي
سحبني من أيدي وحضني حسيت بأنفاسة وبحضنة الدافي وخله ايديه على ضهري حضني بقوة وانفاسة جانت تجنن شويه شويه قوت وبده يشم بوجهي ويشمني لحد مااخذ كل تعبي لحد ماغفيت بحضنه بدون ماافكر بشي
يتبع......👈❤️
محبة كبيرة لكم لاتنسون التفاعل🥺
أنت تقرأ
القرين والسحر الأسود
Misterio / Suspensoقصة تحكي مابين الخير والشر كيف على الأنسان ان يسيطر على افكارة في لحظات الألم تحكي القصة عن القرين وحبه الكبير لشخصية عانت من الألم حتى يكدر يحتويها يحارب البشر ويحولها إلى قرين خاص بي...طبعا من خلال الاستيلاء على عقلها وافكارة وبين شخصية القصة...
