روايـة : السدام 10
بقلمـي " حور عَباس "
_____________
احياناً المُبالغة جَميلة
مثلًا
المُبالغة في حُب العيون والنضر اليها
ياجميلتي
- حــُـور عَبــاس
____________
عرس جنوبي بحت أجواء فرح على وجهه الموجودين
كَـ العادة الهوسات الجنوبية جانت الها ميزة خاصة بالعرس
طلعت من بيت أهلي أمي وهاجر لازمات البدلة والنسوان ورانة وأصوات الهلاهل العالية
رفعت راسي سدام واكف يم يصف يوسف
أتقدم يوسف لزم أيدي وحضني بهل لحظة الدموع أخذت مجراها
باس راسي وسلمني بأيد سدام بدون ميحچي كلمة
نزلت راسي الدموع تارسة عيني ساعدوني صعدت بالسيارة
وصلنة للبيت انصدمت من الناس الموجودة چنت متوقعة ألي اجو كلهم الزلم تارسين الفرع والنسوان بالبيت گعدت والعيون كلها عليه
أمي والبنات گاعدات قريب مني
النسوان يجن يباركن
من بين الهوسة وكثرة الناس أكو نظرات غيرة وحقد أكو نظرات بيهن هواي حچي اباوع ومستغربة شكو وليش
بنية واكفة يم الباب تباوعلي وعيونها حمر وماليهن الدموع
باوعت الشمس اجتني أشرتلها على البنية
- شمس منو هاي البنية
- بنت عمي عوفيها معليج بيها حتى لو تجي تحچي وياج لتحاچينهه
بقت نضراتي عليها وهيَ ما شالت عيونها مني
گاعدة واجت مره من بعد السلام والمباركة نطقت
- صرتي من نصيب الشيخ ياحظچ ويا بختچ انا چنت ناوية ازوجة بنتي بس بعد أخذتي أنتِ
أحس اختنگت
من الصدمة مانطقت بحرف راحت وأنا بس ارمش بعيوني عجزت عن الحركة
لشوي ودخلت طفلة تقريباً يطلع عمرها ١١ او ١٢
نفس المره واكفة وراها باوعتلي وابتسمت وأشرت ع البنية
وكأن تگول هاي بنتي
نزلت راسي افرك بأيدي
انحطت أيد خشنة فوگ أيدي رفعت راسي
سدام گاعد بصفي يباوعلي بقلق
شوكت اجه ؟؟
أحس نفسي فاصلة عن العالم
أمي بين على ملامحها التعب وهاجر كل شوي تأشرلي بعيونها بمعنى " شبيج "
السدام: شبيچ يابعد هل روح وراعيها
- تعبت
- اصيح البنات ياخذونچ الغرفتچ ؟
- اي
أشر الشمس وگمرة أجن
- انا طالع انتن اخذنها للغرفة خل ترتاح وجيبولها أكل
أهلها شوفهنم خاف محتاجات شيء
گمره: صار
أخذني البنات وصعدت هاجر أجت وياي گعدت طلبت ابقة وحدي أرتاح حاولن يعرفن شنو البية ماحچيت شيء طلعن والأفكار والتخيلات احتلن عقلي
أنت تقرأ
السدام 10
Ficção Históricaشهيداً مغطى بدماء الوطن وأباً حنوناً لِـ أميرة واحده وزوجاً يعشق بجنون وعقل وخليفتاً لقبيله بكاملها تحمل لهُ الحب فمن هو ذا ؟ السدام القصه بقلمي حوراء عباس
