روايـة : السدام 10
بقلمـي " حـُـور عَباس "
_____________
مَن أنتِ؟
أمرآة تُجسد حياة أحدهُم فَـ تَجعل من الأشياء البسيطة لَمسةُ أبداع
فَـ أن عَشِق المرء أبداعُها
هُنا سَـتعرف أنها حقنًا تَستحق لَقب " الكاتب "
___________
مُهجة
راح وهل مره اصعب من كل روحة هل مره منعرف شوكت يرجع و مكان التحاقة خطر لو لا هل مره يوسف مو ويا وأحنا نعرف واحد مايگدر على فراگ الثاني
مر على روحتة يومين انا بس نايمة وحاظنة ملابسة وابچي شگد حاولوا وياي حتى عمي صعد يقنع بيه اكل وانزل يمهم ما اگدر وأمي أجت تشوفني ورادت تاخذني ماقبلت اروح
وكل يوم حالتي تسوء أكثر حملي صعب وزاد صعوبة بسبب حالتي النفسية
من بعد أيام الظهر نايمة وبأيدي التشيرت حاظنتة
سمعت ألباب أنفتح بين النايمة والگاعدة أسمع صوت يوسف عبالي حلم فزيت من اجه يمي لزم أيدي
- لاه لاه شمسوية بنفسج ليش هيچ بابا ليش
حظنتة وبچيت وهوَ يمسد على ضهري
- خل يرجع گلبي يوجعني خاف صاير شيء صار كم يوم من راح وما خابر
- أسم الله عليه مايصيبة شيء ان شاء الله بس همَ ياخذون الاجهزة أول ميوصلون ويخلصونها تدريب أحتمال أسبوع يالله ينطونهم التلفونات شوي ويرجعون ياخذونهن لتخافين ماكو شيء
- أنتَ شصعدك لهنا
- خطية عمج خابرني خايف عليج وعلى الي ببطنج يكول لا تاكل ولا تشرب مخلصتها بس تبچي ليش هيج تسوين بنفسج ما تخافين على البطنج يصيرلة شيء ؟
- ما اگدر اكل والله
- گومي البسي أخذچ وياي
- لا ما أروح
لزمني من أيدي سحبني من السرير
- شو دگومي البسي اليوم بنت خالتج تجي وأبقي وياها مو تگولين مشتاقة الها
أخذني وصلني للبيت وراح يجيب خالتي
دخلت سلمت على امي وحظنت ماسة گعدت بصفي تبوس بية
رحمة : چا يوسف وين راح
- گال راح يجيب خالتي وبنتها
- ياا دهر چا هوَ شعليّ هيَ گالت تجي
- بعد ابنچ وتعرفينة بس يمة هنَ شعجب هيچ فجأة صارن يجن
- يمة گبل چانوا عمام أمنية حاكمينهن ومايخلونهن يطلعن
من وزعوا الورث هنَ أشترن بيت وحدهن واستقرن بي عاد همَ شوي كفو منهن
اندگ الباب ركضت ماسة فتحتة دخلت خالتي و وراها امنية مبين على ملامحها الانزعاج سلمنة عليهن دخل يوسف من الشارع وجهه أحمر وعيونة يوخوفن من الأعصاب استغربت وضعة دخل يمشي بدون ما ينطق حرف صعد فوگ امي تصيح ورا
أنت تقرأ
السدام 10
Fiksi Sejarahشهيداً مغطى بدماء الوطن وأباً حنوناً لِـ أميرة واحده وزوجاً يعشق بجنون وعقل وخليفتاً لقبيله بكاملها تحمل لهُ الحب فمن هو ذا ؟ السدام القصه بقلمي حوراء عباس
