السدام 10

البــارت 13

روايـة : السدام 10
بقلمـي " حـُـور عَباس "

_____________

شَعرتُ مره ان لا أحد يَستحق الحُب ألى الحَبيب الأولي
و عَلمتُ ذات مره أن أصلًا لا أحد يَستحق الحُب سواء نفسي
نَعم يا عَزيزي ..
حُب الذات هوَ اجمل حب

- أسولفلچ قصتي ؟
- سولفي
- شوفي انا چنت أحب واحد من ولد عمي
ماردت هذا الحب يتطور أو أصلًا ما چنت أضن هوَ حب گلت مجرد أعجاب فتره و يروح اتقدملي صادق وافقت خوف من مشاعري اتزوجته صادق چان حلو و شخصية مستحيل أحد يشوفه و ماينعجب بي بس انا مو من ضمن هل ناس انا گلبي ضل يم ذاك الما يدري عندي بعد زواجنه أكتشفت هوَ يحب بنت عمه رغم حبه و حبي بس چان بينه أحترام أحترم وجودي ومشاعري و أكيد انا احترمته حتى تفكير منعت نفسي أفكر بشيء و اگول انا اخونه اذا افكر بغيره

أحنه چنه قريبين بس بعيدين من بعضنه 4 سنوات عشت ويا ونعم الرجال ما قصر وياي ولو بذره
الله ما قسم يصير أطفال
وهم ما كتب اله عمر طويل أخذ امانتة و راح الدار حقة
رغم بعمري ما حبيته بس موته آثر بيه حيل
ما شفت منه أذيه 4 سنين مو شويه بينه زاد و ملح

صح تزوجت الي أحبه و گلبي رايده بس ما فارگ تفكيري صادق ما يمر يوم الا و تذكرته و يجي على بالي بهواي مواقف و شگد تصرفات أتمناها بـ علي ' الدلال ' التفاهم ' الهدوء

منها و أكتشفت الحب مو كلشي بالحياة انا حصرت تفكيري  بزاوية الحب بس و خسرت 4 سنين بحياتي بحزن ما فكرت أعيش اليوم بيومه و ما أسبق الحَدث

مهجة: تدرين دائمًا أشوف حزن بعيونج و عبالي متزوجة غصب او متردين علي ما توقعت علي حب حياتج و أنتِ حزنانة على صادق

- شفتي شلون ؟ انا قصتي غريبة چنت يم صادق وبالي يم علي و هسة أنا يم علي و تفكيري بصادق

- يعني هسة أنتِ متحبين علي ؟
- لا شلون ما أحبة ، حب حياتي هذا ، بس صادق عودني على هواي شغلات حلوة ، و كل هل شغلات ما موجودة عند صادق ، و دائمًا أقارن بينهم أعرف غلط بس مو بيدي والله حزن بداخلي لآن أنا ما أعرف روحي شتريد
تدرين  بعدني لهسة محتفظة بذكرياتة ، مدالية بحرف حبيبتة و رسائل الها و هواي شغلات
و نوب من سولفت بي رجعتلي كل ذكرياتي ويا شسويتي بيه مهجة روحي مني

تمددت و تغطت تضم دموعها
عفتها وگمت طلعت وسديت الباب مكسور گلبي عليها
فعلًا الأنسان آثر ' رغم ماكو مشاعر بس آثره الطيب هوَ الي ميخليها تنسى