"جِيتك من مَجان و كلي شوق ل نَجد العذيه"

Part21

لا ابيح القراءه بدون ⭐️🙏🏻.

وصلوا راشد و وقاص للعزبه و وقاص الي بدا يشب النار و راشد الي يزهب الأغراض و الشاي و بعد ما حطوه على النار التفت وقاص ل راشد الي أبتسم  و قال :
تكلم غرد فضفض اي شي ؟
وقاص بهدوء و هو يحرك الجمر : وش احكي و اقول خلها ف فيني احسن من البوح !
راشد و هو يصب الشاي ف البيالات : يعني مطلعنا نتأمل الجمر ؟
وقاص : لا والله
راشد : اجل وش شووو
وقاص الي التفت ل راشد : خلاص علشان نكسر الملل و الهدوء انا بقول بارت من قصيده و انت قول قصيده من اخر حرف و هكذا فهمت؟
راشد ب أبتسامه انه قدير يغير شوي منه : يلا بسم الله
وقاص الي عينه ف النار و راشد الي رافع تلفونه و يصوره و هو يلقي ، و قاص :
‏ماعاد يهمني على الأرض مخلوق
‏لقيت عز النفس يا ناس لايق
‏وماعاد أنا عاشق ولاني بمعشوق
‏عشقت نفسي عن جميع الخلايق.....
ابتسم و هو يلف ل راشد : دورك !
راشد لف له و بضحك :ياخييي مافي ب حرف"ق"و هقيتني ههههه
ضحك وقاص : عادي اي شي يلا هههه
تنحنح راشد و هو يتأمل ضحكه وقاص الي غابت اليوم و هو يقول  :
اضحك الله لا يرويني عليك الضيقه
وش يضيق خاطرك م دام راسي باقي.
وقاص التفتله و هو يقول ب أبتسامه :
واحدٍ ما حب مثلك أشهد أن ما الله عطاه
مابعد صوتك كلام ، ولا بعد وجهك وجيه
والله أن وجهك يقوّيني على ظروف الحياه
أشهد أن المرحبا ماهي تساق إلا .. عليك!
ضحك راشد و هو يقول بدلع ماصخ و يحط يده على قلبه : ادوخ انا ادوخ
وقاص بضحك : لا تصدق هههههههه
و كملوا سهرتهم و و العيال يدوروا عليهم لانهم ما اعطوا خبر قبل لا يطلعون و تلفوناتهم مسكره ......

-
تقدمت من رعد و هي تجلس و تسحب راسه و تحطه على رجولها و تمسح راسه :
وش فيها روحي؟
ابتسم رعد و هو يسحب يدها و يحطها على عينه : تعبان يا الهنوف ! ما فيني اخسرتس
مب لازم الحمل يا روحي انتي  ، و الله اضيع بدونتس!
ابتسمت الهنوف و هي تمسح شعره ب اليد الثانيه : ابغى شئ يربطك فيني للموت يا رعد الهنوف و قلبها ! اعرف انه خطر علي و يمكن اموت من الخطوه ذي بس اذا متت بتكون لي ذكرى نسخه منى ، و هي تمسح دموعها : تسندك بكره و تترحم علي لا شفتها او شفته ! رعد اطفالي امانه عندك ...!
رعد بعد يدينها عن عيونه و هو يقول بصوت خافت : اطفالي؟
هزت راسها الهنوف ب ايجابيه و دموع : اي اثنين يا رعد اثنين ، و هي تغطي عيونها و تبكي ، عدل جلسته و هو يحضنها و يبكي معها : الهنوف انا واحد و مو متقبل ! متى صاروا و كيف عرفتي ؟
الهنوف بدموع : في اخر موعد علموني اني حامل و لما كنت انت ب الديره رجعت ل الدكتوره و عملتلي فحص ثاني و اكتشفت انهم اثنين
بعد عنها رعد و هو يقول : وش قالت بعد؟
الهنوف و هي تمسح و جهها : ما قالت شي
رعد الي وقف و هو يمسح على وجهه : الهنوف !
الهنوف الي عينها عليه و الدموع مستمره ف النزول ، و كمل و هو يقول : لازم تجهضي انتي صحتس اهم عندي من الأطفال وش استفيد من الأطفال من دون امهم هاااه
الهنوف بدموع : و الله لو ايشش ما رح اجهض ، كيف تبيني انزل اطفالي و هم بعدهم نطفه و هي تمسك بطنها : و الله ما يصير لو فيها موتي !
رعد بصراخ : بتموتييي بتموتييي استوعبي ، قلتلس انه مايهمني وجودهم و انتي معي ما مهم !
الهنوف بنفس نبرته : الا مهمم انا اشوف لهفتك لما يمر طفل من قدامك ! ما ابغى احرمك يا روح الهنوف
رعد و هو يتقدم منها و بمحاوله اخيره : ياروح رعد و طوايفه و قلبه لا صار لتس شي شبسوي فيهم انا كيف برعاهم لا لا انا مو قدها يا قلبي انتي مو قدها و هو يتوجه للعبايه : تعالي البسي عباتس بنروح المستشفى ...!
تركت يده و هي تركض للغرفه و تسكر الباب عليها و تسند ظهرها على الباب و بصراخ: لا يا رعد لا مستحيللللل
مشى للباب و هو يسمع صراخها خاف و هو يدق الباب : افتحي يا الهنوف
الهنوف ب صياح : لا لا انت تبي تقتلني ما تبي عيال مني
رعد و هو يمسح وجهه: من قاله يا الهنوف افتحي لا يصيرلتس شي
الهنوف و هي ماسكه بطنها : لا لا يا رعد لا
رعد بصراخ : لاحول و لا قوه الا ب لله يا الهنوف افتحي لا اكسر الباب الأن
انسدحت الهنوف على السرير بتعب و هي تغمض عيونها ببطئ و هي تردد : لا يا رعد لا ..................
فتح عيونه بعد ما حس بحركه و هو يشوف ذياب يناديه : بابا !
عدل جلسته و هو يحمله و يحطه على رجله و يمسح على شعره : عيون و قلب بابا انت
ذياب و هو يأشر على ألعابه : شوف توته !
رفع نظره رعد ل تاليا بنته و هو يشوفها ماسكه سيارات ذياب و تضربهم ب الأرض و تكسروا ، نزل ذياب و هو يتقدم منها بضحك : عيون ابوها و قلبه تعالي ليه تسوي تسذا ب ألعاب ذيبوو
تاليا بدلع و هي تحط يدها على رقبه ابوها و تحضنه : هو كسر عروساتي ! يستاهل
التفت رعد ل ذياب بحنان : صح كلامها يا بابا ؟
ذياب ببراءه : صح
رعد الي شال تاليا و هو يجلس على الكنب و يحط تاليا ف حضنه وذياب جمبه : ذياب قول ل توته اسف
ذياب برفض : لا
تاليا بعناد : قول يلا
ضحك رعد : ياربييي كل واحد اعند من الثاني ما كأنهم توائم ! ، و بمحاوله اخيره :الي يبي يروح عندي البقاله لازم يعتذر و يحضن و التفت ل ذياب و هو يقول  :قم انت الكبير يلا
وقفت تاليا و ذياب و حضنوا بعض و هم يضحكوا ، و ابتعدوا و هم يشوفوا ابوهم الي يمسح على عيونه و يقول في نفسه : الله يسامحتس يا الهنوف تركتيلي هذي الأمانه و رحتي لو تشوفينهم كيف طالعين لتس الله يرحمتس يا قلب رعد و روحه
نادا بصوت عالي : يا ساره (المربيه )
تقدمت ساره و هو يقول : جهزيهم
مسكت اياديهم بأبتسامه و هي تتوجه لغرفتهم تاركين رعد الي يهوجس بيوم ولادتهم و كيف تلقى خبر وفاه قلبه و حبيبه روحه  .....
(فلاش باك )
الهنوف الي كانت قبله بشهور ف المستشفى ب سبب التعب و كانت ب السابع و بعد سته اشهر من دخولها للمستشفى قررت دكتورتها تولدها ب جراحه بسبب تعب الهنوف المفاجئ و هم يدخلونها  غرفه العمليات و رعد كان راجع البيت يجيب اغراض  للهنوف و لما رجع توجه لغرفتها و هو يشوفها فاضيه توجه للمرضه الي دخلت تشيل الأجهزه و هو يسألها بخوف : وين المريضه الي كانت هنا ؟
الممرضه : في غرفه الولاده !
ركض رعد  و هو يرمي الي في يده للغرفه و هو يوقف خلف الباب ينتظرها بخوف عليها شوي و سمع صوت بكاء بكى اول ما سمع الصوت و هو يجلس على الارض بتعب شوي و سمع صوت طفل ثاني و طلعت الممرضه و هي تدف الأطفال للحضانه و قف و هو يمسح على وجهه و يوقف الممرضه : كيف الهنوف ؟
الممرضه و هي راحمه حاله و لهفته : انتظر الدكتوره تطلع و تحكيلك عن حالتها !
و مشت و هي تحوقل و تدمع من حال الأطفال و الرجل ، طلعت  الدكتوره و هي تشوف لهفته : كيف الهنوف يا دكتوره ؟
الدكتوره : حاولنا كثير ،انقذنا الآطفال و للأسف  ما قدرنا ننقذها !، و مشت بحزن تاركه وراها رجل من الصدمه ما صدق !  دخل و هو يشوف الهنوف حولها الممرضات و وجه حبيبته مغطى ! مشى سريع صوبها و هو يرفع الشرشف و يشوف وجها التعبان و يهزاء الممرضات : ليه غطيتوها ، حرام عليكم بتموت ... و هو يضرب وجهاا بخفه : حبيبتي الهنوف قومي شوفي اطفالنا يا روحي قومي و ضحك بقوه و بأنهيار  : تقول هذيك الغبيه انتس رحتي و تركتيني و هو يرفعها و مثل الاطفال ما مصدق انه خلاص مافي الهنوف : هنوفي حُبي قومي لا تخوفيني عليتس يلا ياقلبي يلا ، و بصراخ : قلت قومي بسرعه
طلعوا الممرضات و هم ينادوا الدكتور قبل لا يدخل في صدمه ، رعد و هو يمسح عليها و بدموع : الهنوف ! قومي يا روحي انا من لي و الاطفال من لهم ؟ كنتي دائما تعانديني و تتسوين الي تبيه طيب عاندي الموت و ارجعيلي ! ماشبعت منك يا روح رعد ما شبعت و ذياب و تاليا الي وصيتيني عليهم ما بيهم بدونتس ! تحدي الموت و ارجعيلي ! وبصرخه و هو توه يستوعب انه خلاص مافي الهنوف : الهنووووووووف ، و اغمى عليه على دخله الدكتور ...
حملوه لغرفه مجاوره و هم يعطونه مغذي مع حقنه مهدي ، و بعد ساعه صحى و هو يوقف على رجوله مشى و هو يسألهم عنها و هو يتوجه مع احد الممرضين ل ثلاجه الموتى !! مشى و هو يشوفها من بعيد و رجع بهدوء يكمل اجراءات الدفن خرج من المستشفى و هو يدق على سهم الويد الي يعرف عنها بس ما يعرف عن الأطفال ... و اتجهو للمقبره مع عدد قليل من الرجال و سهم الي كان سند و ضلع له وقف معه الي ان انتهى من الدفان ....رحل الجميع و بقى هو وحده مقابل قبر حبيبته و قره عينه  و بدموع وجع فقد الشي الي حارب الجميع عشانه  :
يا هنوف، الليالي بلا شمس والأيام ظلمه ، والحياة بلا ضحكتك فارغة. كيف أعيش بعد رحيلك؟ كيف أتحمل هذا الفراق اللي كسر قلبي؟ يا هنوف، غابت السعادة والأمل مع رحيلك، وأنا وحدي في عتمة الدنيا. رحمك الله يا حبيبتي، وألهمني الصبر والسلوان في فقدانك.
<<الوقت الحاضر >>ألتفتت لهم و هم يتسابقوا لحضنه و هو يخبئهم فيه :يا سعادتي انتم و سري الحلو ، مسك ايديهم و هو يمشي للباب .......