|| عندما يعشق رجال الصعيد ||

part 12

💎صلي علي النبي 💎

__________________________

في صباح اليوم التالي
هذا اليوم الذي سيغير حياة اشخاص
منهم من كان اعزب و سيصبح متزوج و منهم من كان يكره الزواج و سيصبح متزوج ايضاً و منهم من كان ليس لديه ام
و سيصبح لديه ام قانونياً .

في قصر القناوي كان يوجد الكثير من التحضيرات بالمنزل كترتيب المنزل و تزينه من اجل كتب الكتاب

بجناح البنات
كانوا لازالوا نائمين علي الرغم من انها الواحده ظهراً بسبب سهر امس و انهم
كانوا يسهرون كثيراً بالقاهره
و كان لا أحد يفتح لمن يدق الباب
صعدت داليا لكي توقظهم فهي كانت
مشغوله معهم بالأسفل في التحضيرات لذا
تأخرت في الصعود

توجهت لغرفة روان كانت ستصرخ بها
لكنها تذكرت وجود سيف و سليم
لذا ايقظتها بهدوء نوعاً ما

داليا يلا يا روان اصحي
روان سيبيني يا ماما عايزه انام
داليا اسيبك ايه بس النهارده كتب الكتاب و انت العروسه و نايمه لحد واحده الضهر
روان بعصبيه اديكي اهوه قولتي كتب كتاب مش فرح يعني لو قمت قابليه بساعه
هلحق اجهز

لم تترك داليا روان حتي استيقظت
و بعدها ايقظت الباقي
و لكن بعد هذا رجعت مره اخري لغرفة روان
دخلت الغرفه و جلست بجانب روان
داليا روان حبيبتي فوقي علشان عيزاكي في موضوع مهم
روان ايوه يا ماما
قالت هذا و هي تجلس علي السرير
داليا بحنان بصي يا حبيبتي انت من النهارده هتبقي ست متجوزه
يعني بقي في حد لازم تشاركيه كل حاجه و تاخدي رأيه في كل حاجه قبل ما تعمليها و تحترمي وجوده و تسمعي كلامه و حاولي انك تفهميه و تتأقلمي انك ست متجوزه في حاحات الست المتجوزه مينفعش تعملها زي البنت اللي في بيت ابوها و كمان انت هتبقي مسؤله عن شغل البيت
و كمان اسرار البيت مينفعش تطلع برا الست المحترمه هي اللي متخرجش كلام
بينها و بين جوزها برا
حتي لو اتخانقتوا متجييش تقوليلي انا و لا تقولي لابوكي لأن ساعتها انا هنزعل علي زعلك
و هنزعل منه هو كمان
و انتوا مسيركوا تتصالحوا لكن انا و ابوكي هنفضل شايلين منه
و كمان خليكي هاديه شويه و متاخديش اي حاجه علي اعصابك لأن الرجاله ساعات بتكون جايه تعبانه من الشغل و مخنوقه
و بيكونوا مش متحملين اي كلام جنبهم فا ابقي اتحملي شويه و هو لما يلاقيكي سكتي هيجي لوحده و يصالحك
و خليه هو اللي يبقي عايز يرجع البيت مش مجبور حببيه في البيت
خليه يرتاح في البيت يعني قبل ما يرجع تجهزيله الحمام و الهدوم اللي هيلبسها
تقومي الصبح تجهزيله هدومه
و دي واجبات الزوجه و انت مع الوقت هتتعودي و انا متأكده ان اسد بني ادم محترم و هيعاملك كويس