"جيتي مثل غيمة وله رحتي بلا برق ورعد "

part 13

مشو معه المكتب وجلسو يتكلمو ب اشياء و هم قلوبهم عندهم على برق ومهاب بس مايحسوو بعض
عقاب: الا يهذال انت اخو برق
هذال: لا هي ولد عمي بس هو اقرب لي من روحي ذا رفيق دربي هو وهمام
عقاب: الله يخليكم لبعض
هذال وهمام مع بعض: امين يارب وقعدو يسولفو بمواضيع مختلفه
...
عند جود كانت نايمه الا يدخل عليها عدنان ويفتح الباب بقوه وهي فزت من نومها بخوف ولما شافت عدنان خافت اكثر قرب منها
وقال: وقعي على ورقه وعطها القلم هي كانت بتقراء بس قال
عدنان: وقعي بسرعه
وقعت وهي ماتدري على ايش وقعت ماتدري انها وقعت على زواجها من وافي اخذ الورقه و طلع راح واعطا وافي يوقع ناضر وافي الدفتر وشاف توقيعها ورفع نضره ل عدنان الي يناضره بحده وقع عدنان وانكتبت جود زوجه ل وافي بارك له الشيخ و اثنين من الي يشتغلو في مقر والي هم الشهود
عدنان: يلا خذ مرتك وروح
وافي: بس...
عدنان: لا بس ولا شي يلا روح بيت امك تبي تشوف عروستك
فلاش باك:
كان عدنان في شغل ولما خلص جلس يشرب الشاي والقهوه مع نجلاء
وقال لها: اسمعي ترا بكرا بنخطب ل وافي
نجلاء: يحبيبي ي وافي كبر وصار بيحمل مسؤولية بيت وعيال الا ي عدنان من بنته هي عشان بكرا اجي معك ونخطبها له
عدنان بكذب: من بنته هي هذي اهلها متوفين وعايشها مع عمها وهو صديقي و قلت له بخطب بنت اخوك ووافق بس ميحتاج تجين بكرا نخطب له والملكه مع بعض واما زواج سوي الي تبين فيه والبنت بتجي معنا
سكتت نجلاء ولا ردت وكمل عدنان فنجل القهوه حقه
حاضر.
راح وافي ودخل عليها هي استغربت من ذا اول مره تشوفه مشا وافي بتجاه وافي خافت منه قرب منها
وقال: يلا امشي بنروح مكان
جود استغربت بس حست ان بيرجعها ل اهلها وقفت وهي فرحانا ان بيرجعها ل اهلها مشت معه وهو كان ساكت طول طريق هي مبتسمه وهو حزين هو عارف وش تفكر فيه بعد مده وصلو لبيت اهل وافي هي استغربت المكان تكلمت بنبره صوتها
جود: احنا وين وليش ماوديتني بيت اهلي بيتي مو من ذا طريق
وافي بهدوء: انزلي وتعالي ندخل البيت
جود بحده: وين انزل سلامات انت كيف ادخل بيت ناس مااعرفهم وناس غريبه كيف
وافي: البيت مو بيت ناس غريبه ذا بيت زوجتس
جود بصدمه: ايشششس ايش تقول انت زوجه مين انت وش تخربط
وافي بهدوء: الورقه الي وقعتيها هي ورقه زواجي منك
جود ببكاء: كيف كيف كذا ليه ياربي يصير فيني كذا
وافي: لاتقولي ل امي شي هي واختي مايدرو بالي صار واذا سمعت انك قلتي لهم شي بيصير ل اهلك شي (هو قال لها كذا مجبور عشان ماتفضحه عندهم وتفشل الخطه) هزت راسها وهي تبكي ماتبي يصير لا اهلها شي. نزل وافي وفتح باب جود مسك يدها بقوه ودخلو البيت وكان بانتضارهم نجلاء و وجد الي كان فرحانين في وافي وعروسته الجديده
نجلاء بحنيه: ارتاحي يبنتي مامن غريب ان ام زوجس وذي اخته شيلي نقابس وتعالي اجلسي معنا
جود بهدوء شالت نقاب واول ماشالت انصدم وافي من جمالها
وجد: يجمالتس سبحان الخالق الي سواك تبارك الرحمن
نجلاء: بسم الله عليك الله يحفظك ويسعدك ويوفقك بحياتك انتي وافي
استحت جود من كلامهم ومن نحيتهم جلست معهم ووافي استاذن ان بيروح مكان طلع وافي من بيت.
وجد: الا كم عمرتس جود
جود: عمري ٢٠
وجد: صغيرهه انا اكبر منتس ب عشر سنوات
جود: يعني عمرتس ٣٠
وجد هزت راسه بمعنى اي
جود: شكلك صغيره مبين عليك اصغر من ثلاثين
بعد سوالف وكلام
جود: عن اذنكم وين غرفتنا
وجد دلتها لين وصلو غرفه وافي دخلت وسكرت الباب جلست على سرير وضلت تبكي على حضها جلست تفكر ماتدري هل اهلها بيلقونها كيف يلقونها وهي متزوجه وفي مكان بعيد هي حتى جوال ماعندها اخذو منها كيف تتصل عليهم و تطمنهم عليها
...
عند بطلنا صحا برق وشاف المغذي في يده دخلت عليه الممرضه وشالت منه المغذي
برق: الا بسالك وين غرفه مهاب بن محمد
قالت له ان في الغرفه الي قدامه وراحت تخبرهم ان برق صحا رجع برق راسه وانسدح وضل يفكر بلي صار وكيف نجو هو ومهاب صحى من سرحانه على فتح الباب ودخلو منه هذال وهمام و خلف وسيف واخرهم عقاب
عقاب: ها برق انشاء الله انك بخير
برق: بخير الحمدلله بس مهاب وش صار عليه وليه ما احس بيدي ورجلي
سكتو كلهم بس تكلم عقاب وقال
عقاب: صار فيك كسر في يد يمين وكسر في رجل يسار
برق انصدم وتكلم: طيب مهاب طمنوني عليه وش صار فيها اخر شي اذكره اني شفته مغرق بالدم
عقاب: مهاب بخير بس لسه ماصحا بس صار فيه كسر في رجل
برق: الحمدلله جات ساليمه اهم شي سلامتنا وصحتنا
هذال: الحمدلله انك بخير خوفتنا عليك
همام: اسمع ترا كان يبكي عليك
هذال: اسكت انت
ضحك برق عليهم هذا هم ماتغيرو كله يتهاشون جلسو يتكلمو ب اشياء لين جات الممرضه تخبرهم ب ان مهاب صحا مشو وكان برق جالس على كرسي متحرك هو اصر يجي معهم عشان يتطمن على مهاب دخلو عليه وشافوه سرحان
عقاب: وين سرحان الحلو
مهاب: ها وشاف الكل هو استغرب لما شاف برق على كرسي متحرك ويده ملفوفه بالشاش
مهاب: وش صار لك ي برق
برق: ولا شي يرجال بس كسر المهم طمنا عنك تحس بشي
مهاب: لا بس رجلي تالمني مو حاسس فيها
عقاب: لان رجلك انكسرت صار في كسر
انصدم مهاب بس توقع ذا شي لان نطو من طابق عالي
__________________________________________
تم تعاون مع الكاتبة📖: ميلا محمد
حسابها: mliaaziz12

معليكم طولت على ما انزل طبعا ذي فترت مذاكره و اختبارات ومقدرت افضي نفسي واكتب وحاولت اكتب ذا بارت ويمكن ما انزل عشان الاختبارات لان بخلص الاحد و بحاول بعدها انزل 💗