"جيتي مثل غيمة وله رحتي بلا برق ورعد "

part 16

عند طلال و اهله
...
طلال: يمه وين شماغي
ام طلال: اسال اختك هي كانت تكويه
طلال: يا غدي وين شماغي
نزلت غدي تحت
غدي: اصبر هذا بجيبه
غدي: خذ بس ازعجتنا
جات ام طلال لهم وقعدت تبخرهم
ام طلال: خلصتو نمشي؟
غدي: اي بس بلبس عبايتي واجي
طلال: يلا احنا في سياره
ابو طلال: يلا امشو
نزلت غدي وما شافات احد طلعت برا وركبت السياره
مشو متجهين بيت اهل ملاذ
عند ملاذ واهلها
ملاذ: يبه وش ذا زين
ابو ملاذ: من حلاوتك يبنتي بس وين اختك
ماريا: هنا يبه
دق باب البيت
ملاذ: وصلو
ماريا: يا جيسي تعالي خذي ابوي للباب
مشت جيسي تحرك الكرسي المتحرك مشت ناحيه الباب وفتحت
دخلو اهل طلال وسلمو الرجال على ابو ملاذ
تكلم طلال: يعم وين مكان حريم
ابو ملاذ: من ورا باب الحريم
مشت غدي هي وامها ولما دخلو شافو ملاذ وماريا عند الباب سلمو على بعض ودخلتهم ملاذ جلسو اهل طلال
تكلمت غدي: الا وش اسماكم
ملاذ: انا ملاذ وذي اختي ماريا
غدي: وانا غدي وذي امي
جت ماريا لهم بالقهوه والشاي
جلست ماريا بجانب اختها
ملاذ: تبون شاي او قهوه
ام طلال: شاي يبنتي
غدي: وانا قهوه
ملاذ: تمام
...
عند غروب و شروق في غرفه
كانو يلبسو عشان يفاجئو ابندري والبنات برجوع غروب طلعو من بيت مع انس وصلو ودقو الباب وفتح الباب برق الصغير فتح الباب ودخلو البنات وانس رجع البيت شروق: برق البنات قاعدين؟
برق: اي
مشو البنات وسلمو على الامهات والامهات حضنوها وتكلمو شوي
غروب: نستاذنكم بنروح للبنات مايدرون اني جيت بفاجئهم
ام حامد: روحو يبناتي
مشو البنات لغرفه البندري دقو البنات وفتحت تاليا انصدمت لما شافت غروب وحضنتها ولما شافوها البنات ركضو لها
البندري: يالله وش ذي المفاجأة الحلو متى جيتي
غروب: اليوم جيت وفاجائتهم
شروق: انا اول ماشفتها انصدمت وبنفس وقت انخرشت هي ماقالت انها بتجي
غروب: بنات غريبه ما اشوف جود معكم
تغير وجه البنات وسكتو
غروب: تكلمو جود فيها شي؟
تاليا بحزن: جود انخطفت
شقهت غروب بصدمه
غروب: كيف
غيمه بحزن على اختها: كنا في سوق وفجاء ماشفنها وصارت احداث واشياء
غروب:يعمري وحضنت غيمه
ليلى وهي تحاول تغير جو البنات
ليلى: الا غروب ماجبتي هدايه لنا
غروب: كيف ما انساكم بس انتي نسيت هديتس
ليلى: خير و سوت نفسها زعلانه
ضحكو البنات على وجها
غروب: امزح معتس انتي اول وحده جبت لها
ليلى: يعمري
اعطت غروب كل وحده هديتها وقعدو يسولفو ويضحكو.
...
عند الرجال
كانو العيال يسولفو واصواتهم ماليه المجلس
سهم: يشيخ متى تعرس ونرتاح منك
اعطاه برق نضره خلته يسكت
سهم: امزح معك يشيخ
الجد: يعيال ابيكم تجهزو حق رمضان نجهز البيت و زي ماتعرفون رمضان بعد كم يوم
برق: ابشر
هذال: تم
سهم حق فارس: ياخي مليت لو احد بعمري كان الحين طلعت معه ومصايب
فارس: يعني عارف نفسك انك مصيبه
سهم: اسك
قاطعهم برق: يلا يعيال نطلع
طلعو العيال الي يركب اللمبات والي ماسك السلم والخ
...
عند مكان اول مره نزوره
ناضرت بيتها لاخر مره بتتركه بعد وفاة زوجها لان صاحب البيت طردهم منه لانهم مادفعو الايجار طلعت وهي  ماسكه بنتها الصغيره ومعها عيالها ركبت السياره بجانب بكرها
مبارك: يمه تتوقعين بيستقبولنا واذا ماستقبلونا وش نسوي
موضي بتفكير: مدري والله
بندر: يمه كلهم طيبين هناك وفي عيال بعمري؟
موضي: اي في ولدين
ناضرت موشي بنتها الصغيره وداد نايمه بحضنها
ناضرهم مبارك وسكت
مشو متجهين لل...
...
عند العيال
هذال: تعبت ياخي وش ذا
فهد: احسن تستاهل لو انك مسويه بدري كان خلصت من زمان
هذال: يشيخ طير
فهد: احترم نفسك
فارس: هدوها بس شوفو ابوي يناضر
برق: سهم
جاء سهم بعد ماخلص الي كان يسويه
سهم: سم
برق: روح المطبخ امي تبيك
سهم: طيب
مشا متوجه للمطبخ وشاف امه موجوده دخل وحب راسها
سهم: سمي يمه
ام حامد: يولدي ابيك تشتري ذول الاشياء خذ كتبت الب ابيه هنا
سهم: بس ابشري كم حنو عندي
ام حامد: اسكت بس وش حنو
دخلت تاليا هي وليلى
تاليا: وش تسون هنا
سهم: بشتري ل امي الي تبي
تاليا: سهم تكفى ودني بيت صدقيتي عازمتني ومقدرت اردها وانا بستاذن من ابوي
سهم: ابشري
جت تاليا وقالت لسهم ان ابوها وافق وتجهزت ومشو متوجهين لبيت وتين....
...
عند ليلى الي طلعت الحوش وكانت تبي تروح بيتهم هي قالت حق اهلها وديم بتلحقها طلعت برا وهي تشوف بسه صغيره عند باب بيتهم مصابه حزنت عليها وهي تحب البسس كثير اخذتها معها عشان تعالجها و شوي ودخلت ديم
ديم: يعمري عليها كيوت
ليلى: صادقه بس ابي اعرف ليه مصابه كذا
ديم: بجيب لها شي
راحت ديم المطبخ حقهم وخذت الي تبيه وحطت عند البسه الي فورا بدت تاكله
ليلى: مسكينه شكلها جوعانه كثير شوفي كيف تاكل
ديم: اي والله يعمري عليها بس وش بتسوين فيها البسه؟
ليلى: باخذها بكلم ابوي وبقوله ابيها ابوي ما يرفض لي طلب
ديم: طيب عطيني ياها وخذي الشي الي كنتي تبينه
ليلى: طيب وراحت ليلى تاخذ الشي الي تبيه
شوي وجات
ليلى: يلا مشينا اخذت ليلى البسه من ديم وهي فرحانه فيها وصلو بعد دقايق
دخلت ليلى عند الحريم وقالت
ليلى: يمه شوفي وش جبت رفعت ليلى البسه
ام حامد: يحلوها بس من وين جبتيها
ليلى جلست وقالت: شفتها عند باب بيتنا مصابه واخذتها وحبيت اخليها بستي وبكلم ابوي
ام حامد: زين
راحت ليلى عند بنات
البندري: ليول وش الي وراك
ورتهم البسه ليلى وكلهم قامو لها
البندري: يزينها
غروب: يعمري الصغير انا
غيمه: شكلها حلو من وين جبتيها
قالت لهم كيف وكلهم يلعبو البسه
غيمه: الا وش بتسمينها
ليلى بحيره: مدري مافكرت ب اسم لها
شروق: شرايك بس اسم لوسي
ليلى: حلو خلاص بسميها لوسي
...
عند ليلى وسهم
وصلت ليلى بيت وتين وقعدت تدق باب شويات وفتحت الباب وتين مشا سهم بعد ماشفها تدخل
حضنت تاليا وتين
وتين: كيفك تاليا من بعد الاجازة ماشفتك
تاليا: حمدالله والله
دخلو البنات وكانت ام همام جالسه سلمت تاليا عليها وقالت: اخبارتس يخاله
ام همام: حمدالله يبنتي كيفك انتي تاليا؟
تاليا هزت راسها ب اي
ام همام بنفسها بسم الله عليها تبارك الرحمن لازم اخذها ل همام
تاليا ل وتين: وتين وين الحمام (يكرم القارئ)
اشرت لها عليه وتين ومشت تاليا له دخلت تاليا وبعدها بدقايق طلعت شالت الحجاب وجلست تعدل شكلها وجلست تصور
فجاء ينزل همام وهو يتكلم بصوت عالي: يمه وين ال...
سكت همام من شاف تاليا
اما تاليا اول ماسمعت صوته حطت الححاب عليها ومشت بسرعه داخل طلعت له وتين وهي تضحك على توتر تاليا
وتين: وش بغيت ي همام
مسك راسه همام وقال: تصدقين نسيت وش بغيت بس بسالك مين ذي البنت
وتين: ليه تبي تعرف على العموم هي اخت برق صديقك وهي صدقيتي في الجامعه ~هي عرفت من تاليا ان اخوها وبرق اصدقاء ~
همام: طيب وراح غرفته وقعد يتجهز لان بيروح الشغل جاء له اتصل مهم
...
مشت وتين وجلست عند تاليا وجلسو يتكلمون
تاليا: تصدقين وتين اشقت لجود اخخ بس ابيها ترجع بالسلامه انشاء الله يلقونها
وتين: صحيح اني تعرفت عليكم من فتره بس اني تعودت عليكم واحسكم اخواتي وحبيتكم وجود حزنت مره عليها وانشاء الله يلقونها
تاليا: يحاتي وانا حبيتك
بعد فتره جاء اتصال ل تاليا من سهم يبلقها بوصله
تاليا: يلا انا استأذن اخوي جاء وبمشي
وتين: خليك وين الوقت بدري
تاليا: خليها بوقت ثاني الحين اخوي برا حضنو بعض وطلعت تاليا ومعها وتين طلعت تاليا خارج البيت وركبت سياره سهم سكرت الباب وتين ودخلت البيت
...
عند موضي وعيالها
وصلو الديره
مبارك ل امه: يمه وين البيت
وصفت له موضي مكان بيت وصلو بعد مده نزلو من سياره وناضرت موضي بيت اهلها
موضي بنفسها ماتغير البيت نفسه انشاء الله مايكونو غيرو مكان بيت ناضرت موضي الولدين الي طالعين وماسكين الكوره
موضي: مبارك ناد واحد من العيال
توجهه مبارك ناحيه الولدين وتكلم
مبارك: سلام عليكم
ناضروه العيال بستغراب
العيال: وعليكم السلام
مبارك: ذا بيت ال جابر
برق: اي ذا بيت جدي
نهيان: اي هو وش بغيت؟
مبارك: واحد منك يجي معاي
مش برق معه ووقفو عند موضي
موضي بهلجه غريبه على برق: انت من ولده
برق وهو الي مايحب ابوه : ولد ديم اسمي برق
حضنته موضي وهو مستغرب
تكلمت موضي: انا موضي اخت نهيان اخواني كلهم في بيت؟
انصدم برق من الي سمعه وهز راسه ب اي
موضي: يولدي يابرق ناد الكل
مش برق وهم ورا وقفو بوسط الحوش ونهيان يناضرهم مستغرب منهم مش برق ناحيه جلسه الرجال وهو يركض فتح الباب بسرعه وهو يتنفس بقوه
ابو حامد: وش فيك ياولد
برق: في وحده برا تبيكم وتقول انها اختك موضي ياجدي
وقفو الرجال بصدمه و اولهم الجد طلعو برا وناضروها عيالها واقفين عندها وماسكه بنتها بيدها
محسن بصدمه وهو الي يحب اخته بس منقهر منها بسبب فعلتها: موضيي!!!
موضي: اي موضي ي محسن
نهيان بعصبيه: لك وجه تجين بعد سواد وجهتس ها؟!
موضي بدمعو: يخوي زوجي مات وصاحب البيت طردنا ومافي مكان وجيت ابيكم تسامحوني
الجد بغضب: تجين بعد سواد وجهتس فضحتيني بين الناس سودتي وجهي وبعد وفاء زوجك ترجعين هنا براا سامعه مابي اشوف وجهتس
موضي بحزن ودموع: تكفون سامحوني سامحني يبه سامحوني اخواني مالي غيرك في الدنيا مالي الا الله ثم انتو وعيالي
ناضرو العيال عمتهم بحزن
برق: يبه جدي سامحوها هي رجعت لكم وهي بنتكم الوحيدة
الجد بغضب: اسكت انت ويلا انتي براا
...
عند الحريم كانو يتكلمون بسوالف ويتقهون والبنات مشغولين
دخل عليهم برق الصغير وهو يقول: ياجده مزون
ام نهيان: سم يولدي وش بغيت
برق: عمتي موضي رجعت
وقفت الجده بصدمه ودموع بنتها رجعت
الجده: وينها
ام حامد: بشويش انتبهي مسكتها ام حامد وهي تكلم برق
برق: هم برا و جدي سلمان يهواشها وجدي نهيان معصب طلعو الجده وام حامد وام فهد معاهم ماسكين الجده والبنات يناضرون بعض بستغراب
غيمه: عمتي موضي؟ ماعمري سمعت عنها
ديم: اي انتو كانتو صغار وماتذكرونها هي هربت مع واحد وجدي عصب لان كان بيزوجها وهي هربت
ليلى امشو نشوف وش صاير
وقفو البنات يناضرو بستغراب وشافوها واقفه تبكي وبنتها الصغيره خايفه منهم
...
الجده:بنتي ماتطلع يا سلمان وان طلعت بطلع معها ومالي رجعه عندك بنتي راحت ومابيها تروح واحفادي بيكونو عندي انا سكت كثير ومابي بنتي تروح مني
انصدمو محسن ونيهان
محسن: وش تقولين يمه
نهيان: يمه هدي وش الي تطلعين
الجده: انا قلت كلمتي ان طلعت بنتي واحفادي مالي جلسه هنا معاكم
الجد بغضب: خليها بس ماني مكلمهم ولا بسامحها سودت وجهي طلع الجد من بيت معصب ولحقوه نهيان ومحسن عشان مايصير له شي
الجده حضنت بنتها وهي تبكي
موضي: سامحيني يمه سامحيني
الجده: انسي خلاص مرح اخليك تطلعي من هنا
ناضرو البنات الي صار وحزنو على عمتهم
الجده: الا وش اسمهم عيالك
موضي: ذا مبارك الكبير و ذا بندر وذي بنتي وداد
الجده بحنان: يشبهونك يولدي يا مبارك خذ اخوك ورحو عند العيال نادت الجده سهم
سهم: سمي يجده
الجده: خذ عيالك عمتك عندكم
سهم: ابشري
مشو مبارك و بندر مع سهم متوجهين للعيال الي رجعو المجلس
...
عند العيال دخل سهم ومعه مبارك وبندر جلسو
برق: الا وش اسمكم
تكلم مبارك: انا مبارك وذا اخوي بندر
برق: يانهيان يابرق
جاو العيال
برق الصغير: سم ياخال
برق: اخذو بندر معاكم
نهيان: طيب ياعم
ناضر بندر اخوه وهز راسه
نهيان: يلا بندر مشا معاهم وطلعو برا يلعبو كره مع عيال الديره
سهم: الا يا مبارك تشتغل؟
مبارك: حاليا ادور شغل
سهم: كم عمرك؟
مبارك: ٢٦
سهم: زيي خلاص من يوم انت صديقي
مبارك بضحك: تم
انسجمو مبارك وسهم ولقا سهم الشخص الي يفهمه وعلى جوه
...
فلاش باك
موضي بدموع: وشلون اتزوجه يبه ما ابيه
سلمان: بتتزوجينه وغصبن عنك سامعه وانسي عزام
موضي: تكفى يبه كيف اتزوجه يبه تكفى لاتزوجني له يبهه
سلمان: قلت لك الي عندي وخلاص جهزي نفسك كم يوم ويجون يملكون لك طلع من عندها وجلست هي تبكي
في الليل قبل الملكه بيوم طلعت من بيت اهلها وهي تناضره
شافت عزام واقف ينتضرها
عزام: خذيتي كل شي تبينه
موضي: اي
عزام: اخيرا بتصيرين لي ياموضي
ركبو السياره وكانت معهم اخت عزام مشو طالعين من الديره
الصباح
مشت مزون وهي تدق باب غرفه موضي ولكن ماترد عليها خافت مزون على بنتها انها سوت بنفسها شي راحت مزون تقول لزوجها وعيالها ومشو متوجهين لغرفتها كسرو الباب ماشوفو احد شافو ورقه كاتبه فيها
"سامحوني انا هربت مع عزام وبتزوج انا مابي اتزوج خالد سامحوني ما اقدر اتزوج واحد متزوج انا بتزوج عزام" عصبو اخوانها وكيف ماحسو انها هربت ومن ذا اليوم الجد قرر ان محد يذكر موضي او سيرتها.
...
دخلو الحريم وجلسو والبنات قامو يسلمو على العمه موضي
موضي: عرفوني عنكم ما اعرف فيكم الا ديم و ساره و وحامد و فهد وهذال وبرق
ام حامد: الي جنب بنتي ديم ليلى بنتي وجنب ليلى غيمه بنا اخوك محسن و جنب غيمه تاليا بنتي و جانب تاليا شروق و غروب بنات الجيران وبحسبت بناتي
وقفت البندري وحضنت اختها
البندري: اشتقت لتس بعد وفاة هدى وانا فاقدتس
فارس الي كان مايدري وش الي صار بحكم ان كان في شغله: ياولد
تحجبو شروق وغروب وحطو الطرحه على وجههم
وكذالك ام حامد وام فهد
الجد مزون: ادخل وانا امك ادخل
دخل فارس وانصدم لما شاف موضي
فارس بصدمه: موضيي!
ابتسمت موضي بحنان: اي وانا اختك
فارس بحزن: ليه تهربين وتسوين كذا ليه ياموضي طلع فارس بحزن وركب سيارتها لحقه نيار لما شافه طالع ركب فارس سيارته وركب بجانبه نيار
نيار بصدمه لما شاف دموع فارس: فارسس! وش فيك وانا اخوك صاير شي
فارس: رجعت اختي وانا منقهر منها رجعت اختي نيار متخلين اكثر من عشرين سنه ماشفتها
نيار: هد وانا اخوك خلاص هي رجعت مايصير الزعل بينكم انتو اخوان
فارس: مادري مااقدر اسامحها هي هربت ما واحد وانا كنت ادورها بدون علم ابوي انت عارف وش صار فيني بذيك الفتره
سكت نيار وهو يناضر فارس الي يسوق السياره بحزن
...
عند الحريم
حزنت موضي من ردت فعل فارس بس سكتت
الجده: خلاص وانا امك بيسامحك صدقني مو يحبك واكيد مايرضا زعلك
ابتسمت موضي حق امها وسكت
ناضرتهم وداد مستغربه منهم
الجده: عطيني ياها اخذت وداد الي بعمر سبع سنوات
الجده بحنيه: وش اسمك يبنتي
وداد ببراءة: وداد
ابتسمو البنات على برائتها
قامت وداد من حضن جدتها وراحت عند امها
وداد: ماما مين ذول
موضي: هذول بنات اعمامك وذي جدتك
وداد بفرحه: الله عندي بنات عم
راحت وداد عندهم وجلست بجانب غيمه
وداد: قولو لي اسمكم
البندري: انا عمتك البندري بس قولي لي البندري لاتقولي عمه
ابتسمت وداد لها
وكلمت البندري الي جنبي شروق صديقتي وجنبها اختها غروب وجنب غروب بنت عمك نهيان تاليا وجنب تاليا غيمه بنت عمك محسن وجنب غيمه ليلى بنت عمك نهيان واخر شي ديم وساره
وداد: الله اسمكم حلو
غيمه: يعمري الصغير انا اخذتها غيمه وجلستها بحضنها
...
بعد كم يوم جاء رمضان شهر الخير
كان وقت الصباح والبنات نايمين
دخلت عليهم البندري تصحينهم وشافتهم نايمين بطريقه تضحك
موضي بضحك: يلا يبنات اصحو جاء الصباح
صحو البنات عدا تاليا والبندري الي كانو بسابع نومه
حاولو البنات يصحونهم بس ماصحو نزلو البنات وشافو جدتهم صاحيها حبو راسها
الجده: صباح الخير يبنات
البنات: صباح النور
شافتهم الجده وكانو ناقصين تاليا والبندري
الجده: وين البندري وتاليا ليه مانزلو
غيمه: ماصحو حاولنا نصحيهم بس تعرفين نومهم ثقيل
الجده: يبناتي حاولي تصحيهم
غيمه: ابشري راحت غيمه غرفه البنات
وحاولت تصحيهم
غيمه: يلا تاليا والبندري اصحو بعتب وانا اصحيكم
تاليا: اوفف الواحد ماينام خلاص قمت
البندري: شوي بس نمت متاخر امس
غيمه: لا اصحي الحين جدتي مصعبه تقول خليهم يصحو
صحت البندري وهي تعرف عصبيه امها
ضحكت غيمه على شكلها
ناضرتها البندري بطرف عين ونزلو البنات حبت البندري راس امها وتاليا بلمثل
الجده: وش ذا نوم شوفو الساعه
البندري: نمت متاخر عشان كذا
الجده: السهر ذا مايفيدكم نامو بدري تصحون بدري
البندري: طيب
ليلى: كلام بس اخر شي هي اخر من ينام
ضحكو البنات على البندري
وبعدين الكل قام على شغله الي تطبخ والي تنظف
في مطبخ
غيمه الي شافت تاليا تدمع: تاليا وش فيتس تدمعين
تاليا بدموع: من البصل
ليلى: الله يعينتس ساره حبيبتي عطيني الملح الي جنبك اعطتها ساره وكملت ليلى الطبخه
عند البندري وديم الي كانو يرتبو محلس الرجال
البندري بتافف: اوف ياخي اكره الشغل
ضحكت ديم عليها: اشتغلي بس عشان نروح نرتب الطاوله وبعدها ننظف المجلس الحريم
البندري جلست بتعب: تعبت وش ذا الكرف وفوق ذا شوفي كيف المجلس من العيال كيف مخربينه
ديم: تعرفين العيال كيف بس يلا خلينا نكمل
قامت البندري وكملو البنات شغلهم
...
في مطبخ عند البنات
غيمه: انا بسوي لكم كيكه الليمون الي تحبونها
ليلى: يالبيه كيكه الليمون ومن غيمه
تاليا: اشتقت لكيكتس
غيمه: تم بسويها لكم
العمه موضي: يلا بنات كملو شغلكم
...
عند الاطفال
كانو في الحوش كانت غاليه ودانه جالسين ومعهم وداد و هدى ولتين
غاليه: انا با اعد وانتو تخبو
دانه: بس اصبري خلينا ناخذ هدى عند عمه ساره
غاليه طيب
راحت دانه وهي شايله هدى دخلت البيت وشافت جدتها
دانه: جده
الجده مزون: سمي يبنتي
دانه: عادي تخلين هدى عندك
اخذت الجده هدى وطلعت تاليا تركض وصلت عند غاليه
لتين: وداد تعرفين لها العبه؟
وداد: اي العبها مع اخوي بندر
غاليه: يلا تخبو
كل وحده راحت بجهه
غاليه: واحد اثنين ثلاثه اربع.... خلصت العد وبدت تدور عليهم راحت ورا البيت وشافت لتين
غاليه: مسكتك
لتين: اوف امشي ندور الباقي
شوي وشافو دانه ورا الشجره الي في الحوش
غاليه: لقيتك باقي وداد خلينا ندورها نقول لها انه دور لتين
عند وداد الي راحت مجلس الرجال وهي ماتدري و شوي ودخل الجد وناضرها جلس وتكلم
الجد: انتي بنت موضي؟
هزت وداد راسه ب اي
وداد: انت جدي صح
هز راسه الجد وتكلم: وش تسوين هنا؟
وداد: اتخبى عن البنات لانو قاعدين نلعب اشر لها تجي له وراحت له
الجد: كم عمرك
وداد: سبعه
حضنها الجد هو مهما عصب على بنته بتبقا بنته هو ندم ان اجبرها بس بنفس الوقت معصب انها هربت ما كان يبي يصير ذا الشي
دخلت الجده على الجد وهي ماسكه هدى شافته وهو حاضن وداد ابتسمت بنفسها
الجده: وش صاير
نزل الجد وداد الي ركضت بعد ماسمعت ندا البنات لها
الجده: ياسلمان لاتقسي على بنتك هي الحين كبيره وقتها ماتفهم شي لاتقسي قلبك على بنتك فكر ياسلمان تراها بنتك مهمه صار بتبقى بنتك
ناضرها الجد وقعد يفكر
...
المغرب
راحو الرجال المسجد يصلون والحريم بعد يصلون في بيت
خلصو الرجال ومشو راجعين البيت في طريق
مبارك بهمس لسهم: جايع
سهم: كلن على همه سرى
مبارك: امش شوفهم بعدو
سهم: يلا
بعد مده وصلو جلسو على الطاوله سمو وبدو ياكلو وبلمثل عند الحريم...
...
بعد الفطور جلسو العيال في المجلس تكلم سهم وقال
سهم: من قال بلوت
مبارك: انا
برق: وانا
هذال: وانا
بعد مده
نزل سهم: بس
نزل برق الورقه: بس
مبارك: بس
ضحك هذال وصرخ باعلى صوت: اربعع ميههه
صرخو العيال باعلى صوتهم لفوزهم
هذال وهو ينزل الورقه: ها ها ها ها
ضحك برق: حي والله ذا العين
هذال: حي نباك
كملو العيال ضحك ولعب.