"جيتي مثل غيمة وله رحتي بلا برق ورعد "

part 14

بعد مرور اسبوع
خروجو مهاب و برق وكان ب استقبالهم اهل برق ومهاب وكانت ام برق تبكي عليه وراحت وحضنت برق
برق: ليه الدموع ي امي ليه شوفيني قدامك مافي الا خير ما صار شي ليه تبكين
ام حامد: ابكي عليك خفت تروح مني بعد ماجاني خبر
برق: خلاص يا امي هذاني قدامك وراح باس راس ابوه وجده وعمه ابو فهد وبعدها الكل تحمد له بالسلامه ورجعو بيت جد في مجلس الرجال
الجد: بكرا بسوي عزيمه بمناسبه طلوع برق من مستشفى و اعزمو اهل مهاب بعد
برق: ابشر ي جد باتصل عليه واخبره
هز الجد راسه وهو يسمع سوالف عياله ويشوف احفاده حوالينه ويشوف سوالفهم وحماسهم
طلع برق ودق على مهاب
رد عليه مهاب
مهاب: اهلين ابو نهيان اخبارك وكيف الاهل
رد برق: الحمدالله كلنا بخير وانت اخبارك ابو محمد كيفك عساك بخير
مهاب: الحمدلله بخير
برق: بكرا مسوين عزيمه وعازمك انت والاهل لزوم تجون
مهاب: ابشر على ذا خشم
وبعد سوالف وكلام قفلو دخل برق داخل عند رجال وجلس جنب هذال وشافه سرحان
برق: هذال وش فيك مسرح
هذال: ولا شي افكر بجود وش حالها وش صار فيها
برق: انشاء خير اكيد بنحصلها تصبر ياخوك
...
عند وافي بعد ماخرج من بيت ركب سيارته وهو محتار وناضر جوال الي بحضنه يهزت وشاف مكالمه من صديقه اوس
وافي: هلا ابو اسر شخبارك طمني عنك اخبار الولد والولده
اوس: كلنا بخير وانت كيفك واخبارك من زمان ما شفنا بعض وتكلمنا اخر خبري انك كنت مسافر
وافي: اي بعد سفره جاتني مهمه وانشغلت فيها
اوس: وش رايك نلتقي وناخذ علوم بعض
وافي: زين نروح مكانا المعتاد
اوس: اي يلا انا طالع الحين اشوفك هناك
وافي:  طيب مع السلامه
اوس: مع السلامه وسكرو
حرك وافي لمكانهم المعتاد الي يروحون له ويتكلمو في وهم زباين معروفين فيه
وصل وافي وعلى نزلته من سياره شاف اوس نازل
سلامو على ودخلو محل الشاي وقال اوس
اوس: وش تبي تشرب
وافي: زي المعتاد
اوس بصوت عالي يمحمد جيب اثنين شاي
وافي: اسكت اسكت شوف كيف يناضرونا
اوس: يشيخ طير
وافي: المهم اجلس بس
اوس: ايه وش حالك وصار عليك بذي فتره؟
قال وافي ل اوس كل شي عن المهمه ومن زوجه من جود وهو مايخبي شي عليه وهو عارف ان اوس كاتم اسراره ومستحيل يقول لحد شي
اوس: الحين وش بتسوي بترجع البنت لهلها ولا كيف
وافي بضياع: مدري يخوك مو عارف اتصرف يعني الحين متزوجها وحاطها عند اهلي في بيت وابي ارجعها حق اهلها بس لازم اخلص المهمه
اوس: هدها يخوك وانشاء الله تنحل وبعد كلام وسوالف ضلو لين الساعه ٢ والمحل صار فاضي
وافي: اقول اوس نطلع من محل شوف كيف يناضرنا وكانه يطردنا
اوس: احسن لنا نطلع بكرمتنا لا يطردنا وطلعو من محل وتفرقو وكل واحد راح لبيته
...
عند غروب
بعد المحاضره طلعت عشان نلتقي بصديقتها ومالقتها وطفشت من مالقتها وقررت تروح الكفتيريا حقت جامعه حلست على كرسي بعد ماطلبت الي تبي وكانت منشغله تراجع فجاء حست ب احد يجلس على كرسي الي قدامها رفعت نضرها وماكان ذا الا مطلق
غروب: نعم شتبي جاي لحقني لين هنا
مطلق: افا كذا تقولي للي ساعدك
غروب: مشكور بس تقدر تروح يعني مافي مكان الا هنا جاي؟
مطلق: اي صراحه شوفي مكان شلون زحمه وكيف مافي مكان رفعت راسها وشافت انه صادق
غروب: طيب خلاص اجلس بس مابي اي ازعاج لو سمحت
مطلق: ابد مستحيل يطلع مني ازعاج
رجعت غروب تراجع وتذاكر لمحاضرتها ول الاختبارات الي قربت
كان مطلق يتاملها وكان يتامل عيونها الي جذبته من اول مره شافها فيه
مطلق: جايه بعثه هنا؟
رفعت غروب راسها
غروب: اي عشان جبت معدل زين وجاتني ل هنا بعثه وسافتر هنا عشان اكمل دراسه
مطلق: مشاءالله جايه لهنا لوحدك
هزت غروب راسها بمعنا اي ناضرت غروب ساعتها وشافت وقت وقفت غروب
وناضر مطلق فيها
تكلمت غروب وقالت: يلا باي بروح محاضرتي تاخرت عليها
راحت غروب و ابتسم مطلق ب اعجب فيها
...
عند مهند الي قرر يترك الطب حس انه مو قادر يكمل وخاف يصير ذا الشي مره ثانيه وقرر يجلس في بيت
دخل مهند بيت الجد وشاف الجده وام حامد جالسين يتقهوو
الجده: ي هلا وغلا بمهند اخبارك يمي وش حالك
ابتسم مهند: اهلين ي جده وجلس عندها
ام حامد بحنان: اخبارك مهند عساك طيب
مهند: حمدالله
ام حامد: غريبه جاي بدري ماهي بعوايدك تجي بدري اعرفك تحب شغلك وتجي متاخر عشان منوباتك
مهند: تركت الشغل
انصدمو الجده وام حامد
الجده: ليه ي حبيبي تترك شغلك عسا ما صار شي
بس
مهند بحزن: وانا اسوي عمليه ل شخص جانا مسوي حادث مات الشخص وانا اسوي له العمليه وخبرت اهله و حزنت عليهم ماعنده الا ولده الوحيد و زوجته والحين تركهم انا خايف اسوي عمليه ثانيه ويموت شخص ثاني
ام حامد: صل على نبي ي ولدي الاعمار بيد الله وهذا يومه يمك لاتترك شغلك وانت الي تعبت وانت تدرس عشان تدخل هل المجال
مهند: مقدر مقدر وراح غرفه العيال الي في بيت الجد
[طبعا بيت الجد في غرفتين للعيال وللبنات بس العيال احيانا مايجو لذي غرفه وينامو في مقلط]
دخل مهند الغرفه وانسدح على الفرشه و ضل يفكر ونام بدون يحس
...
عند وافي بعد ماخرج محل وبعد ما ودع اوس راح للبيت ولما وصل شاف الكل نايم دخل غرفته هو وجود وشافها نايمه قفل الغرفه واخذ له بطانيه ومخده وفرش له تحت
اما جود كانت قاعده من وقت واستغربت انه ماجاء بس قالت ودخلني بحريقه
وفجاء حست ب احد يدخل وسوت نفسها نايمه وشافته لما اخذه له البطانيه وفرش له تحت ونام هي ما كانت متاكده اذا نام او لا لفت على جهته تحول تعرف نام او لا وشافته يتحرك وخافت
اما وافي حاس في احد يناضره لف يبي يشوف شاف جود نايمه ورجع يغمض عينه بمحاوله النوم لانه مو متعود على نومه تحت شوي ونام وافي ولحقته جود في نوم
...
عند بطلتنا
جاها اتصال من مستشفى يبلغوها ان اجازتها خلصت ولازم تحضر تجهزت هي وليلى عشان يروحو الشغل
غيمه: اسمعي بنروح مع هذال لان هو قال بيودينا
هزت ليلى راسها وهي تلبس النقاب وتشوف غيمه من منظره تلبس لبس مستشفى خلصو وركبو السياره حقت هذال
دخلت ليلى السياره وقالت
ليلى: السلام عليكم هذال
رد عليها هذال وهو يناضر المرايه
هذال: وعليكم السلام ليلى اخبارك
ليلى: حمدالله وصمت وصلو المستشفى ونزلو ليلى وغيمه المستشفى وهو راح شغله
دخل وشاف محمد جالس وسلام عليه
محمد: تدري اليوم برق خويك ومهاب ارتفعت رتبتهم وم
وصار برق عقيد و مهاب عميد ولازم يحضرو عشان يتكرمو وماحضر غير مهاب وبرق لسه ما جاء
هذال: لازم اخبر برق
برق: الو هذال امر شبغيت
هذال: عندي لك خبر بيعجبك
برق: اخلص وش هو
هذال: انت ومهاب وهمام ارتفعت رتبكم وصرت امت عقيد ومهاب ولازم تحضر انت تجي
فرح برق وقال: يلا هذاني جيت وسكرو
بعد ربع ساعه وصل برق وشاف العساكر جالسين و شاف مهاب واقف ومعه اثنين من اللوء وراح وقف عند مهاب
برق: مبروك ي مهاب
مهاب: الله يبارك فيك وانت بعد مبروك
برق: الله يبارك فيك
بعد مده
طلع برق وشاف مهاب وعنده سيف
برق: ابو محمد اشوفك اليوم؟
مهاب: اي
برق: اجل على خير خرج برق وهو رايح لبيت جده
دخل وشاف الكل يجهز ويرتب راح وباس راس جده
وقال: اخبارك ي جد
الجد: بخير على ماتحب
برق: زين وجلس وهو يشوف العيال يرتبو و شاف برق ونهيان يتحلطو لان جايبنهم غصب يرتبو
عصب عليهم لانهم مايرتبو زين
وقال: ي برق ونهيان رتبو زين لا اقوم عليكم
خافو اثنيهم وصارو يرتبو بسرعه وخوف ضحك عليهم سهم وهو يقول: لي ساعه اقول لكم رتبو وما ترتبو زين ولما جاء برق وتكلم خفتو تستهالو وجلس يضحك شوي وجاء نيار و انس يساعدونهم وامتلى بيت الجد بحسهم وضحكهم العالي
...
عند بنات كلهم تجعمو وقعدو يجهزو ويحاولو في غيمه تلبس وراحت غيمه تلبس بعد ماغصبوها البنات
خلصو البنات تجهيز
زهت غيمه بفستانها الازرق
و ليلى-سماوي وشال ابيض
تاليا-وردي
ساره-بيج
ديم-اسود
لينا-بنفسجي
البندري-تيفاني
شروق-احمر
__________
نزلو البنات وهم في غمه اناقتهم
سمو عليهم الامهات وحصنوها
الجده: حصنو نفسكم يبناتي
حصنو البنات نفسهم وراحو كل وحده تسوي شي لين يجون ناس بعد وقت عند رجال
جاء اتصل على جوال ابو حامد وكان من ابو مهاب
ابو مهاب: السلام عليكم ابو برق
ابو حامد: وعليكم السلام وصلت خير امر
ابو مهاب: معاك ابو مهاب زميل ولدك في شغل
ابو حامد: يهلا امر يخوي
ابو مهاب: ابيك ترسل لي الموقع لنا ساعه نفرفر ومهاب عنده الموقع وهو لسه ما جاء
ابو حامد: ابشر الحين ارسل لك الموقع وسكرو
ابو حامد: يا برق يا برق
جاء برق صغير وقال: ياجد خالي ماهو موجود امر
ابو حامد: بغيتك انت ماهو خالك
برق صغير: امر يجد شبغيت
ابو حامد: ابيك ترسل موقع البيت على ذا رقم خذ الجوال
برق صغير: اوف اوف يجد معك ايفون اكشخ
ابو حامد: اقول بلا يكثر حكي ارسل وانت ساكت
برق صغير: ابشر
ارسل برق صغير الموقع على رقم واعطا ابو حامد الجوال وراح هو عند نهيان يكملو لعب الكوره
...
عند العيال صغار
بعد لعب كوره راحو يتمشو في بيت
نهيان: يولد ماتحس بطفش
برق: صادق طفش مو طبيعي
برق: تخيل سمعت لك امس في مدرسه ان في هوشه بين عيال متوسط وثانوي[مدرسته فيها ثانوي ومتوسط]
نهيان: اما بين مين و مين
برق: بين شله سياف و شله نواف القزم
نهيان ضحك: وانت للحين تسميه قزم تذكر لما سمعك وكفخك
برق: بس كفخته وماخليتها بخاطري يقهر يولد ومن ذاك اليوم وانا حاقد عليه
نهيان: امش امش خالي سهم ينادينا
برق: طيب وفي مدرسه بنشوف احل. اكشن
ضحكو اثنينهم وراحو يركضو حق سهم
...
في مجلس الرجال المكان مزين بريحه العود و البخور والرجال الي مالين المكان والعيال الي رايح وجاي والي يضيف الضيوف والي يقهويهم
كان الجد وعياله نهيان ومحسن جالسين كان نهيان على يمينه ومحسن يساره وبجانب محسن حامد وجانب حامد فهد وعلى يمين نهيان ابو انس  اما العيال انس و سهم يقهوو الرجال وفارس ونيار يروحو يشيكو على ضيافه والعشاء وراحين جاين وسهم وهذال راحو يجيبو ذبيحه وبرق جالس بجانب ابو انس
...
عند بنات بعد مارتبو البيت ضلو شوي وبدو يجو ناس والبنات رايحن جاين بالحلى والشاي والقهوى والصوت الاطفال العالي وسوالف الحريم
كانت غيمه توزع الحلى على حريم بعد ماخلصت راحت عند حريم
ام عادل: اقول ام يزن
ام يزن: سمي
ام عادل: من ذي بنته الي وزعت علينا الحلى قبل شوي
ام يزن: بنت محسن ماعرفيتها غيمه
ام عادل: وي يزينها كبرت وماتغيرت ودي اخطبها ل عادل ولدي
ام يزن: اي ماخذه جمال امها مشاءالله عليها خطبيها حق ولدك شوفي فيها وش زينها جمال ودلع وحسب ونسب
ام نايف الي كانت تسمع سوالفهم
ام نايف: اي غيمه وش حالتها جمال بسم الله عليها زينه حق ولدتس عادل
ام عادل الي ابتسمت وحطت الفكره براسها
...
عند رجال
كان يتكلمو بمواضيع مختلفه شوي ويدخلو رجال ال منصور متوسطهم ابو ضاري ويمينه مهاب ويساره ابو سعود كان شكلهم مهُيب ويلفت الانظار وقفو رجال ال جابر وقال الجد
الجد: يالله حيه ي ال منصور
ابو ضاري: الله يحيك ويبقيك
الجد: تفضلو اجلسو
وجلسو ال منصور كلهم وكان ابو ضاري قاعد عند الجد و يمين ابو ضاري اخوه وباقي العيال جلسو عند الي جابر
برق: يالله حيه اخباركم يرجال
العيال: الله يحيك ويبقيك
صارو مهاب وبرق يسالفو ومندمجين ويتكلمو عن شغل وعن ارتفاع رتبتهم
و اما بنسبه ل هذال
و عقاب وسعود ومطلق اندمجو بسوالف مع مهند ويتكلمو عن مستشفى والاشياء الي صارت والحوادث
و ناصر ومنصور وفيصل اندمجو مع سهم لان على جوهم
اما صغار برق ونيهان اخذو تركي و ثامر معهم وجلسو بزوايه المجلس يتكلمو
برق: الا وش اسمائكم
تركي اشر على نفسه وقال: انا تركي والي جنبي ثامر وانتم
برق: انا برق والي جنبي نهيان
نهيان: كم اعماركم احسكم نفسنا
تركي: ثامر ١٩وانا١٨
برق بصراخ: حلو قريب من اعمارنا
ثامر: ليه كم
برق: انا ١٦ونهيان١٦ بس طبعا انا اكبر منه ب شهرين
نهيان: يخي ذليتني على ذي شهرين
ثامربضحك: حلو جوكم تضحكوني
غمز نهيان: نعجبك
كملو سوالف بينهم وطلعو يلبعو كوره
...
عند الحريم دهلو بنات ال منصور وهم ماهم عارفين شي شافتهم غيمه الي كانت رايحه تجيب الشاي
غيمه: امرو وش فيكم واقفين ادخلو
ام ضاري: والله يبنتي محنا عارفين وين واحنا جينا هنا معزومين
غيمه: شكلكم ال منصور اذا ماخاب ضني
تكلمت مرام: ايو صح عليتس
غيمه ابتسم ل مرام واخذتهم للمكان الي متواجدين الحريم قالت غيمه لجدتها عنهم وقامت الجده تهلي وترحب فيهم
الجده: يالله حيهم ي ال منصور حياكم اجلسو غيمه خذي البنات معتس مجلس الي في البنيات
غيمه ابتسمت: ابشري يجده
وقالت لهم تعالو مشو البنات معها بخجل كونهم مايعرفونها
همست مرام حق الجود وقالت: ماتحسين البنت طيبه وجميله
الجود: صادقه بس امشي امشي شوفي البنات بعدو شوي
وصلو لمكان البنات وكانو بنات الجابر جالسين وكانو في بنتين من ديره معهم
غيمه: اعرفكم هذول بنات المنصور
ديم: مشاءالله جميلات اجلسو حياكم جلسو بنات المنصور
ليلى: اي عرفونا عليكم واحنا بنعرفنا عليكم
تاليا: انا بعرف بس ابي وحده منكم تساعدني عشان تعرفنا عليكم
وقفت مرام وقالت: انا
تكلمت تاليا: اعرفكم بنفسي انا تاليا المزه بينهم
ناضروها البنت وهي بلعت ريقها وقالت: امزح امزح حتى هم ضحكو البنات عليهم وكملت وذي الي لابسه ازرق غيوم والي جانبها اختي ليلى وجانب ليلى عمتي البندري
البندري: عمه تعميك قولي لي البندري
تاليا بنضره: طيب طيب وكلمت وقالت
والي جنب البندري شروق والي جنب شروق
الجود: مشاءالله
مرام: انا مرام اجمل وحده فيهم ضحكو البنات عليها لما عرفو انها تقلد تاليا وكملت مرام هذي نجمه الجود وجانبها الوريد  اخت نجمه وجانب الوريد غرام توامي وجنب غرام ريما و اخر شي الاخوات بندري وسمو وبيان
شهقت البندري: الله سميتي جيبوها لي
ضحكو على تصرفها
وقعدو يسوالفو بمواضيع مختلفه والكل اندمج مع بعض في كلام
...
عند وافي بعد نومه متعبه صحا من نوم وماحصل جود شافها طالعه من دوره المياه [يكرم القارئ] وكانت ماخذه شور ناضرو في بعض واستحت جود وطلع وافي بسرعه بعد ما اخذ جواله
بعد ماطلع وافي قعدت جود تكلم نفسها
جود: غبيه صدق كيف تطلعي كذا قدامه وتكلمت مره ثانيه بس انتي ماكنتي تدرين فكرتيه نايمه وقالت مره ثالثة اوففف شافني شوي وقامت تبدل ونزلت تحت عند اهل وافي و شافت عدنان قاعد عندهم وتبدلت ملامحها لكره كانت بترجع فوق لولا صوت ام وافي الي تناديها تجي نزلت مجبوره ماودها تشوفه وهو كان يناضرها من نزلت درج لين جلست بجانب وافي بس بعيده شوي
ام وافي: اي شخبار المعاريس امس
وافي بتسليك: كويسين
ام وافي: زين تعالي يجود تقهويي واعطي وافي ذا لانه يحبه سوت جود الكلام ال قالته ام وافي
وجد: اي جود شرايتس نروح الحوش ونفرش لنا جلسه
جود: اي [قالت اي عشان تبي تهرب من نضرات عدنان الي يناضرها من نزلت] راحت مع وجد واخذ وفرشه واغراض وقعدو يزينو مكان وبعد ماخلصو جلسو يسوالفو راحت وجد تبي تشرب ماء ونست جوالها واستغلت جود الفرصه تبي تتصل على اهلها لاكنه مو حافظه ارقامهم فقدت الامل هذي المره جود انها بتتصوال مع اهلها
نطق وافي الي كان وراها وكان يراقبها من راحت وجد عنها الين الحين فزت بخوف من صوته وهو يقول بحده
وافي: قدرتي تتواصلي معهم؟
فزت جود وحطت جوال في مكانه التفتت له وهو يناضرها شافها ساكته ومافي رد منها راح تاركها تفكر
...
عند طلال في مستشفى
كان يمشي بالممرات وسمع واحد يقول حق الدكتور الثاني الدكتور مهند ترك الشغل و السبب مايعرفونه انصدم طلال كيف مهند يترك الشغل دق عليه ثواني ورد مهند عليه
مهند: هلا طلال كيفك
طلال: اهلين مهند سمعت شي بس مدري صح او لا
مهند بستغراب: سم وش هو
طلال: سمعت انك بتترك الشغل صدق؟
مهند: اي والله بتركه
طلال: ليه يخي انت ممتاز في شغلك و معروف انك من اشطر الممرضين ليه تترك شغلك
تنهد مهند: يبي لنا قعده ياخي اقولك بكره يبي لنا جلسه واقولك كل شي
طلال: اجل تم اشوفك بكرا يلا مع السلامه
مهند: مع السلامه
...
عند رجال
وقف الجد وقال حياكم على ضيافه ولدي برق ومهاب بمناسبه طلوعهم من مستشفى
ابو ضاري: ماتقصر والله
الجد: ولو مهاب بحسبه ولدي يلا امش معي
تكلم الجد بصوت عالي: يلا يرجال تعالو على عشاء مشو الرجال مع الجد لمكان عشاء وبدو ياكلو والعيال الي رايح وجاي يوزع الماء والعصير عليهم
خلص عشاء الرجال ورجعو يجلسو بمجلس الرجال
والعيال بدو يقهوو الرجال ويحلوهم ويضيفوهم
...
عند لينا الي طلعت برا تحس ماودها تجلس معهم وقررت تكون برا كانت تسقي ورود جدتها و مو منتبه للي يتاملها هو كان طالع برا بيسوي شي بس لفت انتباهه الي لابسه فستان بنفسجي وتسقي ورد فجاء سمع صوت الرجال الي طالعين وكان مايبي احد يشوفها راح لها وسحبها في مكان عشان محد يشوفها انصدمت لينا وسمعت صوت رجال وكانت تناظر انس وهي خايفه وتبي يفكها بعد مارحو الرجال تنهد انس وفك لينا وهي بسرعه ركضت داخل ابتسم انس وراح
...
عند البنات
تكلمت نجمه: الا انتي ي غيمه متزوجه
غيمه: لا بس اني مخطوبه
نجمه: مشاءالله
تاليا: والله اني حبيتك ي مرام
مرام: حبيبتي وانا بعد بيتك
جت ديم وهي الي كانت عند حريم
ديم: يلا بنات حطينا العشاء تعالو قامو البنات معها وراحو عند حريم و بدو ياكلو
بعد الاكل رجع الكل يتكلم وصوت المجلس صار عالي من اصوات الحريم
قامت ام عادل وقالت حق ام هذال انها تبي تخطب غيمه حق ولدها عادل....
...
اعذورني طولت على ما انزل المره ذي كتبت بارت طويل من ٢٧٠٩كلمه💗