"قـالت ابـي مـنـك امـان قـلـت كـلي امـان انـتي فـمانّ الله وفـي وجهـي وفي شنـبي"

البارت الاول

فـي حـوش بـيت الـجد نـاصر الـي فـيـه ابـواب وكـل بـاب هـو بـيـت واحـد مـن عـيـالـه.
خـرج فـهـيد مـن بـاب بـيـته وهـو يـشـوف ابـوه وامـه مجتمعين حول شبة النار في وسط الحوش:صبحهم الله بلخير
الجده:بالرضاء والنعيم يولدي
جلس فهيد وتقدم لدلة القهوه الي على النار وهو ياخذها ويصب قهوه للجد
مد له القهوه واخذها الجد:فهيد اخوك محسن علامه؟
فهيد:وشو يبه؟
الجده:محسن فيه شي مو طبيعي
فهيد الي لاحض على محسن تغيرات فعلاً:مدري يبه بس بسأله واشوفه وان شاءلله خير
جاهم سلمان وجلس ولاحض سكوتهم:صاير شي؟
محد رد عليه استغرب ولف لابوه:يبه محسن البارح شفته راجع نص اليل وكان واضح عليه فيه شي
لف الجد بستغراب:نص اليل؟
سلمان:نعم يبه
دخل ناصر الحوش وسلم عليهم بصوت جهوري وردو عليه وهمس الجد:اقطعو السالفه
جلس ناصر ولف لابوه الي سأله:وينك من بعد الفجر
ناصر:ابد رحت لجسار وهالحين رجعت
شوي واجتمعو كل الرجال حول شبة النار والقهوه والبنات اجتمعو بلمطبخ يسوون الفطور

'
بلمطبخ
دخلت تذكار وهي تدندن
-
واتسبدي الي من الهجران منفطره
واعيني الي من الاحزان ماجفت

لفت لها نوف:الحومه الي تحوم تتسبدس-كبدك-تعالي ساعدينا
تذكار:هذاني جايه
البندري:من وين طالعه الشمس تذكار داخله المطبخ ومروقه؟
ندى:واضح شايفتلها شوفه
قرصتها تذكار:وجع يوجعتس ماتستحين
ندى وهي تغمز لتذكار تبي تنرفزها
المهاء الي تعجن:اقول تذكاروه ورا ماقمتي تسوين شي
تذكار:ياكثركم تقدرون لوحدكم
وقفت نوف:والله لاعلم جدتي
بحركه سريعه مسكتها تذكار:خلاص يلخبله بساعدكم
رجعت نوف:هاذا الي ينفع معتس
البندري:تعالي قطعي الطماط
نوف:تذكار هاتي السكين بسرعه
اخذت تذكار السكين بسرعه وعطتها
نوف وهي تبي تستفز تذكار:شايفتني اذبح ناقه جايها هالسكين هاتي اصغر
رجعته تذكار:والله معاد اجيبلتس شي
ضحكة نوف ولفت تكمل شغلتها ودخلت غزلان وهيا يساعدونهم.
'
فـ الحوش.
جلس صقر وعلى يده ذياب
عبد العزيز:ليه جايب هالمزعج
صقر:اسكت لااحطه على راسك الحين
سكت عبد العزيز الي خاف فعلا ان صقر يقرب منه ذياب
لف الجد لباب محسن الي للحين مقفل مو مثل العاده تنهد بخوف ان الي في باله يكون صح ولف لناصر:فز شوف عمك للحين ماجاء
وقف ناصر وراح لباب بيت محسن وهو يدقه والكل كان يناضر
فتح محسن الي وجهه معفوس من النوم:خير
الكل استغرب شكل محسن وقال الجد بصوت عالي:محسن
فز محسن:هلا يبه
الجد بعصبيه:البس وتعال
محسن:ابشر يبه
مشى محسن لداخل وترك الباب مفتوح ورجع ناصر وجلس وعم السكوت فلجلسه والكل يفكر وش فيه محسن تغير
اجت منيره الي معاها الفطور وقفو العيال يساعدونها وتجمعو وهم يفطرون والحريم داخل
'
عند الحريم
لفو اول مادخلت رذاذ وابتسمت تحاول ماتبين شي
البندري:رذاذ فيك شي
رذاذ:لا ابد
ام ناصر:امُس وينها
رذاذ:امي تعبانه شوي ولا تبي شي
ام فاهد:وشلون تعبانه وما تاكل
رذاذ:معليتس باخذ لها فطور معي
ام فاهد:زين اجلسي افطري
جلست رذاذ تفطر وتحاول تنشد بسوالفهم وتنسى الي صار البارح
باليل الساعه 2:
دخل محسن وكان مو طبيعي وقفت ام رذاذ الي حست بدخوله وخرجت له بصاله:انت وش فيك تاخرت
محسن وهو يأشر لها بسكوت:اصص اصص مصدعع
خرجت رذاذ الي كانت منتضره بغرفتها وخايفه على ابوها الي تاخر ركضت له زي العاده بتحضنه بس دفها بقوه وطاحت على الارض
قربت امها بسرعه وهي تساعدها وكلهم منصدمينن بتصرفه
سلمى(ام رذاذ:محسنن
قاطعها محسن الي عطاها كف بقوته وهو مو بحسه وصرخ:قلتلك اص وخذي هاذي واذلفي من قدامي
شهقت رذاذ بصدمه ولفت لابوها:يبه
قاطعها محسن بنفس الكف وهنا كانت الصدمه الكبرى لرذاذ الي ما بعمرها ضربها ابوها حتى لو على غلط
صرخت سلمى بعصبيه:محسنن تضرب بنتك انت شفيك واضح انك شارب شي
انجن محسن من كلامها وصرااخها وانقض عليها وضربها يمين ويسار ورذاذ الي تحاول تساعدها بلقوه بس ماقدرت تركهمم ودخل يتروش ونام بهدوء ولا كأنه صار شي وكانت صدمتهم اكبر من وجعهم والي صار رفع الضغط عند سلمى ومرضت من وجعها وصدمتها في محسن الي كان احن ماخلق ربي عليهم اما رذاذ الي طول اليل وهي تهوجس وشوي وتبكي ولاقدرت تنام هاليله
--
7:30ص
افترقو الرجال كلن راح لشغلته باسوق والعزبه.
ونزلو البنات للحوش
ندى:بنات تدرن وش اتخيله هالحين
تذكار بفضول:وشو
ندى:وانتي يلملقوفه ورا ماتسكتين
تذكار:احمدي ربتس اعطيتس وجه ولا محد معبرتس
نوف:مستحيل يمر يوم بدون هواشكم يالثنتين
غزلان:وان مر يوم بدون هواشهم يوم ماله طعم
تذكار: متى ياربي اتزوج وافتك منكم
ندى:ما انتي مبعده بتتزوجين هنيا
تذكار:ليه يعني بتزوجيني اخوتس المقرود
سكتو اول ماسمعو بندر عند الباب:ياولد
بلعت ريقها تذكار بفشله انه سمعها ووقفت ندى للباب الحوش:خير
بندر:قولي لجدتي في عزيمه عند ابو ثنيان اليله خل يتجهزون هي وعماتي
ندى:وحنى يلبنات
بندر:انتهم طقم فناجيل وش يبون فيكم
ندى بقهر ودها تروح:الفنجال الي يصقع براسك
ضحك بندر ومشى ودخلت ندى لجدتها
وقفتها تذكار الي مسكت بيدها:تكفين قولي انه ماسمعني
ضحكت ندى وقالت بمزح:ايه سمعتس ويقولتس ابيتس يلمقروده
تجمدت تذكار من الفشله والصدمه
ندى وهي تهرب:امزح معتس يلخبله
انطلقت وراها تذكار بقهر لين وصلت عند الجده ولا قدرت تسوي شي
__
في محل ابو فهيد(الجد) لسيوف والخناجر.
وقف عبد العزيز اول مادخل رجال وقال:انت عبد العزيز
عبد العزيز:اي نعم أمر؟
مد له الشخص الضرف:هاذ مرسول لك.
عبد العزيز بستغراب:لي انا ومن مين
صاحب الضرف:حرص علي ما اقول اسمه وسلام عليكم
مشى الشخص وخرج وترك عبد العزيز بحيرة جلس على الكرسي وهو يفتحه ويقرا الي داخل كان بيت شِعر