"قـالت ابـي مـنـك امـان قـلـت كـلي امـان انـتي فـمانّ الله وفـي وجهـي وفي شنـبي"

الـبـارت الـثـأمـن

_
دخلت نوف على امها وناولتها الما وجلست جنبها:يمه لا تخافين ناصر رجال وش بيجيه
حصه:ناصر ماكلمني من امس اكيد فيه شي
البندري:لا ان شاءالله مافيه الا العافيه يمكن مافضى تدرين ليه مسافر اكيد مابيجلس على الجوال
حصه:قلبي يابنيتي ناغزني انا ام وأحس
تحمحم عبد العزيز وتغطت البندري ودخل للغرفه:افا ياحلوة البن علامتس
حصه:طمني ناصر كلمك احس فيه شي هالولد
ابتسم عبد العزيز لها:تخافين على ناصر يمه خافي علي انا اصغر منه ناصر عاقل وبعدين تلاقينه هالحين بلجبال والوديان يدور لزوجته
ناضرته نوف:مواساتك مثل وجهك ليتك ساكت ابرك
عبدالعزيز:للا انتي الي تواسين مثل الناس ياعزتي لامي متحملتس واجد
نوف:اقول اذلف مب ناقصه ناقصين عقل انا
عبدالعزيز:الله واكبر يا ام عقل انتي
وقفت نوف:هيه انت بتذلف ولا
قاطعها عبدالعزيز بضحكه:لالا بروح وش ابي بشد الشعر انا
نوف:ايه روح لانتف لك هالكم شعره الي براسك
كتمت ضحكتها البندري وناضرت حصه الي هدت وابتسمت لمناقراتهم
ابتسمت نوف من شافت ابتسامت امها:زين طلع منا فايده وخليناتس تبتسمين ياحلوة البن ماعليتس ناصر ان شاءالله انه بخير
البندري:دامتس رضيتي يلا انا باروح لامي بلبيت تحتاجني
نوف:يحلوتسس بدونتس مادريت ويش اسوي
البندري:افا على وشو
حصه:الله يخليتس يبنيتي
ابتسمت البندري وخرجت وراحت لبيتهم
'
بلخيمه
صحى بندر على اذأن الضهر ابعد عنه الفروه وجلس وناضر حوله ومالقى احد من العيال لف لساعته يشوف الوقت لان السماء ممتلئه بلغيوم ومو محدد الوقت ابتسم من شاف فروة مفلح والواضح انه هو مغطيه
جا مفلح وناضر بندر:علامك نمت بلخيمه
بندر:الحين الضهر ليه ماصحيتوني
مفلح:عجزنا فيك نصحيك وماتقوم
وقف بندر:ها اجل بروح اصلي وارجع البيت
هز مفلح راسه بلايجاب وقام بندر وهو ياخذ شماغه وحطه على كتفه ومشى ومشى بعده مفلح الي صكر الخيمه وراح للمسجد
'
دخلت البندري للبيت وناضرت فيصل الي يحوسس بصاله:وش تبي
فيصل:جابتس الله وين مفاتيح سيارتي تركتهم بصاله والحين مالقيتهم
مشت البندري ودورت للمفاتيح وماهي الا ثواني ولقتهم لفت لفيصل:ذول وشو
اخذهم فيصل:كفو وخيتي لي ساعه ادورهم مالقيتهم
البندري:انت لو انهم عند رجولك مالقيتهم
فيصل:ليه اعماء ما اشوف
البندري:ههههههههههه لو انك تشوف كان لقيتهم
فيصل:ههههه المهم مستعجل انا وترا فاهد يبيك بغرفته
البندري:ها فاهد ماراح لدوامه
فيصل:ماخذ اجازه
خرج فيصل ومشت البندري لغرفة فاهد وطقت الباب وجاها صوته بـ ادخلي
دخلت وناضرتها جالس على مكتبه ويحوس بلاوراق:فاهد تبيني
لف فاهد:ايه وين كنتي
البندري:كنت عند عمتي حصه مسيكينه خايفه على ناصر
فاهد:ليه؟
البندري:تقول انه من امس ما تصل ولا يرد على الاتصالات
فاهد:ايه حتى انا اتصلت ولا رد بس ماعليه من هنا لبكره اتصرف
البندري:ززين تبي شي بروح اساعد البنات بلغدا
فاهد:ايه خذي بدلتي اغسليها دوامي العصر
البندري بتسأول:ليه وين زوجتك
فاهد الي فهم انها ماتبي تخدمه:افا خلاص اج
قاطعته البندري:هاا لا فهمتني غلط يوخيي اغسل ملابسك كلهم ماعندي مشكله بس اسأل
ضحك فاهد: اها المها عند اختها تقول تعبانه
البندري:اها صح نسيت
فاهد:بنت فيك شي
البندري:لا ولاشي
ابتسمت وهي تاخذ بدلته العسكريه وخرجت صكرت الباب واستندت بلجدار بتعب:ياربي انا ليه مانمتت ها الحين مافيني حيل اسوي شي
دخلت ام فاهد وناضرت البندري مستنده بلجدار وبحضنها بدلت فاهد والواضح انها نايمه
ام فاهد:يمه البندري شفيتس
فزت البندري وهي تتعدل:ها لا لا ولاشي
ام فاهد:بتس نوم انتي
البندري:لا بس بغسل بدلت فاهد المها مو موجوده
ام فاهد:هاتي انا اغسلها واضح انتس مانمتي البارح زين روحي نامي وارتاحي يبنيتي
البندري:لا يمه ولو انا
قاطعتها امها وهي تاخذ البدله:روحي ارتاحي
البندري:طيب الغدا
امها:كلن سوا غداه في بيته اليوم وانا سويت غدا جدتس وجدس وزودت لكم
هزت راسها البندري ومشت لغرفتها بتعبب
'
فبيت لاول مره نجيه
دخل سلطان وهو مبتسم:انا وصلت
ركضت وعد وهي تضحك ورفعها بين يدينه وبحضنه:بابه ماما تصيح
سلطان:ها وش فيها
اسرع سلطان بخوف وهو ينادي نجلا
نجلا:هنا بلمطبخ
دخل سلطان وناضرها تغسل يداتها:وعد تقول تصيحين
ضحكت نجلا:ههههه لا كنت اقطع بصلل
تنهد سللطان:اها خوفتني
ضحكت وعد ودغدغ لها سلطان فبطنها وزادت ضحك:تضحكين على ابوتس ها
نجلا ببتسامه:مسويه لك ازين كبسهه ممكن تذوقها
سلطان:دامها من يداتس فا اكيد
ناضرتها بتشميقه:اجل من يدات مين
ضحك سلطان:هههه التشميقه شي ثاني
ابتسمت نجلا ومشى سلطان:انا بروح ابدل واتروش على ماتحطين الغدا
نجلا:لا تتأخر ميته جوع
حط وعد بلارض ومشى للغرفه مسرع
'