.
العصر بديار نجّد.
عدلت غزلان نقابها واخذت شنطتها البسيطه الي فيها ملابسها
لفت للباب الي دخلت منه امها منيره:يمه عمس منتضرتس برا
مشت غزلان لامها وباست يدينها:ودعتس الله يمه انتبهيلك
ابتسمت منيره ومسحت على راس غزلان:لا تخافين يمه انتي عند عمس الي مثل ابوتس
هزت راسها غزلان ب أيه وخرجت وقابلت هيا وسلمت عليها وخرجت من البوابه وناضرت جدها وعمها سلمان وصقر الي واقفين معى عمها وسمعت من بين كلمات جدها الي خلتها تبتسم:وغزلان تراها ام دميعه هالله هالله فيها
العم:لاتوصي هاذي بنت الغالي
لف الجد لغزلان:اركبي يابنيتي ودعناس الله
مشت غزلان بصمت وركبت وركب بعدها العم وحرك لبيته الي بعيد حوالي نص ساعه
دخلت منيره للجده الي جالسه بصاله وحولها البنات
الجده:راحت
منيره بضيق:ايه
حصه ام ناصر:لاتضيقين بتجيك زياره مابتقطع
الجده:لاتلومينها ياحصه الضنى غالي
منيره:اي والله الضنى غالي
تذكار بهمس لنوف:بنفتقدها والله
نوف:اي والله ام دميعه مكانها يفضى بسرعه
تذكار:مو مرتاحه لعمها اببد
نوف:وين شفتيه؟
تذكار:كنت جايه من البقاله وشفته معى جدي وعمي سلمان
قاطعتهم الجده:اليوم ناصر(الجد)عازم ابو ثنيان وعياله على العشاء
ام فاهد:الله يحيهم
ام بندر؛ام ثنيان بتجي
الجده:اكيد
ام بندر بتسأول:الا شررايتس ببنتهم طيف
الجده:يزينها سنعه ليه تسألين
ام بندر:افكر اخطبها لبندر
رفعو البنات عيونهم بصدمه على ام بندر وبعدها لفو لتذكار الي جمدت وهي تناضر الارض
ام ناصر:زين ما اخترتي
الجده:البنت ماشاءالله عليها سنعه بس واضح انا صغيره
ام بندر: لا وين مو صغيره عمرها 24
الجده:زين زين
ابتسمت ام بندر براحه والواضحح لهم انا فرحانه لبندر وتبي له طيف بأسرع وقت
وقفت من بينهم تذكار بصمت وعيونها بلارض وقفو بعدها البنات كلهم بسرعه.. الحريم استغربو بس محد تكلم
عدلت تذكار طرحتها وخرجت للحوش ودخلت لبيتهم لان العيال بلحوش وبعدها البنات بسرعه دخلو وراها
نزلت الطرحه من على راسها ورمتها بلارض وصكرت الباب وجلست واستندت بلباب وماهي الا ثواني واسمعت البنات ينادونها ويطقون الباب
نوف:تذكار تكفين افتحي
ندى:تذكاروه ندري فيك ترى وبندر اكيد مابيوافق هو يحبك مثل ماتحبيه افتحي
تذكار اول ما اسمعت كلامها انزلت دموعها بدون سابق انذار
ندى:تذكار نسيتي نسيتي وش كان يقول فيك بندر من وانتم بزارن وهو يقول فيك قصيد مستحيلل يتركك بعد هالعمرر
البندري بهدوء:تذكار افتحي لنا لاتجلسين لوحدك وتهوجسين بشي مارح يصير
رذاذ:ايه تذكار ترا جلستك بلحالك مو زينه
ماردت تذكار الي غطت وجها بين رجولها وهي جالسه وتنزل دموعها بصمت
البندري:تذكار افتحي
صرخت تذكار تبي تسكتهم:خلاص روحو مابي احدد ابيي اكون لوحدي
انصدمو البنات من نبرة صوتها وعرفو انا تبكي
لفت رذاذ للبنات:تبكيي!!
البندري بصدمه:تذكار منجدك ترا كله كلام وبندر بيرفض وتنتهي السالفه
__
بلحوش استغربو العيال من تذكار الي مرت بدون كلام غير العاده واستغربو اكثر من البنات الي لحقوها
عبد العزيز:في بلا
دخل بندر وجلس بينهم ولف لفيصل الي يصب قهوه:وراك مارحت العزبه
فيصل:جدي عازم ابو ثنيان اليله ع العشاء وقال اجلس
كشر عبد العزيز:ياليل ذا الملفي بيجي
بعكس ناصر الي ابتسم من تذكر غيرة رذاذ
ولف لبندر:مدامك جيت ومعك العود سمعنا شي
فيصل:اي والله نبي شي
اخذ بندر العود وفكر فـ شيله
__
عند تذكار الي فتحت الباب بعد ما اغسلت وجها:خلاص مافيني شي خلونا نرجع عندهم
البندري:تذ
قاطعتها تذكار:مافيني شي خلونا نروح مشت تذكار ووقفت عند الباب من سمعت بندر يعزف ويغني بصوته العذب وعرفت انه يقصصدهاا
أنت تقرأ
"قـالت ابـي مـنـك امـان قـلـت كـلي امـان انـتي فـمانّ الله وفـي وجهـي وفي شنـبي"
Nezařaditelnéتحكي عن بطلتنا رذاذ ومعاناتها من ابوها القاتل وعن غزلان الي تعاني من عمها وزوجته وكيف بيلاقون امأنهم من الي عايشينه من ضلم وخوف؟.
