"قـالت ابـي مـنـك امـان قـلـت كـلي امـان انـتي فـمانّ الله وفـي وجهـي وفي شنـبي"

البارت السابع

.
.
بعد مرور اربع شهور

الجد للحين نفس ما هو مقعد على الكرسي صدمته في ولده ماتخطاها الجده ماتخطت وياما حلمت في محسن وهو يبرر لها وتقوم مفجوعه وتصيح ولدي ماسوى شي....ناصر ماترك مكان مادور فيه وزاد عليه الضغط بعد ما الضابط صكر ملف محسن لانهم عججزو يلقونه بس لو يلقونه بيتنفذ الحكم فيه...امه تكلمه يرجع وابوه والكل يحاول يقنعه بس رفضض وصكر على الموضوع وسعود موقف معه وكل يوم يدعمه يكمل ولا يوقف اما ناصر الي ماتعب بلعكس كل يوم يدورها اكثر من اليوم الي قبله اول شهر كان في اسلام اباد والثلاث الي بعدها يتنقل من مدينه بمدينه بدون تعب
رذاذ مانقول ارتاحت من عذاب ابوها بس من عرفت ان ناصر يدورها صبرت وتتدعي يوم الفرج يجي تقربت من وصِال كثثير صارو اكثر من صديقات فهاذي الاشهر اما محسن الي من اردى حاله لاردى كل يوم ضرب وسكر وهواش وللحين مايدري عن وصِال لان رذاذ بلقوه تخفي عنه لانها تدري لو عرف انها سعوديه بيمنعها منها
اما الباقينن روتينهم العادي ماغير ام بندر الي كل يوم تصر هلى بندر يوافق ويتزوج وهوو رافض تماماً وبنفس الوقت مو قادر يحكي لها عن تذكار اولاً لانهم بهالوضاع والجد مقعد وتذكار الي تشوف انه بدري على الزواج
'
اما فلحاضرر جالسه الجده وبيدها مسبحه
والكل حولها يسولف نطقت تذكار بفضول:جده مين الناس الجدد الي انقلو هنا
الجده؛وش عليتس منهم
تذكار:ها لا بس سؤال
الجده:مانعرف عنهم شي
لفت لها ندى بهمس:وش فيتس تسألين عنهم شتبين
نوف بهمس لندى:يبنت معاهم ولد مزيووون
قرصتها تذكار وهمست:عيبب الله ياخذتس تخيلو تسمعنا جدتي
ندى:اجل تعالو المطبخ والله تعلموني السالفه
نوف بحماس:تعالي تعالي
وقفت نوف وسحبت ندى ولحقتهم تذكار
رن الهاتف وفزت ام ناصر ترد:الو
ابتسم ناصر:شدارك انه انا
حصه:فز قلبي يولدي
ناصر:يبعد روحي يمه شلونك
حصه:انا طيبه وبخير انت يولدي شلونك مانويت ترجع
ناصر وهو جالس فوق جبل كبير:انا بخير لا تخافين علي
حصه:وش تسوي الحين
ناصر بكذب:ابد جالس فلفندق
حصه:ولدي لا تتعب نفسك لو انهم موجودين لقوهم
قاطعها ناصر:يمه الله يخليتس لاتفتحين هالموضوع
تنهدت حصه:خايفه عليك يولدي
ناصر:لاتخافين والله اني طيب وبعدين عندك عزوز وصقر اذا ناقصس شي علميني
حصه:لا ولدي ماناقصني شي غير شوفتك
ناصر:ماني مطول ان شاءالله ناوليني جديده بسلم عليها
ابتسمت حصه واشرت للجده الي قربت تكلم ناصر بلههفه وشوق لحفيدها
'
بلمطبخ
ندى:وش علمونيي
نوف:تخيلي الصباح رحنا لأم مازن (وحده من عجايز الديره)
نعطيها اغراض من جدتي وحنى راجعات لمحنا واحد يخز بنضراته في تذكاروه تخيلي واييي يا ندى يهبللللل
ضربتها تذكار بخفه:بنت اثقلي
ضحكت نوف:مسرعع ما صرتي تغارين
ناضرتها ندى بستغراب:تذكار وشش
قاطعتها تذكار:لا ماعليتس منها مو انا الي احب واحد من الشارع
ومشت وخرجت من المطبخ
نوف:تسذب من الصباح وهي تمدح فيه لا والعيون فضاحه بعد
سكتت ندى بستغراب
كملت نوف:لا وتخيلي انه دافع حساب دين تذكار الي فلبقاله
ندى:وشش تستهبلين
نوف:لا والله عاد اول مره تذكار تسكت انصدمت منها
ندى:تر كلها عشره ريال
نوف:اقولتس تذكار طاحت ومحد سمى عليها
سكتت نوف من نادتها الجده وخرجت لها اما ندى الي تنهدت بضيق وبتفكيرر هي لاحضت تغير تذكار بس ماتوقعت هاذا السبب
اما نوف الي مشت تكلم ناصر
'
بعد دقايق وقف ناصر وحط جواله بجيبه
كان لابس بنطال جينز بألون الاسود وتيشرت اسود وجاكيت بني كبير لان الجو كان مطر وغيم والجوء باردد وكان فوق الجبل ناضر حوله بس مالقى اي حركه او ان في شي يشير ان في ناس هنا عايشين تنهد بتعب ونزل من الجبل بحذر لف من حس باصوات ومشى بتجاه الصوت ومر بين شجر وجبال ووقف يناضر بصدمه بيوت قديمه واطفال يركضون ويلعبون قرب بهدوء واول ماشافوه الاطفال بدو يصارخون ويهربون وماهي الا ثواني ويجتمعون الرجال وكلاً حامل بيده عصاء
نطق واحد متوسطهم بلهجة الباكستانيه
: منن انت وش تبي
ناصر:للا مابي شي بس ابحث عن زوجتي
قربو كلهم والعصبيه واضحه على وجيهم وصرخو بكلمه غير مفهومه لناصر بس تعني ارحل
مشى ناصر وابعد لان الواضح اننهم عشيره ويمنعون الغريب يقرب لهم ومن المستحيل يكون محسن هنا
'
كانت جالسه معى وصِال وسوالف توديهم وتجيبهم
رذاذ:احسس فقدت الامل اني ارجع لاهلي
وصِال:لا تفقدين ومثل ما انتي قلتي ان ناصر اجا وتعنا لك يدورك فـ ان شاءالله يلقاك
سكتت رذاذ بتفكير ونطقت وصال:بس لازم انتي تساعدينه بعد
رذاذ بستغراب:شلون
فزو على صوت اطلاق النار
وصِال:ياليل النشبه
رذاذ:بروح لابوي انا لايجي يدورني ويشوفك
وصِال:اية روحي بسرعه
وقفت رذاذ ومشت وهي تسمع اطلاق نار يجي من بعيد ماصارت تحاف منه لانها تعودت على هالصوت قربت من البيت بس وقفت وهي تسمع رشدي يقول:ماعليك رجالي يتصرفون ويبعدونه عن القريه
محسن:وش سويت
رشدي:تسمع هالصوت(يقصد الرصاص)
ناضره محسن بصدمه:بيقتلونهه
رشدي:لا لاتخاف يخوفونه ويبعدونه بس
تنهد محسن بتوتر ورذاذ الي تسمع بستغراب من يقصدون
'
اما ناصر الي سمع اطلاق النار وتوقع انهم طالبان وبينهم اشتباك
مشى ولف لطريق الثاني وكمل يدور
'
دخل نواف على اخته حنان(ناس جدد توهم ينقلون لديره)
حنان:يهلا بوخيي تعال تعال مجهزه لك قهوه يحبها قلبك
ابتسم نواف وجلس:سلمتي ما ابي شي
حنان:وراك فيك شي
نواف:ايه
حنان:وشوو
نواف:ابيش تخطبين لي
ضحكت حنان:وويي تونا جايين لديره
نواف:شايفٍ لي وحده وابيها
حنان:منهي طيب
نواف:سمعت وحده تناديها تذكار ودخلو لبيت ال ناصر
حنان:زين على حسن حظك رايحه لهم العصر اتقهوا واشوفها لك
ابتسم نواف:الله يخليتس لي
ابتسمت حنان وتنهدت بتفكير وقام نواف وابتسامه الخبث على وجه وفسخ ثوبه ودخل يتروش
(حنان الاخت الكبيره لنواف مطلقه ولا تحتها عيال ونواف اصغر منها بسنيننن وهي ربته بعد وفات امها وابوها وبلمعنى يعتبرها امه)
'
كان الوقت عصر بتوقيت باكستان وكان ناصر يمشي بين الجبال والاشجار ناظر بيت قدامه بس بعيد شوي مشى له وهو يبعد اوراق الشجر من قدامه ويناضر للبيت وفجأه التوت رجله وطاح على اطراف حفره عميييييييقه وضيقهه مره رجع على ورا بحركه سريعه لان لو طاح فلحفره مارح يطلع منها عايش اخذ نفس وحمدالله انه ماطاح فيها وحاول يوقف على رجله الملتويه بس كانت توجعه ولا قدر يقوم عليها
سحب نفسه لورا واستند على جذع شجره ونزل شنطت الظهر وطلع منها زمزميه وشرب ماء وتنهد بتعب اخذ جواله وناضر الساعه الي كانت4 ونص العصر ومابقى شي على اليل وناصر للحين تايهه بلجبال
ولا كان في شبكه حتى يشوف الطريق على الموقع حط جواله بالشنطه واخذ شال منها وانحنى لرجله وهو يلويه عليها تساعده وتخفف الألم
تنهد ومر على طيفه رذاذ وابتسم بخفه:كل ذا عشانتس وعشان ارجعس لي وضحك رغم تعبه وحاول يوقف ويستند بالشجره ونطق بعدها:جعله يفداس
وكمل طريقه للبيت بس هالمره بحذر اكثرر
'
بدلت رذاذ ملابسها واوقفت قدام المرايه تضبط شعرها ناضرت نحفهاا اللزايد والتعب الي بملامحها وشعرهاا المتكسر والمتبهذل عكس زمان كانت آيه بلجمال فزت برعب على دخول محسن للغرفه بطريقه سريعه وناضرها من فوق لتحت يتأكد اذا هي موجوده او لا وخرج حطت يدها على قلبها الي فز بخوف وتنهدت تحاول تبعد الخوف والرجفه الي سرّت بعروقها اخذت نفس وخرجت من الغرفه وناضرته منسدح بصاله وحاط كتفه على عيونه قربت وجلست بهدوء عند راسه ومدت يداتها بخووف لراسه وبدت تهمزله ماتكلم محسن وابتسمت رذاذ بحزن بعد ماكانت تهمز راسه بكل جب واطمئنان صارت تخاف حتى انها تكلمه نطقت بعد تردد:يبه
مارد محسن وكملت رذاذ:تذكر لمن كنا نجلس بصالة بيتنا وكنت اهمز راسك وامي تسوي العشاء تذكر لمن نصحى بدري عشان قهوة جدي لاتبرد ولمن نجتمع كلنا معى بعض تحت سقف واحد سكتت تاخذ نفس من اخذلتها دموعها ونزلت على خدها وكملت) تذكر وش كانت تقولك امي لمن تدلعك وكنت اضحك عليكم كانت تناديك حسسون وينكك وكنت تعصب منها احيان واحيان تضحك وامي بلعكس ماكانت تتوب كل ماشافت تناديك كذا كنتو تقولون لي انتي بنتنا الوحيده انتي نعمه من الله وما نفرط فيس كنت قبل ما انام لازم تجي تتاكد اذا تلحفت او لا لاني ماكنت احب اتلحف وتخاف علي من البرد (ضحكت من بين دموعها) حتى مره جيتني بنص اليل تبي تلحفني بس انصدمت اني متلحفه بلكامل وتحسبني مريضه وبلغصب اخذتني للمستشفى تفحصني وكنت اقولك مافيني شي وتقول الا فيك شي ولا كيف تلحفتي من نفسك اكيد صابتك حراره من هالمكيف وفعلاً طلع مافيني شي كنت اشوف خوفك علي وحنيتك كنت اشوف امان الدنيا كلها فحضنك يبه لهدرجه الحبوب تغير الشخصص يبه انا رذاذ بنتك الوحيده شفيكك تغيرت علي يبه انت يتمتني قتلت امي قدامي يبه تكفى قوم وقول هاذا كله مزح وامك بعدها عايشه يبه انا مليت وتعبت وضقت منن هالعيشه يبهه تكفىى
وبهلحضه دخل رشدي بدون مايطق الباب وناضر رذاذ بنضره مافهمت مغزاها وقفت رذاذ وناضرته بكره وحقد:خير وش جايبك كلل الي صار فينا بسبك انت السبب لولاك انت كنت الحين بحضن امي وابوي جالس ويبتسم لنا بسببك انتت الحين انا متغربه من ديرتي ومن أهلي انت السبب في ان ابوي ياخذ هالحبوب (صرخت في وجهه:تفوو عليكك وعلى شكلك، ياخيي انت انسان مااا تحسس ماا عندكك مشاعررر ماتخافف من ربكك وش هالقلب الحجرر الي عندك الله اعلمم كمم شخص طاح تحت يدك وعاش بقذارتكك اناا ادري ان كل الي صار فابوي بسببك بسس اسمعع والله ما تنجحح بفعلتك هالمرهه
كان رشدي واقف ويناضرها بنضره سخريهه وقرب منها:انتي من وراك عشان هالقوه الي فيك (ناضر محسن بستهزاء)هاذا الي نايم ولا درا عنك
ناضرت رذاذ ابوها بقهر وحزن ولفت لرشدي:لاا انا ورايي شخص لو يعرف انك لمست شعره مني بس بيحرقكك والله اعلم وش بيسوي فيكك
ضحك رشدي:ناصر اجل هاا ماعليش كان بيجي هنا بس وجهناه لطريق غير طريقنا بكم رصاصه فقط
ناضرتها رذاذ بصدمه وسكتت بس قاطع هالسكوت رشدي الي قال بكل وقاحه:يازوجتي العزيزه لا تهذري
قاطعته رذاذ بكف على وجهه ونطقت وهي راصه على اسنانها بقهرر:ماني زوجتكك تفهممم انا زوجة ناصر وبسسس
حط يده رشدي مكان الكف بقهر وناضرها ودفها على الجدار وهو يخنقها بكفه الكبيرهه
تلاشت قوة رذاذ بهلوقتت وصارت تناضره بدون كلام ورشدي كل ما اهو يقوي يده على عنق رذاذ الي اختنقت وبحركه غير اراديه ورفسته برجلها في ركبته وتركها رشدي بوجع وركضت رذاذ لخارج البيت وهي تركض بدون حذيان لفت للبيت وناضرت رشدي الي اجا لها يركض وهو متوجع ركضت اسرع وهي متوجعه من رجلينها الي كل شوي يغزها شي فيهم
ورشدي يركض خلفها والشر يتطاير من عيونه ويدورها بين الشجر
جلست رذاذ خلف شجره وهي تطلع شوك من رجالها وتلتقط نفسها
'
فالديره وعند الجده الي جاتها حنان زياره وتتعرف عليهم
لفت حنان للبنات ونطقت:مين تذكار
استغربو البنات من السؤال ولفت لها البندري:مب موجوده بتحي الحين
الجده:علامتس عليها
حنان:مدري وش اقول صح اِنـا تونا عايشين بالديره بس اخوي مستعجل على الزواج وسألت الجيران وكلموني عنها
حصه بستغراب:تذكار
حنان:ايه وانا بما اني هنا ابسألكم ونشوف رايها اذا موافقه او لا
الكل كان مستغرب يعني لو انها سألت بيقولو لها عن الاكبر منها بس شمعنا تذكار
حنان:نواف اخوي االوحيد ومحد مثله فلحنيه وماشاءالله عليه من البيت للمسجد ومن المسجد للبيت
ام فاهد:مافهمنا انتي تخطبينها الحين
حنان:ايه ماعليش توترت ومادريت وش اقول
قاطعتها تذكار الي خلفها واقفه على الباب:وانا مو موافقه
ناضروها الكل بصدمه الا ندى الي ابتسمت براحهه ونوف الي ناضرتها بقهر
الجده:ادخلي يبنيتي تعالي
تذكار:ماله داعي ياجدتي كنت اسمعها وش تقول وانا مب موافقه
وقفت حنان بعجله:خلاص ماعليه الواضح اني استعجلت عطوها وقت تفكر وترد لنا علم
تذكار:قلت مب موافقه
حنان:لك كم يوم فكري بس طلب صغير
الجده:آمري
حنان:ابي الحمام(اكرمكم الله)ولفت لتذكار:عادي توديني له
مشت تذكار وتنهدت بداخلها(ياصبر الارض): تعالي
مشت حنان وراها وا وقفت تذكار:هاذا الحمام
شهقة حنان:وش ذا بشعرك
تذكار بستغراب:وشو
قربت حنان لشعرها وهي تقول:اثبتي لاتتحركين
وقفت تذكار بستغراب ورجعت حنان:لا ولا شي احسب ان فيك قمله
دست حنان يدها فالشنطه وناضرتها تذكار بصدمه:وششش
ماردت حنان الي دخلت الحمام ولفت تذكار للمرايه تناضر بستغراب لشعرهاا ومالقت شي
'
وقغو البنات وراحو للمطبخ
نوف:تستهبل تذكاروه
ندى:ليه عشانها رفضته
نوف:هاذا الي حكيت لكم عنه
ندى:بس غريبه على طول خطبتها
البندري:اول زيارها لها وعلى طول خطوبه تصدقون ما ارتحت لها
ندى:منجد احس شكلها غريب
دخلت تذكار بصمت
ندى:وش صار
تذكار:ولاشي راحت
ندى:أزين
نوف:غبيه انتي ترفضين
تذكار:ليهه وش فيه عشان اوافق
نوف:يبنت مزيونن
تذكار:اجل خذيه انتي ما ابيه
ابتسمت ندى وناضرتها نوف:اها صح منتضره المقرود بندر
شمقت تذكار بعيونها ومشت تاخذ لها ماء وتشرب
ندى:ماتوقعتس خفيفه يانوف
البندري:هههههههه بركض لها بقول تجي تخطبك له
ندى:نواف ونوف لابقيييين
لفت نذكار من عندد الثلاجه:اسمه نواف؟؟
نوف:ايه حتى اسمه حلوو
ندى:اخخخ وين ناصر عنتس ولا صقر يسمعونتس
نوف:لاا تكفين الا صصقر
ندى وهي تقلد صقر بحركة تضخيم صوت ونضره حاده:وشووو الي انا سامعهه هااا
نوف:ههههههه لايشوفك بس
تذكار وهي تضرب على صدرها بثقه:عنكم اكبر نقالة علوم
البندري:انشهد انس ام زكي
ضحكو البنات وكملو سوالف وتناست تذكار موضوع حنان
'
عند ناصرىقبل بوقت:
ناضر البيت الي قدامه والواضح انه قديم ولا في احد فيه وكان الباب مردود مشى بهدوء ودخل وناضر السقف المتهالك والجدران المتكسره لف بيخرج بس توقف بصدمه من دفه شخص لورا ومسكوه اثنين من وراه
ناصر:من انتم!!!!
رشدي:ههههههه ليه تبي تعرف
ناصر:تتكلم سعودي!!
رشدي:ايهه
ناضره ناصر بستغراب:وش تبي طيب
اشر رشدي للاثنين الي ماسكين اكتاف ناصر وسحبوه معهم لداخل وحطوه على كرسي وقف ناصر بعصبيه واستغراب ودف الاثنين عنه وصرخ بوجه رشدي:تحسبني بزر عندك من انت!!
ضحك رشدي ومد السالسال الي بيده وهو مبتسم
وقف الدم بعروق ناصر بصدمه وهو يناضر سلسال رذاذ بيد رشدي السلسال مستحيل ينساه مستحيل ينسى يوم ملكته منها والسلسال الهديه الي اعطاه لها
اخذه بسرعه ورفع نضراته لرشدي:وينهاا
رشدي:منهي؟
صرخ ناصر بقهر وهو يمسك ياقة رشدي ويخنقه:رذاذ وينهااا انا ادري ان هالسلسال لهااا
مارد رشدي الي مبتسم وزاد قهر ناصر ويلكمه على وجه بكل ما اتاه الله من قوه:بتقنعني انك ماتعرف وينها وهالسلسال بيدك طلعها قبل لا اطلع روحك تفهمم
ابتسم رشدي وطلعو رجال من كل مكان وحاوطو ناصر ورشدي
ناصر:مستقوي بهاذول يلبزر
اشر رشدي على ناصر وقربو وهم ياخذونه ويربطونه بلكرسي غصباً عنه حاول ناصر يقاومهم بس الكثره تغلب الشجاعه
قرب رشدي بعد ماربطو ناصر ولكمه على وجه
ناصر:خواف رابطني عشان تاخذ حقكك
لكمه رشدي مره ثانيه وقرب من ناصر وهو يهمس فـ وجهه:رذاذ بتصير زوجتي قريب ارتاحح
عقد حواجبه ناصر بغضب وصر على اسنانه وهو يقول:بأحلامك تفهم
رشدي:ههههههههه ياحبيبي وش بتسوي يعني ابوها صار عبد عندي يعني بتقدر تقاوم ابوها عشانك
ناصر بثقه:اذا صارت زوجتك اذبحني بعدهاا
رفع رشدي حواجبه ببتسامه:واثق اجل
ناضره ناصر والقهر ممتلي قلبه:ان كانك رجال فكني ونتواجه
ابتسم رشدي بسخريه واشر لرجاله الي فهمو على طول وقرب واحد منهم لناصر وبيده منديل مرشوش فيه منوم
حس ناصر ان فيه شي وكتم نفسه يحاول مايتنفس ويخدره
ابعد الرجال وناضر رشدي الي اخذ المنديل وحطه على خشم نناصر الي حاول يقاوم بأشت الطرق بس ماقدر وشم المنديل وغفى على طول
'
دخلت رذاذ للبيت بعد ماتاكدت ان رشدي راح
وناضرت لمحسن الي نايم:كل الي قلته ماسمعته ولا حرك فيك شعره جالسه اصرخ بس انت ما تحس
تنهدت بضيق من نومة محسن الي صاارت ثقيله وبلقوه يصحى من بعد مايشرب
دخلت الغرفه وا وقفت قدام المرايا وهي تناضر رقبتها وكلام رشدي يتردد بمسامعها ان ناصر كان بيلقاها لولا تدخل رشدي تنهدت بقهر وهمست:الله ياخذك يارشدي
اخذت نفس وهي تشوف يده معلمه على رقبتها وعيونها المنفخه من البكى وصوتها المبحوح من الصراخ ورجولها المتقطعه والواضح انها داست على قزاز او حديد
جلست وفكت الشال الي عليه تشوفه ونت بألم ورجعت تربطه قبل لا ينزف واستندت على الجدار وغفت بتعب
'
دخلت حنان ببتسامه ووقف نواف بستعجال:ها بشري وش قالت
حنان بثقه وابتسامه مايله:رفضت بس هاا ماعليك اخليها توافق
نواف بستغرابب:وش سويتي
حنان:مثل ما سويت في زوجتك الاولا
رفع حواجبه نواف بصدمه وضحك:كفو وخيتي
حنان:الي يبيه وخيي يصير غصبب عن الكل
ابتسم ننواف ودخل غرفته
اما حنان الي جلست بثقه وموقف زوجة نواف الاولى ينعاد فبالها
'
اجتمعو البنات يسوون العشاء بعد صلاة العشاء
البندري:بنات تذكار وينها مختفيه مو من عادتها
نوف:بغرفتها تقول مالها نفس لشي
ندى:وش فيها
البندري:بروح لها
ندى:وانا معتس
نوف:وانا بعد
البندري:ومين بيقعد عند العشاء
نوف:عاده مطول والمها بتجي بعد شوي
البندري:اجل يلا
مشو لبيت تذكار ولقو الباب مردود بس الغرفه كانت مقفله
البندري وهي تطق:تذكار افتحي علامتس
فتحت تذكار ورجعت وجلست
دخلو البنات البندري:وش فيتس
تذكار:مدري
ندى:وش مدري بعدين ليه وجهك مصفر
تذكار:مدري من بعد صلاه المغرب احس شي صابني مو قادره اتنفس زين
البندري بخوف:وش تحسين نوديك لدكتور يفحصك
تذكار:لا ماله داعي شوي ويروح
نوف وهي تمسح على ضهرها:فيتس شي يوجعتس شي
تذكار:لا بنات بس احس اني مخنوقه شوي لاتصعدون الموضوع
وقفت ندى:بروح اجيب الاكسجين حق جدي واجي
تذكار:لا تعلمين احد مابي احد يدري
هزت ندى راسها بلايجاب ومشت بعجلهه ودخلت بيت الجد ولقتهم جالسين بصاله تسللت بدون محد يشوفها ودخلت لغرفة الجده ودورت بس مالقت شي تنهدت بتفكير وخرجت ناضرت بندر الي خارج من المجلس الي فلحوش اسرعت له وناضرها بندر بستغراب:بسم الله
ندى:شايف جني!!
بندر:لاتلوميني جايتني تركضين بهضلام
ندى:هص مب فاضيه لك اكسجين جدي معه بلمجلس
بندر:ايه توه منزله ليه
ندى:اركض هاته تذكار تبيه
عقد حواجبه بستغراب:تذكار؟
ندى:ايه
بندر:وش فيها!!!
ندى بتردد:تعبانه شوي ماعليه
بندر:تعبانه شوي وتبين اكسجين!!
ندى:مافيها شي بس ضيق تنفس
قاطعها بندر الي مشاء بتجاه بيت تذكار
ناضرته ندى بصدمه واستوعبت وركضت ومسكت بكتفه:تستهبل وين تبي
بندر:بشوفها
ندى:بندر انجنيت لو احد يشوفك بيذبحك على أي حق تشوفها
بندر:بتصير زوجتي ولي حق
ندى:لاتجنني بندر وارجع بسرعه هات الاكسجين
شتت بندر نضراته بقهر وخوف عليها لف وركض للمجلس واخذ الاكسجين
سعد:وش تبي فيه!
بندر:لا ولا شي
خرج بندر مسرع وناوله ندى الي ركضت لداخل ومشى بندر وجلس على الدكه الي قريبه من غرفة تذكار
'
دخلت ندى:هاذا هو جبته
تناولته البندري الي ضبطته لتذكار واخذته تذكار وهي تحطه على خشمها وانسدحت على رجول البندري الي ابتسمت ومسحت على راسها
نوف:اكيد ضيقت خاطرتس هاذيك الي اسمها حنان
ندى:ليه تضيق خاطرها بمى ان تذكار رفضت انتهى الموضوع
نوف:نواف مارح يوقف بيخطبها مره ومرتين
ندى:خيير من وين يعرفها عشان يصر عليها وبعدين توهم يجون
نوف:شدراتس انتي بلحب
ندى:اي حب تحكين عنه
نوف:لاتزعجينا بأخوك ندري انه يحبها لو انها يحبها خطبها مو مثل نواف على طول دق الباب
ناضرتها ندى بصدمه من كلامها ولفت لتذكار:تذكار قولي مو انتي الي رفضتي انه يتقدم لك لانك ماتبين الزواج الحين
قاطعتهم البندري:البنت تعبانه مو وقتكم
ماردت تذكار الي اغمضت عيونها بتعب
وقفت ندى بضيق وخرجت من البيت بس وقفت بصدمه من ناضرت بندر الي واقف والواضح انه سمع كل شي لف ومشى بسرعه
لحقته ندى تناديه:بندر بندر بس مالحقت عليه وخرج من الحوش
تنهدت ورجعت للبنات:بندر سمع كل شي
ناضرتها البندري بصدمه ونطقت نوف:واذا يعني
طنشتها ندى وناضرت تذكار الي ماتحرك فيها ساكن:تذكار فهمتي وش يعني ان بندر سمع
ماردت تذكار الي تناضر السقف بصمت والبنات منصدمين منها
نوف:ندى البنت تعبانه خلاص
ندى بضيق:تذكار قولي شي علامتس كذا
ماردت تذكار وسكتت ندى بقهر ولفت وخرجت من البيت وقابلتها المها:وينكم مب بلمطبخ
ندى:اختس تعبانه
المها:وش فيها
ندى:شدراني انا ادخلي شوفيها
المها:اعوذ بالله شفيتس انتي
تنهدت ندى ومشت عنها
'
بخيمة العيال
صقر:هاذا هو بندر جا
مفلح:حي الله بندر حياك
قاطعه بندر:بسألكم عن واحد اسمه نواف من هو
صقر:ليه تسال وبعدين علامك كذا
ناضره بندر:صقر مب وقتك
قااطعه باري هاذاك هو نواف توه جديد ع الديره
لف بندر بعجله وناضر نواف يمشي بلحاله وبيده سيقاره ويدخن
مشى له والعيال يناضرون بستغراب من بندر الي مشى بنواف لبعيد ودخلو بين بيوت قديمه
عبد العزيز:الوضع مايطمن يعيال
'
صحى ناصر وناضر حوله الضلام ماغير ضو فوانيس معلقه بلجدارن
حاول انه يلمح الي قدامه بس ماقدر من قوة تعبه والمنوم للحين مخدره
ضحك رشدي:صحيت يلمزيون
ابتسم ناصر:انتت للحين هنا ورا مارحت
قرب رشدي وحط كفه على وجنة ناصر وهو يطبطب بخفه:انتضرك تصحى عشان ابلغك ان رذاذ صارت
قاطعه ناصر:لاتكمل حلمك الي مستحيل توصله فاااهم
رشدي:اذا مو اليوم بكره واذا مو بكره بعدها
ناصر:تدري بقولك شي
ابتسم رشدي ينتضر ناصر ينطق
ناصر:رذاذ لو تقرب لشعره منها بس بتندم ندم عمرك تفهممم
قرب رشدي وهو يطلع السلسال من جيب جاكيته:تدري ان هالسلسال من قوة ما كنت حاط يدي على عنقها واشد اقوى واقوى انقطع هاسلسال حرام ماتحمل
بانت عروق ناصر من القهر وحاول يقوم بس ماقدر صرخ بعصبيه:والله لاخليك تذوق الوجعع اضعافف
قرب رشدي وهو يخنق ناصر بيده ابتسم ناصر:لو كانك رجال منت بعاصبني على هالكرسي ومستقوي علي
شد بيده رشدي على رقبة ناصر الي مبتسم رقم الوجع يحاول ينرفز رشدي الي فعلاً تنرفز وخاف وبعد يده وصرخ على واحد من رجاله الي باقيين:عطوه اكل واحرسوه طول اليل واذ ماطاعكم عطوه منّوم
زفر ناصر بقهررر وهو يتذكر كلامه عن رذاذ
'
نواف بستغراب:من انت يلـ اخو وش تبي
دفه بندر على الجدار
ناضره نواف بستغراب:خخير خير شايفني بزر عندك
بندر بهدوء:اسممع زينن لا اشوفك تقرب لبيت جدي ولا اسمعع انك جاي تخطب
قاطعه نواف:قصدك تذكار
مسك بندر فكه بعصبيه:لا اسمعكك تجيب اسمها على لسانك
وخر نواف يد بندر من على فكه:ومين انت هاا
مسك بندر بياقت نواف وهو يرفع ويضربه بلجدار بكل قوته:انت الي مينن ولا اشوفف بس تمد النظر لهااا انزل عيونك واحطهم بيداتك تفهم
دفه نواف:تحسبني بزر تهدد وتهايط علي
بندر:ايهه اهدد ولا اشوفك مقرب صوبها
نواف:بتزوجها طرقً عن خشمك رضيت ولا مارضيت
دفه بندر على الجدار ونزل فيه ضرب على جيت العيال الي استغربو الصراخ
مسك صقر بكتف بندر وهو يسحبه وباري يوقف قدام نواف ومفلح مثبت بندر
لف عبد العزيز على نواف:خيررر شسالفتكم انتم
بندر وهو يناضر نواف بنضره حاده:سالفه بيني وبينه اطلعو منها
صقر:تستهبل الولد توه جاي قبل يومين ولا تعرفه وش الي بينكم
نواف وهو يحط اصبعه تحت خشمه الي ينزف:اعلى مافخيلك اركبه والي ابيه بسويه
ومشى نواف صرخ بندر:اتوطى ببطنك
مفلح بعصبيه؛خلاص انت تستهبل وش الي بينك انت وهو
سحب بندر يداته بنرفزه:لاحد يتدخل
عبد العزيز:حنى ماصدقنا نفتك من ملفي جاينا نواف
بندر وهو يمشي:هاذا شغلته ثانيه
تنهد صقر ولف للعيال:نرجع للخيمه
مفلح:عسى ماهو رايح له مره ثانيه
صقر:ما اتوقع
'
الصباح:
خرجت رذاذ من غرفتها وناضرت محسن واقف منتضرها
رذاذ:تبي شي!
محسن:اجلسي
رذاذ بدون نفس:مستعجله وش تبي
محسن:اجلسي
شتت نضراتها وجلست بملل:ها وجلست
محسن:صديقي رشدي بيجي بكره وبيتزوجك
قاطعته:اموت ولا اخذه
كرر محسن بحزم:بيجي وبيتزوجك ايأني وايأك ترفضين
وقفت رذاذ:تزوجني له عشان كم كيس حبوب ها عشان شي تشربه يغضب ربك انت يبه(سكتت شوي وكملت) ماتستحق حتى كلمه يبه بس اقولك لو اموت وما اخذه
محسن:اصص لا اسمع لك حس بتوافقين غصب عنك
رذاذ بهدوء:انا للحين زوجت ناصر نسيت العقد الي صار نسيت الملكه كيف تزوجني وانا متزوجه
محسن:ازوجك متى ما ابي لاني ابوك
رذاذ:ابوي مات قبل اربع شهور
ضحك محسن:امك الي ماتت قبل اربع شهور مو ابوك
سكتت بصدمه من كلامه الي جرحهاا وتنهدت تبعد الضيق ماتبي تضعف قدامه:امي ما ماتت تفهمم
قرب محسن وهو يطبع كف هلى وجها:شلونن تكلمين ابوك كذا
لفت تناضره وهي حاطه يدها مكان الكف ومشت وخرجت من البيت بسرعه وناضرت رشدي الي جاي للبيت ولمن شافها مشى لها صرخت بقهر وهي تبكي:لاا تقرببب
رجع رشدي بخوف من شافها كذا وهمس(انجنت هاذي يمكن تقتلني)
ركضت رذاذ لتحت الشجره الي تجيها وصال عندها:وينكك وصِال احتاجككك
ماهي الا دقايق وجات وصال الي استغربت بكى رذاذ
جلست بجنبها وهي تسحبها لحضنها:علامش ليه تبكين
رذاذ:ابوي بيجبرني اتزوج رشدي الزفت اهخخ تدرين ان ناصر قريب من هنا بس رشدي مدري وش مسويه فيه
وصِال بستغراب:شدراك
(شرحت لها رذاذ الي صار امس)
نطقت وصال بجد:رذاذ
ناضرتها رذاذ بتسأل!
وصِال:بكره الفجر جهزي نفسك
رذاذ:ليه؟
شتت نضراتها وصِال بخوف وتردد:بنهرب
رذاذ بصدمه:نهرب وين نروحح!
وصِال:مدري بس بنهرب
رذاذ بتفكير:معك جوال
وصِال:للأسف لا بس وش بتسوين
رذاذ:احفظ رقم ناصر للحين وبعدين اكيد في سفاره سعوديه هنا
وصِال بتفكير:طيب المهم جهزي نفس بكره الفجر بننهرب وهم نايمين
هزت رذاذ راسها بلايجاب وناضرت السماء:ياربب تكفى ساعدنااا
.
.