"قـالت ابـي مـنـك امـان قـلـت كـلي امـان انـتي فـمانّ الله وفـي وجهـي وفي شنـبي"

البارت11:)

فـِ ساحة القصاص والكل موجود ويناضر محسن الي بنص الساحة ويتشهد باخر لحظات حياته وعيون الناس عليه بحزن الا بعض العيون الي تناضره بحقد وهم مصعب وخالد، ولوجهه الي كساه الشييب يناضر لولده بحزن وكل من يشوفه يدمى قلبه على حالته وفي لحضه صدمت عياله واحفاده وقف الجد على رجوله وقرب فهيد بيسنده بس نطق الجد:ابعد انا بخير ماودي يروح ولدي وانا جالس واناضره ناضر الجد مصعب واهل صاحب محسن بس ماكان على وجيهم شي يشير للعفو تنهد الجد بحزن وهو واقف على رجوله مايدري كيف جاته القوه يوقف بس شدة الموقف وقف بدون مايحس
تم تنفيذ القصاص والكل لف نضره من قوة المنضر ورددو انا لله وانا اليه راجعون واقبلو على الجد يعزون بعض المعارف واخذوه عياله من بين الناس لأن ماله طاقه يستقبل التعازي ومنضر ولده بين بعيونه
'
واقفه بنص الحوش تنتضرهم والجده جالسه قدامها وتبكي من حست بغصه بقلبها وحست انه صار القصاص سمعت اصوات ووقربت للباب وهي تسمع الناس يرددون الله يجبر مصابك يابوفهيد،وعظم الله اجركك فولدك بلعت غصتها ولفت لهم بصمت وعرفت الجده من سمعت الناس وصاحت بصوتها اما رذاذ وقفو لها البنات يهدونها بس ابد كانت متيبسه وتناضر بفراغغ وكلام الناس يتردد بمسامعها دخل الجد وفهيد سانده ويمشي معه وقفت الجده ومن الحزن مانتبهت ان الجد يمشي:ولديي ياناصر ولديي
الجد:ادعي له ادعي له يا صيته
ارتفع الظغط عند الجده وطاحت عليهم واخذوها الحريم لداخل ودخلو العيال للحوش ومن شافوهم البنات اخذو رذاذ لداخل
ناضرها ناصر بينهم وضاق صدره ولف للعيال الي بدو يفرشون الزل بلحوش للعزاء
وجلس الجد وهو ماسك نفسه ومبين لهم القوه وان هاذا الحق ولازم يصير بس من داخل قلبه يتقطع على ولده الثاني الي راح، شعور التعازي فولدك للمره الثانيه يعيشه الجد، ناضر سلمان وفهيد وسعد الي مشغولين وهمس بضيق:يالله انك تحفضهم
'
مر الوقت وصلو عليه بلمسجد ودفنوه بعد صلاة العصر وبدو الناس يجون للعزاء
'
جالسه وضامه نفسها على السرير والبنات جنبها كلن ماتدري وش تقول نطقت البندري:رذاذ ياروحي ليه ساكته لاتكتمين نفسس ابكي او تكلمي حنى نسمعس
ماردت رذاذ وهي تناضر بفراغ وضامه نفسها وشعرها مبعثر على اكتافها
مسحت وصال على راسها بخفه ووقفت:خلونا نتركها لحالها
وقفت البندري وندى ونوف بصمت وخرجو من عندها
البندري:وصال انتي اجلسي عندها حنى بنروح لبيت جدتي اكيد الحريم اجو يعزون والبنات يحتاجونا
هزت وصال راسها بـ ايه وخرجو البنات من الباب الخلفي بسرعه لان الحوش مليان رجال
مر الوقت ورذاذ ماخرجت من غرفتها وصال كل شوي تطل عليها سمعت دك ع الباب بخفه ووقفت وهي تعدل طرحتها: مين
ناصر:رذاذ موجوده
تنهدت وصال براحه لان محد بيطلع رذاذ من هالجوء الا هو
فتحت وتخبت ورا الباب:اي بغرفتها، دخل ناصر مسرع وفتح الباب
ناضرها جالسه وقرب وجلس قدامها
رفعت راسها بهدوء:وصال تكفين ما...
سكتت من شافت ناصر وناضرته بحزن بدون كلام
ناصر:ماودتس تقولين شي
بلعت غصتها:وش اقول تعبت من الكلام ومن كل شي
ناصر:يكفيس اني تركت الناس وجيتس
تنهدت بضيق وشتت نضراتها تمنع دموعها تنزل
مسك فكها بخفه وثبت وجها:اتركيهم ينزلون بترتاحين
شدها بكتفها لحضنه وبكت بتعب، مسح على راسها وهو يسمع شهقاتها تتسارع:ليت هالتعب فيني ولا فيس
'
بلحوش اجتمعو رجال الديره وكل من يعرف الجد ويعرف محسن والكل جا يقوم بواجب العزا والحريم بعد جو للجده يعزونها بولدها وهي منهاره
(وماودي اطول بسالفه العزا ونختصر)
،
مرت ايام العزاء بسرعه وبعد اسبوع من العزا
جالس الجد بلحوش بعد العِشاء وحوله عياله واحفاده الي مريحين بعد ماتعشو
الجد:هالحين يلا كلن يقوم ياخذ فراشه بنام بلحوش اليله
فز عبد العزيز بحماس:لحد يقوم بجيب فراشكم كلكم
صقر:تسوي خير مافيني حيل اقوم
ابتسم ناصر وهو يناضر الجد الي بدا يسترجع عافيته وابتسامته، بعد هالاسبوع الكئيب، ماتخطو الي صار وكلن حزين بقلبه بس محد يبي يبين هالشي ويمشون ايامهم برحابه ومن السّنه الحزن بس ثلاث ايام والجد منبه على الكل لاحد يزعلل والكل يدععي ويتصدق له وبس
الجده ماتخطت وفاة ولدها وللحين ضايق خاطرها وتتعب عليهم مرات والكل يواسيها وواقف معها حتى الجد، بس الضنى غالي هي يالله تخطت وفاة حمد وتجي بعدها وفاة محسن
رذاذ صارت شبه منعزله ماصارت تحب تجلس معاهم كثير وتسمع سوالف او اي كلام كانت تنتضر بفارغ الصبر يجيها ناصر ويهديها بلكلام ويضمد ع جروحها لان ماكان احد فاهمها كثره ووعوده لها انه بينسيها هالتعب والحزن طمنها كثثير، وفنعزالها كانت تستغل الوقت بصلاه والذكر وتقربت من الله اكثر وهالشي خفف عليها ككثير
،
نزل عبد العزيز بلفراش ورماه لهم وكلن اخذ فراشه وفرشه بلارض ومتوسطهم الجد وعياله على يمينه سلمان وفهيد وسعد وعلى يساره احفاده فاهد وفيصل وناصر وصقر وعبد العزيز وبندر
الجد بتحذير:لا اسمع نفس ارقدو لا ارقدكم بهالعصى
عبد العزيز:ابشر ابشر
انقلب الجد على جنبه اليمين وتلحف وماهي الا ثواني ورقد والكل رقد معاه ماعدا عبدالعزيز الي ابتسم بخبث وجلس وهو يناضرهم راقدين وقف بتفكير وش بيسوي وجت فباله خطه ومسك ضحكته من تخيل ردة فعلهم، تسلل بخطواته ودخل لبيتهم وناضر نوف الي جالسه بالصاله وتقلب فلكتاب
عبد العزيز:نوف
فزت نوف بخوف:وجع مو انت بترقد بلحوش
عبد العزيز:اييه بس جبتلس خطه تضحكس اسبوع قدام
عقدت حواجبها بستغراب:وششو؟
عبد العزيز:جيبي عبايتس وبس
تنهدت نوف بملل ودخلت لغرفتها واخذت اقدم عبايه لها ونقاب ورمتها له:وشش بتسوي!!
عبد العزيز:اختاري واحد من العيال اروعه
ناضرته بصدمه وهي تشوفه يلبس العبايه وكتمت ضحكتها:انت عقلل مااكوو
عبد العزيز:يوخيتي العقل مُمل انتي بس اختاري احد العيال
ابتسمت بتفكير:بندر لان المقلب الي فات صقر اليوم بندر
عبد العزيز:ايهه زين كان فبالي اصلاً له اسبوعين متغّير حاله
ضحكت نوف على شكل عبد العزيز الي لابس العبايه والنقاب:اهخخ شكلك اصصبر بصورك
عبد العزيز:لاعااد
نوف:بصورك بجوالك هص
اخذت جواله وصورته وهي تضحك:روحح يلا بصورك وانت تمقلبهم
من الشباك
بضحكه:تمم يله
خرج بهدوء ومشت نوف لشباك وهي تصور وكاتمه الضحكه
وقف وهو يناضرهم بتفكير وقرب لبندر ومسك برجوله وسحبه بحركه سريعه وفز بندر مرعوب وناضر للكائن الاسود الي يسحبه بسرعه ماقدر يفك نفسه وصرخ:فكني ياحمارر
كتم ضحكته عبد العزيز وهو مكمل يسحب
فز ناصر وفيصل على الصوت لان نومهم خفيف وناضرو مرعوبين
ماامداهم يستوعبون وفك عبد العزيز بندر وركض لهم وقفو مصدومين وهج فيصل بيركض بس تعركل بصقر وطاح فوق الجد
وفز الجد وهو متروع وصرخ:بسم الله بسم الله، ولف وكمل بصراخ، من هالبعير الي طاح فوقي
جلس الجد وناضر فيصل الي واقف وللحين مو مستوعب وضربه الجد على رجوله بلعصى وسحب فيصل رجله بوجع وهو يناضر لشخص المجهول الي واقف يناضرهم وصحوو الكل على الصوت وناضرو مصدومين وركض عبد العزيز لصقر الي يناضر مفجوع ويحسبه جن وفز برعب وهو يركض ويصارخ وعبد العزيز يركض وراه وهو ميتتت ضحكك بس كاتمها لا ينفضح
والجد يهاوش وكلهم يناضرون بصدمه وضلام مايشوفون الا هالسواد يراكض بلحوش
تخبى صقر خلف ناصر:انا في وجهك يا ناصر
تركهم عبدالعزيز ولف لبندر الي واقف وينفض ثوبه من الطين وهو متروعع ويلقط نفس ونقز فوقه عبدالعزيز وطيحه بلارض وجاه فاهد وسحبه وهو خلاص زاقه معه وسحب النقاب وتجمد عبد العزيز واختفت ضحكته وناضره فاهد مصدوم وقام الجد وهو يهاوش ويضرب عبد العزيز بلعصى:والله اني حاس انه انت ياقليل الخاتمه يلي ماتستحي وعطاه ضربتين بلعصى على رجوله، هاذا كبرك وعقلك عقل بزر لابس هالعبايه
سكت عبد العزيز بصدمه من دفه الجد خارج البيت وصكر:لا اشوفك تتميلح هنيا ولا احد يفتح له بياخذ من هالعصى نصيب
ضحك ناصر بصدمه وقام بندر وهو يتوعد فيه وماسك ضهره:اهخ كسر ضهري له الكسر
جلس فيصل بقهر:والله لاوريه الصباحح اخليه يندم
الجد:ارقد انت كسرتني كنك بعير مب أدمي
كتم ضحكته فيصل:السموحهه من صقر منسدح هنا
سلمان:مهما كبر هالولد ماشش
سحب فراشه صقر:بدخل ارقد داخل انا غلطان ارقدد عند واحد بلا عقل ولا مخ
ناصر بضحكه:هو نفسه
صقر بقهر:انطم انت
دخل صقر وهو ميت قهر وناضر نوف الي ميته ضحكك وبيدها الجوال تناضر:لا وتصور بعد
رفعت نضراتها نوف وهيي ميته ضحك:اهخخ تكفىىى شكلك وهو يركض وراك
سحب الجوال وشاف الفيد وبغى يحذفه بس سحبت نوف الجوال:لا تكفى بوريه البنات
صقر بقهر:لا والبنات بعد
سحب الجوال مره ثانيه وحذف الفيد ورجعه لنوف الي ابتسمت:والله انك غبي ماتعرف شي اسمه سلة محذوفات
رجع لها:ها وش قلتي
نوف بخرشه:لا لا ولاشي
'
الكل رجع بيرقد بعد هـ الاكشن الي صار والي كاتم الضحكه والي يتوعد بقهر فعبدالعزيز والي يدعي عليه وهو جالس على دكه ويناضر الشوارع الي يضيئها ضو القمر تنهد بوجع من ضربة الجد الي جت بركبته وللحين توجعه لف للباب منتضر احد يفتح:مامنهم رجى ذول موت هنا ولا حد بيفتح لك ياعبدالعزيز
فز بحماس:والله انك كفوو ياعزوز وراعي مقالب مشى مسرعع بتجاه الخيمه وناضرهم من بعيد جالسين حول شبة النار سعود وباري ومفلح مشى بمشية خفيفه لهم ودخل لهم وهم مو منتبهين وجلس بجنب سعود الي متكي فز باري ومفلح برعب ونطقو معى بعض: اعوذ بالله
لف سعود لجنب ونقز وقف على طوله:اخو نوره
عبد العزيز بصوت أنثوي:شفيك حبيبي
سعود:حبيب فعينس من انتي
باري وهو ورا مفلح مرعوب:جنيه اكيد جنيه
اما مفلح الي عرفه وسكت وكتم الضحكه قرب عبد العزيز من سعود
وبعد سعود وهو يصد:يابنت ابعدي انس ولا جنن
عبد العزيز:لا انا انس حبيبتك شفيك
سعود:ابن ابوي
عبد العزيز:ابن امي بعد شفيك
غمز عبد العزيز لباري الي استوعب وهجد من روعه ودفه سعود:ابعدي يابنت الناس الله يروعس روعتينا ماحنا بناقصين مشاكل
قرب عبد العزيز وحضن سعود من ورا ورجف سعود بخرشه ودف عبد العزيز بقوه وبلغلط طاح على شبت النار وصرخ من حست بحرارة النار بجسمه ولف سعود مصدوم وضحكو مفلح وباري بصدمه وقام عبد العزيز يناقز بوجع وفسخ العبايه الي احترقتت ورما النقاب ولف لسعود الي جاه بقهر اخذ النقاب والعباه ونحاش عبد العزيز وهو يضحك ومتوجع وسعود يتوعد فيه وجلس:طير قلبي الله يقلعه
ناضر مفلح وباري الي للحين يضحكون:كنتم عارفينه
باري:لا والله بس غمز لنا
مفلح:عرفته انا ياما سوى فيني من هلمقالب
سعود وهو ياخذ نفس:الله يخرشه خرشني
'
فتحت نوف الباب الخلفي لبيتهم ودخل عبد العزيز وناولها العباه وجلس بتعب شهقت نوف من شافت الحريق الي بعبايتها من ورا وناضرها عبد العزيز:والله مب قصدي طحت
نوف بقهر:الله يقلعك انت ومقالبكك عبايتيي راحتت فيهاا
عبد العزيز:اسف والله
نوف:وين اصرفها ذي
عبد العزيز بمزحه:عند الراجحي
نوف:تنكت انت وجهك
مشت بقهر وهي تقفل الباب بلقفل ومشت لغرفة صقر وناضرته يتلحف بيرقد:ترى عبد العزيز بالصاله اذا بتاخذ حقكك منه
وقف صقر بعجله وهو للحين منخرش وهمست نوف بقهر:حرق عبايتي خوذ حقي منه بعد تكفى
مشت بسرعه ووصكرت غرفة عبد العزيز ووقفت قدامها عشان لا يهرب
بلع ريقه عبد العزيز بصدمه وهو يناضر صقر الي جاي بشره:اخسس غدرتي فيني نوفوه
نوف:تستاهلل حرقت عبايتي
اخذ صقر اقرب سلك شاحن وقرب لعبد العزيز وهو يضربه وعبد العزيز يحاول مايصارخ ويصحي امه بس كان صقر يوجعه
صقر:تستاهلل انت ومقالبك الخايسه ذي يابزر
عبد العزيز:خلاص ياصقر تكفى اخر مره
وقف صقر ضرب:والله اخر مره ارحمك
تنهد عبد العزيز براحه وهو يحك مكان الضربه بوجع ودخل صقر لغرفته وقام لنوف الي انحاشت لغرفتها وصكرت الباب ورجع عبد العزيز لغرفته بينام براحهه بعد ما سوى هالشي الي يعتبره وناسه بالنسبه له
'
(الصباح)
صحت غزلان بتعب بعد هالاسبوع المتعب مرت ايام العزا عند خوالها وامها بس بعدها رجعت لعمتها الي حلفت تدبل شغلها حق الايام الي راحت فيها لهلها ومرت اربع ايام وهي منكرفه مارحمتها سلوى ابد
فزت على دك الباب وقامت وفتحت بعجله
سلوى بصراخ:وعمى ان شاءالله ورى ماتفتحين
غزلان ببرود:كنت نايمه
سلوى بصراخ:اقول ترى اختي وبناتها بيجوني للغدا جهزي نفسك زين وسوي غدا طيّب فاهمه
غزلان ببرود:طيب شي ثاني
سلوى:أيه بنبهك لاتقربين من بنات اختي ترى لو ضايقتيهم بكلمه ياويلك
ماردت غزلان وتأففت بقهر بعد ماخرجت سلوى وصكرت الباب بقوه وفزت سلوى بخوف وصرخت بقهر:وجععع
غزلان بهمس:سكتت كثير لين هنا وبس مارح اعتبرس وحده كبيرة سن هالحين واوريس
دخلت تتروش وخرجت ولبست جلابيه بالون السماوي ولبست اكسوارات خفيفه واخذت طرحتها وناضرت شكلها بلمرايه ببتسامه ورضى
'
دخلت البندري لغرفت رذاذ وناضرتها للحين منسدحه ومتلحفه بلكامل
حطت فطورها بلارض وجلست وهي تناديها بخفه
وصال من عند الباب:تراها صاحيه بس ماتبي تتكلم
البندري:افا رذاذ ليه
ابعدت الحاف وجلست بهدوء وهي تلم شعرها على جنب وناضرت البندري:مابي شي لاتجبروني
البندري:ترا مابيفيدس شي هالي تسوينه
رذاذ:ادري بس ابي اتخطى وبعدها خير
وصال:رذاذ كل يوم نفس الموال و...
قاطعتها رذاذ بصراخ:خلاصص لاتقربون مني دامكم طفشتو مني لاتحاولون فيني
وقفت بسرعه ودخلت الحمام(اكرمكم الله)
وصال بصدمه:ماكان قصدي كذا
وقفت البندري:لاتضايقين منها هي للحين مو مستوعبه الي صارلها
هزت وصال راسها بـ أيه وخرجت البندري بضيق ومشت بعدها وصال وصكرت الباب وجلست بالصاله
ناضرتها البندري قبل تخرج:ترانا ببيت جدتي اذا مليتي تعالي لنا
وصال:ان شاءالله
خرجت البندري وبعد دقايق فتحت رذاذ باب غرفتها ومشت بهدوء وجلست قدام وصال الي كانت سرحانه ولا انتبهت لها
رذاذ:زعلتي
لفت وصال على صوتها:ها لا من متى هنا؟
رذاذ ببتسامه:من سعيد الحظ الي تفكرين فيه
وصال:لاسعيد حظ ولا تعيس حظ مافكر بأحد
رذاذ:طيب اسفه ادري زعلتس ماكان قصدي انتي ادرى بانقلاب حالتي
وصال ببتسامه:ايهه ادريي لاتعتذرين
رذاذ:يعني راضيه؟
وصال:مابرضى الا بطلب
رذاذ:وششو؟
وصال:تمشين معي بنروح للبنات نغير جو
رذاذ بتفكير:اممم طييب يلا
وقفت وصال وقومت رذاذ معاها:يلا
وقفت رذاذ ببتسامه مجامله واخذت طرحتها وخرجو لبيت الجده
'
دخلو وناضرو البنات جالسين بصاله وملتمين حول بعض ويضحكون
رذاذ:شسالفه
شهقت ندى:واخيرا
البندري:زين ماسويتي لازم تتخطين
ابتسمت لهم رذاذ وقالت وصال:ها عاد ذابحني الفضول شتشوفون!
نوف بحماس:تعالو قربو بوريكم مقلب عزوز بلعيال
قربو رذاذ وصال وجلسو وهم يشوفون بس كان باليل ومو باين كثير
نوف بضحكه:اهخخ شوفو بندر مسكين انكسر ضهره من عزوز
ضحكو البنات بصدمه وهم يناضرون الا تذكار الي كشرت من طرو اسمه وابعدت ولاحضت عليها ندى
البندري:مارحمت الا جدي مسكين طاح فوقه فيصل
رذاذ وهي تضحك على اشكالهم:عزوز يفوز بلمقالب مسوي لنا جّو
ندى:اي والله فيه خير دام خلاتس تضحكين
وصال:اي والله عازله نفسك بهالغرفه
رذاذ:انسو هالموضوع ان شاءالله بتخطى
ضحكت نوف تغير الموضوع:يعني تشوف نويصر ولا تضحك ههههههه
ندى:ههههههههه من المستحيل
رذاذ:اقول ترى مو واضح بلفيديو
نوف وهي تقرب على ناصر :ههههه امااا وهاذا مين
ابتسمت رذاذ وضربتها ضربه خفيفه وابعدت وهي تتعدل بجلستها وتعدلو البنات كلهم
رفعو نضراتهم لهيا الي دخلت بصمت وجلست
نوف:احس انك مب معنا فلعالم وينك فيه
هيا بهدوء:كنت بغرفتي وشو؟
نوف:ها لا..
قاطع كلامها جوال عبد العزيز الي رن وناضرته بخوف:لا مين ذا
ندى:قومي عطيه عبدالعزيز
نوف بتوتر:مايدري اني اخذته وبيعصب اكيد
البندري:وجعع ليه ما استاذنتي منه
نوف بقهر:على اساس بيعطيني
رذاذ:طيب شوفو مين!
رفعت الجوال نوف وناضرته:سعود
ناضروها البنات بستغراب واخذته ندى بتصكر وبلغلط ردت وشهقت بخوف وسكتو البنات بصدمه
اخذته نوف وفتحت سبيكر وجاهم صوت مفلح:ياولد انا مفلح وراكم ماتردون وترى سعود صارله حادث وهو الحين بلمستشفى
بلعت ريقها نوف بتوتر وناضرت البنات واشرت لها رذاذ تصكر وصكرت نوف ووقفت:بروح اعطيه ولي بيصير يصير
خرجت نوف وراحت لبيتهم مسرعه
رذاذ:هاذي مستحيل تسوي شي وماتبلش نفسها
ندى:هههههه منجد
'
فتحت الباب بهدوء ودخلت وصدمت بصقر
صقر:عمى ماتشوفين
نوف:ها اي اي ماشوف
ناضرها بستغراب ولمح بيدها الجوال:شتسوين بجوال عبدالعزيز
رفعته نوف وناولته:مفلح اتصل ويقول سعود صارله حادث
توسعت عيون صقر بصدمه:ووششو!! وانتي رديتي عليه؟؟
نوف بتوتر:والله بلغلط رديت وهو قال كل شي وصكرت قسم ماطلع مني صوت
تنهد بقهر ولف لعبد العزيز الي دخل للبيت:خذ جوالك انت
اخذه عبد العزيز بستغراب: شيسوي معك
صقر:معى نوف مب معي
ضحك عبدالعزيز:اكيد وريتي البنات الفيديو
نوف:ايوا وبلغلط والله رديت ع مفلح
عبدالعزيز:هااا!!
صقر:مو انا حذفت الفيديو!؟
نوف ببتسامه:ايه وانا رجعته
شد صقر بأذنها:وانا شقلت؟!
نوف:أخخ اذني صقرر والله بس عشان نضحك وش فيها
صقر:تضحكينهم على اخوس
نوف:وتررى بندر يضحك اكثر منك مافيها شي
سحبها ناصر وحضنها بكتفه:خير وش فيكم على نوف
نوف:حي اخوي الكبير وضعيدي ايه شوفهم مصعدين الموضوع
ناصر:وش من موضوع
عبدالعزيز:ردت على مفلح من جوالي
ناصر:ايه اكيد بلغلط ماتسويها نوف
ضحكت نووف بانتصار:ياخي شوفو الاخ الصحح مب مثلكم شكاكين
صقر:لا والله
استوعب صقر:سعود سوى حادث
ناضره ناصر بصدمه:متى
صقر:مفلح يقول
فتح ناصر الباب مسرع ومشى لسيارته ولحقوه العيال وركبو معى بعض وحركو مسرعين للمستشفى
رد مفلح:هلا ناصر
ناصر:وش صار!
مفلح:سعود كان رايح لرياض وصارله حادث
ناصر:عسى مافي اصابات خطيره
مفلح:لا الحمدلله
صكر ناصر بعد ماوصلو المستشفى ودخلو وقابلهم مفلح ووداهم لغرفته
كان منسدح ويناضر السقف ودخلو عليه العيال بسرعه ورفع نضراته وهو مستغرب بس شافهم ناضر مفلح:مو قلت لاتعلمهم
ناصر وهو يسلم عليه:وليه مايعلمنا!!
عبدالعزيز:ولا ماحنا اخوياك
سعود:لا افا بس سهالات مايحتاج
مفلح:وشو سهالات والدكتو يقول بتجلس تحت المراقبه يومين
سعود:الدكتو مزودها شوي
صقر وهو يسلم عليه:المهم تقوم بسلامه
جلس ناصر:وش قال الدكتور
مفلح:جاته ضربه قويه بالراس ولازم يجلس يومين بلمستشفى
سعود:ومن قال بجلس
صقر:بتجلس غصب برضاك هو؟
عبدالعزيز:ايه صحح مو على كيفك
سعود:تعرفوني ما اداني المستشفيات
ناصر:حتى لو صحتك أهم
تنهد سعود بضيق ولف على دخول باري الي قرب يحضنه:احسبك متت
سعود:استغفرالله لا تفاول
باري:مافاولت انا اتوقع ان اي شخص يصير له حادث الاحتمال الاكبر يموت
ناصر:مو كلهم اجلس بس انت وتوقعاتك
جلس باري وهو ياخذ نفس:انقطع نفسي وانا اراكض بهالممرات
عبدالعزيز:ورا ماسألت الاستقبال
باري:لقيت بنت بالاستقبال ماقدرت اكلمها
عبدالعزيز:ههههههه وليه ماقدرت مستحي يعني
باري:لا عيونها ذباحه ياولد
ناضروه العيال بصدمه واولهم سعود:تبي تذبحني انت قبل يومي
باري:ليه قلت شي غلط
ناصر:اقطعو السالفه
صقر:بيكون افضل لايجيب العيد اكثر
عبدالعزيز:ليه باري متى ماجاب العيد
باري:والله عاد لو تشو..
قاطعه صقر:لا ويبي يكمل اقول قم اذلف
باري:اي والله بذلف اشرب حلقي نشف
عبدالعزيز:خل عيونها الذباحه تنفعك وتبلي ريقك قم معي بس بنروح نجيب عصاير وماء للعيال
باري:بس على حسابك
عبدالعزيز:لا من حسابك يلمطفر
باري:اي والله مطفر ماني بجأي
عبدالعزيز:ادري ماورى وجهك خير قم بس
وقف باري:مع انك ذاب على وجهي الا ان فيني خير اقوم معك
فتح عبدالعزيز وخرج وجاه باري ومشو للبقاله
'
دخل نواف وناضر حنان جالسه جلس قدامها واخذ نفس:ماودك نرجع لديره
رفعت نضراتها حنان:انت ماتشوف حنى وش فيه
نواف:طب خالي وتوفى شنسوي حنى نجلس عندهم
حنان:انت شايف حالت البنات مساكين مالهم احد بجلس عندهم لين تجي خالتهم وتاخذهم
نواف بضيق:وليه للحين ما أجت فاضيين حنى
صرخت حنان بقهر:انت ماتفهم اقولك بنجلس هنا ع الاقل اسبوعع ماني بتاركه بنات خالي وهم بهالعمر بلحالهم بهالبيت
وقف نواف بقهر:مير هاذاك البندر ياخذ البنت
وقفت حنان بقهر وهي تصارخ:ياخذها بطقاق عمرك ما اخذتها كلها بنت في احسن منها
نواف وهو يصر ع سنانه:البنت ابيها مالش صلاح طيب، واسبوع بس ونرجعع فاهمه
سكتت حنان بقهر وعطاها نواف ضهره وخرج من البيت
،
تنهدت براحه بعد ماخلصت الغداء ولفت تعدل طرحتها وتمسح الماء الي على يداتها وخرجت لصاله على دخول اخت سلوى وبناتها
قربت تسلم عليهم ببتسامه
امينه(اخت سلوى:انتي غزلان صحح
غزلان ببتسامه:ايه
امينه ببتسامه:ماشاءالله عليك اسم ع مسمى
غزلان:سلمتي ياخالتي
ساره(بنت امينه:وين غزلان ياحضي ليتهم عرفو يسمون
ناضرتها غزلان بصدمه
هُدى اخت ساره:صدقتي والله لو سموها قردان كان احلا
امينه:بس انتي وياها
قاطعتهم سلوى الي جت وهي ترحب وتهّلي وسلمت عليهم ودخلو للمجلس وجلسو الا غزلان الي تحس راسها صدعمن كثر الوقاحه
مشت للمرايه وقفت تناضر شكلها وابتسمت باعجاب:من غيرتهم والله، كنهم ابهامي وجهم بدون ملامح
لفت ودخلت المجلس وجلست بصدر المجلس وهي تناضر لهدى وساره الي يتهامسون
هدى:الا خالتي وين الضيافه عطشانه مافي عصير مافي شي
سلوى:الا اكيد فيه
لفت لغزلان وهي تعطيها نضره يعني قومي بس طنشت غزلان ونفذ صبر سلوى وصرخت:ماتفهمين انتي قومي هاتي الضيافه
ابتسمت غزلان ابتسامه خفيفه من شافت القهر بعيون سلوى وقامت ودخلت المطبخ تسوي عصير لمحت علبه غريبه بين العلب بالدولاب واخذتها وقرت المكتوب عليها(منوم اربع ساعات)رجعت العلبه واخذت العصير ومشت بس تراجعت وهي توقف وتحط العصير وتاخذ العلبه وناضرتها بتفكير:يلا ياغزلان تريحين راسك منهم اربع ساعات، وحطت من المنوم ع العصير وحركته زين واخذته لهم
وجلست تناضرهم يشربون منه وبادخلها تسألو غريب ماعمرها سوت شي زي كذا فلحضه خافت انه يصير لهم شي بس طردت هالافكار من راسها وناضرتهم بدو ينعسون وماهي الا ثواني وانرمو ع الارض نايمين بهدوء وقامت غزلان وتعدتهم وطلعت لغرفتها:ايه كذاا الحين ادقها نومه للعصر
.
.
.