اتفاعلو جماعة هذي رواية راهي قمبلة هههه
Caaaat akchin 🎬
في هذيك الحومة وين الناس كامل يعرفو بعضاهم وكل واحد لاتي بروحو ولا هذا واش رانا نسمعو برك مع الوقت نعرفو كي نجوزو يامات ثما .... كانت الستة تاع صبح هكاك و نورمالمو الغاشي راقد بصح الهراج ثما في هذيك الحومة .... العين جات اليوم و الناس صبحت تعمر في الماء اممم خلينا نقربو عندهم شوي انا على روحي نموت على التقرعيج ... ايي زوج نسا كانو يتضاربو بالهدرة
^نتي واش حسبتلك العين تاع باباك وقيل راكي تشوفي فينا نستناو من الصبح ^
^كيفاه وحدة كيما نتي تهدر معايا هاك راني كبيرة عليك ^
^مالا واش حستبلك نروح نعمرلك البوادن ونوصلهم لدارك وقيل كل واحد يستنا دالتو كيما ستنينا من الصبح مام نتي ^
من تاقة تاع وحد الدار ثما هدرت مرا تبان كبيرة "ٱيلا بنتي واش بيك يعيشك مشي وقت المشاكل مع صبح خلي المرا تعمر معليش"
ٱيلا : ماني وقيل مشتيهاش كيفاه جازتنا كامل رايحة تعمر ومشي انا لي مرانيش قابلة بهذي التمسخيرة كامل لي راهم هنا راهم معايا ياك
بداو الناس يقولولها ايه ٱيلا مغلطتش عندها الحق وهذيك المرا وحدها ولات لبلاصتها سكتت بيسك كامل عمبالهم طيحي في فم كلب ومطيحيش في فم ٱيلا وجازت سلامات راحت الفحلة عمرت بوادن تاوعها وجات طالعة
مراناش مبعدين غير في الدار تاع مقبيل
^فوزية غير الخير نوضتيني ^
فوزية :مخيرش يابنتي لي عندو ٱيلا في الدار ميلقاش الخير
^واش دارتلك ثان راكم كي القط والفار^
فوزية : انا هذيك فمها لي لازم يتخيط بسبابها راح ندير العداوة مع كامل الحومة
ٱيلا : واشبيك ماني على العام كاليك لسانك عليا خالتو ريم واش راهي تشكيلك ثان عليا
ريم : مخليتينش نسمع روحي حطي من يدك وقوليلي واش درتي
حطت هذوك البوادن وتكسلت مع البونك
ٱيلا : والله غير ضاربت مع سعاد هذا مكان
فوزية : ايه فرحتيني كي ضاربتي انا نروح ولا نطيح هنا كاش ميصرالي بسبتك نتي لي راح تقتليني
راحت فوزية وهوما بداو يضحكو عليها مسكينة المرا راح تروح فيها وهوما يضحكو باردات القلب
ريم :ايه يابنتي نستعرف بيك هذيك سعاد هذا واش يليقلها مفهمتش من نهار وليدها بدا يخدم في la police بدات تحساب في روحها
ٱيلا :انا من نهار اللول قلتلكم عليها متعجبنيش هذيك المرا وهاهي خرجت كيما قلت
ريم :عمبالنا بلا متضلي تعاودي روحي بروفيتي دوشي ضك نروح نطيب قهوة ونشوف يما
كل وحدة وين راحت يفرو شغالاتهم ومام حنا خلونا نبدلو بلاصة خلاصو الخبارات هنا وانا نسحق نعمر القرع مالا رانا جينا ل autr wilaya في وحد الدار كبيرة كانت مضاربة صايرة انا نبان غير في وقت المضاربات ههه
•خلاص امالا انا حاب ندي حق بابا ونخرجو من الدار خويا ختي و يما
•مام انا راني معاك ضك نعيط لل l'avocat
•وليدي عاود خمم مشي كلش يتفرا هاك واش الفايدة كي تقطع كلش مع فاميلتك
•يما خلاص لي صرا من نهار موت بابا لليوم يكفي و بالزايد انا منقبلش المذلة
المرا هذيك سكتت ملقات متقول بيسك وقيل لقات عندو الحق وكيما كان جا المحامي وتقسم كلش بين الطرفين موراها خرجت هذيك الجماعة من هذاك الدار بلا النية تاع يعاودو يولو امبعد تعرفو شكون هذو بالعقل المهم كي انا راني عارفة شكون هوما ههه
البارت اللول راني متحمسة نزيد نحطلكم سيختو هذي الرواية مشاعري كامل فيها وهذا النوع تاع حب الجيران اول مرة نكتب حاجة كيما هاك و الافكار مخلطين نحب نسمع افكاركم
Strawberry 🍓
أنت تقرأ
قدري و نصيبي
Romanceزوج جيران تلاقاو صدفة هي طاحت فيه وهو طاح فيها بصح حتى واحد ما مستعرف فيزوج راسهم خشين زعما كاش واحد يقبل يتنازل مالغري كامل عمبالهم مكتوبين لبعضاهم كرونيك جديدة surprise السمانة الجاية نبدا نحط وشابة السرد بدلتو مشي كيما لي فاتو و احكمو بلاصة كا...
