ايوب : نستعرف بيك ختي ... شفتي داليا خوك كيفاه تبدل وجهو تشكوكا صدمة حياتو
داليا : هههه ايه صفار خضار مام انا قريب امنت ٱيلا كي قاعدة تهدر والله من نيتك ياطفلة
دانا : ٱيلا تعرف تمثل كون جات عليا نمدلها جائزة الاوسكار
ٱيلا : حشمتوني هاذو برك المواهب معرفوش برك بلاصتي
جابوها بضحكة حتى جبد هيثم شعر ٱيلا بيديه
ٱيلا : اااي بالعقل
هيثم : مامي ثيعان هيثم
ٱيلا : يالبي انا ناكلك ... ايوب تعيش هات شوي كوجاك من ثم
ايوب : اديهم من عندي هيثم عندي شحال مشفتوش خليش يتفشش
ٱيلا : ربي يخليك كثر خيرك
أيوب : بلا مزية ... ٱيلا نمدلك نصيحة غير روحي قولي لفارس كنتي تتمسخري بيسك هو فمو ميحكموش صايرتلو كيما عجايز
ٱيلا"هههه خلاص ضك نروح نسلك روحي ... و صحيت على الكوجاك ربي معاك
راحو البنات طلعو دانا راحت مع داليا وٱيلا مشات بدلتلو لهيثم ولقات الدار سما ضربت في راسها يكونو مجمعين عند خالة نورة هاذو اليامات هاك وحدة تروح عند لوخرة شوي راحت مشات مع ولدها عندهم طبطب فتحلها ديركت سيف الدين اليوم راهي غير طيح في وجهو مفهمتش علاه ياودي قولولها انا لي حبيت ونهار تنفحلي نخليك متشوفيهش كامل بصح قلبي ميخلينيش نديرها
ٱيلا : سلام ... راهي هنا ماني
سيف الدين : ايه كامل هنا ... ادخلي راهم مجمعين في الصالون تعرفي الدار
دخلت وهو راح مزادش معاها حرف معاها
ٱيلا : نندب عليك ... تقول الهدرة بالدراهم
دخلت سلمت عليهم مدت هيثم ليماه وقعدت كان قدامها فارس و داليا لقاتهم يهدرو عليها وتسمعي غير الهمسات سما رمات وذنها عندهم احممم انا لي قلتلها ههههه
فارس : عمبالك داليا تغيض بلقيس تصبر روحها بوليد ختها
داليا : اممم مسكينة راك تشوف
فارس : ايه بصح والله غير ٱيلا متبانش وحدة مزوجة كامل شوكاتني كي سمعت
داليا : وي شفت مام انا تشوكيت
فارس : باينة الطفلة دارولها كيما بنات بكري زوجوها صغيرة مولات 18 ... ماني فوزية محسبتليش عندها هاذي العقلية
ثما بطلتي جابتها بوحد الضحكة طويلة عريضة ارواحي نتي حبسيها حتى قرصتها ريم سكتت كامل قاعدين يخزرو فيها
ٱيلا : اسمحولي بزاف والله مبلعاني تفكرت عفسة ... امم دقيقة فارس ارواح عندي هدرة معاك
داتو للكوزينة وهو قاعد يشوف معاها حاب يفهم واش كاين هي بدات تضحك حتى وين هدرت بسيف
أنت تقرأ
قدري و نصيبي
Romanceزوج جيران تلاقاو صدفة هي طاحت فيه وهو طاح فيها بصح حتى واحد ما مستعرف فيزوج راسهم خشين زعما كاش واحد يقبل يتنازل مالغري كامل عمبالهم مكتوبين لبعضاهم كرونيك جديدة surprise السمانة الجاية نبدا نحط وشابة السرد بدلتو مشي كيما لي فاتو و احكمو بلاصة كا...
